ՅՈՎՀԱՆՆՈԻ 8:9 - Western Armenian New Translation - Armenian Catholicosate of Cilicia - New Testament

⁹ Այս խօսքը լսելով՝ մեծէն պզտիկ բոլորն ալ մէկ առ մէկ հեռացան։ Յիսուս մինակ մնաց եւ կինը՝ իր դիմաց կանգնած։

Արեւմտահայերէն Նոր Կտակարան հարմարցուած․ 2017

⁹ Անոնք այս լսելով ու իրենց խղճմտանքէն յանդիմանուելով՝ մէկիկ մէկիկ դուրս ելան, ծերերէն սկսած մինչեւ յետինները։ Յիսուս մինակ մնաց ու կինը մէջտեղը կայնած։

Western Armenian Bible 1853

⁹ Անոնք այս լսելով ու իրենց խղճմտանքէն յանդիմանուելով՝ մէկիկ մէկիկ դուրս ելան, ծերերէն սկսած մինչեւ յետինները։ Յիսուս մինակ մնաց ու կինը մէջտեղը կայնած։

ՅՈՎՀԱՆՆՈԻ 8:9 Iomraidhean Croise

ՂՈԻԿԱՍ 13:17

Այս խօսքին վրայ անոնք որոնք կը հակառակէին Յիսուսի՝ ամչցան, մինչ ամբողջ ժողովուրդը կ՚ուրախանար Յիսուսի կատարած բոլոր հրաշագործութիւններուն համար։

ՅՈՎՀԱՆՆՈԻ 8:10

Ապա շտկուեցաւ եւ հարցուց կնոջ. – Ո՛վ կին, ո՞ւր են քեզ ամբաստանողները. մէկը քեզ չդատապարտե՞ց։

ՅՈՎՀԱՆՆՈԻ 8:12

Յիսուս դարձեալ խօսեցաւ ժողովուրդին, ըսելով. – Ե՛ս եմ աշխարհի լոյսը։ Ով որ ինծի կը հետեւի՝ խաւարի մէջ պիտի չքալէ, այլ պիտի ունենայ այն լոյսը որ կեանքին կ՚առաջնորդէ։

ՅՈՎՀԱՆՆՈԻ 8:2

Առաւօտ կանուխ դարձեալ տաճար ելաւ։ Ամբողջ ժողովուրդը իրեն կու գար, եւ ինք նստած՝ կ՚ուսուցանէր անոնց։

ՅՈՎՀԱՆՆՈԻ 8:3

Օրէնքի ուսուցիչները եւ Փարիսեցիները Յիսուսի բերին կին մը, որ շնութեան մէջ բռնուած էր, եւ զայն կանգնեցնելով բոլորին դիմաց,

ՅՈՎՀԱՆՆՈԻ 8:8

Եւ դարձեալ գլուխը խոնարհեցնելով՝ հողին վրայ կը գրէր։

ՀՌՈՎՄԱՅԵՑԻՍ 2:15

Անոնք ցոյց կու տան որ Աստուծոյ Օրէնքին պահանջները իրենց սիրտերուն մէջ գրուած ունին, որուն կը վկայէ նաեւ իրենց խիղճը, երբ իրենց դատողութիւնները զիրենք կը յանդիմանեն կամ կ՚արդարացնեն։

ՀՌՈՎՄԱՅԵՑԻՍ 2:22

Դուն որ կ՚ըսես՝ «Մի՛ շնար», կը շնա՞ս։ Դուն որ կուռքերէն կը գարշիս՝ անոնց տաճարներուն մէջ կողոպո՞ւտ կ՚ընես։

ԱՌԱՋԻՆ ՅՈՎՀԱՆՆՈՒ 3:20

Նոյնիսկ եթէ մեր խիղճը ոեւէ յանցանքով մեզ մեղադրէ, չմոռնանք՝ որ Աստուած մեր խիղճէն աւելի մեծ է եւ ամէն բան գիտէ։