ՂՈԻԿԱՍ 10:2 - Western Armenian New Translation - Armenian Catholicosate of Cilicia - New Testament

² Անոնց ըսաւ. – Հունձքը առատ է, բայց մշակները՝ քիչ. հետեւաբար խնդրեցէք հունձքի Տիրոջմէն, որ իր հունձքին համար մշակներ պատրաստէ եւ ղրկէ։

Արեւմտահայերէն Նոր Կտակարան հարմարցուած․ 2017

² Եւ ըսաւ անոնց. «Հունձքը շատ է բայց մշակները քիչ. ուստի հունձքին Տէրոջը աղաչեցէք որ մշակներ հանէ իր հունձքին։

Western Armenian Bible 1853

² Եւ ըսաւ անոնց. «Հունձքը շատ է բայց մշակները քիչ. ուստի հունձքին Տէրոջը աղաչեցէք որ մշակներ հանէ իր հունձքին։

ՂՈԻԿԱՍ 10:2 Iomraidhean Croise

ՄԱՏԹԷՈՍ 20:1

Արդարեւ, երկինքի արքայութիւնը կը նմանի հետեւեալին.– Կալուածատէր մարդ մը կար, որ առաւօտ կանուխ գնաց մշակներ վարձելու՝ որպէսզի իր այգիին մէջ աշխատին։

ՄԱՐԿՈՍ 13:34

Անիկա կը նմանի այն մարդուն, որ իր տունը կը ձգէ եւ ուրիշ երկիր կ՚երթայ։ Չգացած՝ իր ծառաներէն իւրաքանչիւրին պարտականութիւն կու տայ եւ դռնապանին ալ կը պատուիրէ որ արթուն մնայ։

ՄԱՐԿՈՍ 16:15

Եւ ըսաւ անոնց. – Գացէք ամբողջ աշխարհը եւ բոլոր մարդոց քարոզեցէք Աւետարանը։

ՄԱՐԿՈՍ 16:20

Իսկ անոնք աշխարհի բոլոր կողմերը երթալով՝ Տիրոջ գործակցութեամբ Աւետարանը կը քարոզէին, եւ իրենց քարոզութիւնը կը հաստատուէր իրենց տրուած բոլոր նշաններով։

ՂՈԻԿԱՍ 9:1

Յիսուս կանչեց տասներկու աշակերտները եւ անոնցզօրութիւն եւ իշխանութիւն տուաւ բոլոր չար ոգիները հանելու եւ հիւանդութիւնները բժշկելու։

ԳՈՐԾՔ ԱՌԱՔԵԼՈՑ 11:19

Այն հաւատացեալները, որոնք Ստեփանոսի սպանութեան յաջորդած հալածանքին պատճառով զանազան կողմեր ցրուած էին, հասան մինչեւ Փիւնիկէ, Կիպրոս եւ Անտիոք, եւ Հրեաներէն դուրս ուրիշ ոչ ոքի կը խօսէին Քրիստոսի մասին։

ԳՈՐԾՔ ԱՌԱՔԵԼՈՑ 13:2

Օրմը, երբ ասոնք Տիրոջ պաշտամունք կը մատուցանէին ծոմ վիճակով, Սուրբ Հոգին ըսաւ. –Տրամադրեցէ՛ք Բառնաբասն ու Սօղոսը այն գործին՝ որուն կոչած եմ զիրենք։

ԳՈՐԾՔ ԱՌԱՔԵԼՈՑ 13:4

Հետեւաբար, Բառնաբասն ու Սօղոսը Սուրբ Հոգիէն ղրկուած՝ իջան Սելեւկիա, եւ հոնկէ դէպի Կիպրոս նաւեցին։

ԳՈՐԾՔ ԱՌԱՔԵԼՈՑ 20:28

Հսկեցէ՛ք ձեր անձերուն եւ ձեր ամբողջ հօտին, որուն տեսուչ կարգեց ձեզ Սուրբ Հոգին։ Հովուեցէ՛ք Տիրոջ եկեղեցին, որ ան իր արիւնով գնեց։

ԳՈՐԾՔ ԱՌԱՔԵԼՈՑ 22:21

Բայց Տէրը ինծի ըսաւ. «Գնա՛, որովհետեւ ես քեզ հեռաւոր ազգերուն պիտի ղրկեմ»։

ԳՈՐԾՔ ԱՌԱՔԵԼՈՑ 8:4

Ասոր վրայ՝ հաւատացեալները ցրուեցան եւ երկրին զանազան կողմերը շրջելով Աւետարանի պատգամը կը քարոզէին։

ԱՌԱՋԻՆ ԿՈՐՆԹԱՑԻՍ 12:28

Այդ մարմինին, այսինքն՝ եկեղեցիին մէջ Աստուած բազմաթիւ անդամներ կարգեց՝ զանազան ծառայութեանց համար. նախ՝ առաքեալները, երկրորդ մարգարէները, երրորդ՝ ուսուցանողները, ապա՝ հրաշագործ զօրութիւն ունեցողները, եւ դեռ՝ բժշկելու շնորհք ունեցողները, ուրիշներուն օգնելու ընդունակները, վարչական կարողութեամբ օժտուածները, յափշտակութեան մէջ լեզուներ խօսողները եւ այդ լեզուներով խօսուածը մեկնաբանելու ատակ մարդիկը։

ԱՌԱՋԻՆ ԿՈՐՆԹԱՑԻՍ 15:10

Բայց հիմա ինչ որ եմ՝ Աստուծոյ շնորհքին կը պարտիմ. եւ կրնամ ըսել՝ թէ Աստուծոյ ինծի տուած շնորհքը ապարդիւն չեղաւ, որովհետեւ բոլոր առաքեալներէն աւելի ե՛ս աշխատեցայ, թէպէտ ինչ որ ըրի՝ ես չըրի, այլ իմ մէջս գործող Աստուծոյ շնորհքը։

ԵՐԿՐՈՐԴ ԿՈՐՆԹԱՑԻՍ 6:1

Արդ, որովհետեւ Աստուծոյ գործպկիցներն ենք, կ՚աղաչենք ձեզի, մի՛ վատնէք Աստուծմէ ձեր ստացած շնորհքը։

ՓԻԼԻՊՊԵՑԻՍ 2:21

Միւս բոլորը իրենք իրենց գործերով մտահոգ են եւ ո՛չ թէ Յիսուս Քրիստոսի գործով։

ՓԻԼԻՊՊԵՑԻՍ 2:25

Անհրաժեշտ նկատեցի ձեզի ղրկել մեր եղբայրը՝ Եպաֆրոդիտոսը, որ դուք ղրկած էիք՝ կարիքներս հոգալու համար, եւ որ Քրիստոսի Աւետարանին համար աշխատեցաւ ու պայքարեցաւ իմ կողքիս։

ՓԻԼԻՊՊԵՑԻՍ 2:30

որովհետեւ Տիրոջ գործին համար կեանքը վտանգի ենթարկեց եւ մինչեւ մահուան դուռը հասաւ, որպէսզի ձեր տեղը ի՛նք հոգայ կարիքներս։

ԿՈՂՈՍԱՑԻՍ 1:29

Ատոր համար է որ կ՚աշխատիմ ու կը պայքարիմ, այն ոյժովը՝ որ իմ մէջս կը գործէ զօրեղապէս։

ԿՈՂՈՍԱՑԻՍ 4:12

Ձեզի բարեւ կ՚ընէ ձեր հայրենակիցը՝ Եպաֆրասը, Քրիստոս Յիսուսի ծառան, որ շարունակ իր աղօթքներով կը տքնի ձեզի համար, որպէսզի հոգեւորապէս կատարեալ ըլլաք, կատարելապէս տեղեակ Աստուծոյ կամքին։

ԱՌԱՋԻՆ ԹԵՍԱՂՈՆԻԿԵՑԻՍ 2:9

Վստահաբար կը յիշէք, եղբայրներ, մեր ծանր աշխատանքն ու յոգնութիւնը. թէ ի՛նչպէս մէկ կողմէ գիշերցերեկ կ՚աշխատէինք՝ ձեզմէ ոեւէ մէկուն բեռ չըլլալու համար, եւ միւս կողմէ Աստուծոյ Աւետարանը կը քարոզէինք ձեզի։

ԱՌԱՋԻՆ ԹԵՍԱՂՈՆԻԿԵՑԻՍ 5:12

Եղբայրնե՛ր, կ՚ուզենք որ գնահատէք եւ յարգէք անոնք՝ որոնք ձեզի համար կ՚աշխատին, եւ Տիրոջ կողմէ ձեզի առաջնորդ կարգուած ըլլալով՝ կը խրատեն ձեզ։

ԵՐԿՐՈՐԴ ԹԵՍԱՂՈՆԻԿԵՑԻՍ 3:1

Ի վերջոյ, եղբայրներ, աղօթեցէ՛ք մեզի համար, որպէսզի Տիրոջ խօսքին տարածման գործը արագ ընթանայ եւ ամէն տեղ փառաւոր արդիւնքի հասնի, ինչպէս ձեր մօտ եղաւ։

ԱՌԱՋԻՆ ՏԻՄՈԹԷՈՍ 4:10

թէ՝ կը տքնինք եւ նախատինք կրել յանձն կ՚առնենք՝ որովհետեւ մեր յոյսը դրած ենք կենդանի Աստուծոյ վրայ, որ բոլոր մարդոց փրկիչն է, բայց մանաւանդ հաւատացողներուն։

ԵՐԿՐՈՐԴ ՏԻՄՈԹԷՈՍ 4:5

Բայց դուն միշտ արթուն եղիր, նեղութիւններու համբերէ, աւետարանիչի քու գործդ ըրէ եւ ծառայութիւնդ իր աւարտին հասցուր։

ՓԻԼԻՄՈՆ 1:1

Ես՝ Պօղոս, որ Յիսուս Քրիստոսի համար բանտը կը գտնուիմ, եւ մեր եղբայրը՝ Տիմոթէոս, կը գրենք քեզի, սիրելի՛ Փիլիմոն, մեր գործակիցը.

ԵԲՐԱՅԵՑԻՍ 3:6

մինչդեռ Քրիստոս հաւատարիմ է իբրեւ Որդի՝ իր սեփական տան վրայ։ Իսկ իր տունը մե՛նք ենք, եթէ մինչեւ վերջ անխախտ պահենք մեր վստահութիւնը եւ մեր յոյսը, որով կը պարծենանք։

ՅԱՅՏՆՈՒԹԻՒՆ 2:1

Եփեսոսի եկեղեցիին հրեշտակին գրէ՛. «Այսպէս կ՚ըսէ ան՝ որ իր աջ ձեռքին մէջ ունի եօթը աստղերը եւ որ կը շրջի եօթը ոսկի ճրագարաններուն միջեւ.–