ՅՈՎՀԱՆՆՈԻ 8:44 - Western Armenian New Translation - Armenian Catholicosate of Cilicia - New Testament

⁴⁴ Դուք ձեր հօր՝ Սատանային զաւակներն էք եւ անոր ցանկութիւնները կատարել կ՚ուզէք։ Անիկա սկիզբէն մարդասպան էր եւ ճշմարտութեան կողմնակից չէ եղած բնաւ, որովհետեւ անոր մէջ ճշմարտութիւն չկայ։ Երբ սուտ խօսի՝ իր նկարագիրը ցոյց կու տայ, քանի որ ստախօս մըն է եւ սուտին հայրը։

Արեւմտահայերէն Նոր Կտակարան հարմարցուած․ 2017

⁴⁴ Դուք ձեր հօրմէն Սատանայէն էք ու ձեր հօրը բաղձանքը կ’ուզէք ընել։ Անիկա սկիզբէն մարդասպան էր եւ ճշմարտութեան մէջ չկեցաւ, վասն զի անոր ներսիդին ճշմարտութիւն չկայ։ Երբ անիկա ստութիւն խօսի, բուն իրեններէն կը խօսի, քանզի անիկա ստախօս է եւ անոր հայրը։

Western Armenian Bible 1853

⁴⁴ Դուք ձեր հօրմէն Սատանայէն էք ու ձեր հօրը բաղձանքը կ’ուզէք ընել։ Անիկա սկիզբէն մարդասպան էր եւ ճշմարտութեան մէջ չկեցաւ, վասն զի անոր ներսիդին ճշմարտութիւն չկայ։ Երբ անիկա ստութիւն խօսի, բուն իրեններէն կը խօսի, քանզի անիկա ստախօս է եւ անոր հայրը։

ՅՈՎՀԱՆՆՈԻ 8:44 Iomraidhean Croise

ՄԱՏԹԷՈՍ 12:34

Իժերո՛ւ ծնունդներ, ի՞նչպէս կրնաք լաւ բաներ խօսիլ, երբ դուք չար էք, քանի բերանը սրտին մէջ եղածն է որ կը խօսի։

ՄԱՏԹԷՈՍ 13:15

որովհետեւ այս ժողովուրդին միտքը թանձրացած է. իրենց ականջները խցած են, եւ իրենց աչքերը փակած, որպէսզի չըլլայ որ իրենց աչքերը տեսնեն ու ականջները լսեն եւ միտքերը հասկնան ու դարձի գան, եւ ես զանոնք բժշկեմ»։

ՄԱՏԹԷՈՍ 13:38

եւ արտը աշխարհն է։ Լաւ սերմերը այն մարդիկն են, որոնք արքայութեան հետեւորդներն են, իսկ որոմը՝ անոնք որոնք չարին հետեւորդներն են։

ՅՈՎՀԱՆՆՈԻ 6:70

Յիսուս ըսաւ անոնց. – Չէ՞ որ ես էի որ ձեզ՝ տասներկուքդ ընտրեցի. բայց ձեզմէ մէկը սատանայ է։

ՅՈՎՀԱՆՆՈԻ 7:17

Ով որ կ՚ուզէ Աստուծոյ կամքը կատարել, պիտի հասկնայ՝ թէ Աստուծմէ՞ է այս վարդապետութիւնը, թէ ես իմ հեղինակութեամբս կը խօսիմ։

ՅՈՎՀԱՆՆՈԻ 8:38

Ես ինչ որ տեսայ Հօրս մօտ՝ զայն կը խօսիմ, իսկ դուք ինչ որ լսեցիք ձեր հօրմէն, զայն կը կատարէք։

ՅՈՎՀԱՆՆՈԻ 8:41

Ահա դուք ձեր հօրը գործն է որ կ՚ընէք։ Անոնք պատասխանեցին. – Մենք ապօրինի զաւակներ չենք. մէ՛կ հայր ունինք՝ Աստուած։

ՅՈՎՀԱՆՆՈԻ 8:55

Բայց դուք չէք ճանչնար զայն, մինչդեռ ես կը ճանչնամ զինք։ Եթէ ըսեմ թէ չեմ ճանչնար զինք՝ ձեզի նման ստախօս մը պիտի ըլլամ։ Բայց ես կը ճանչնամ զինք ու կը գործադրեմ իր խօսքերը։

ԳՈՐԾՔ ԱՌԱՔԵԼՈՑ 13:10

եւ ըսաւ. –Ո՛վ դուն՝ նենգ եւ խորամանկ, Սատանայի՛ որդի, արդարութեա՛ն թշնամի. Տիրոջ ուղիղ ճամբաները խեղաթիւրելէ պիտի չդադրի՞ս։

ԳՈՐԾՔ ԱՌԱՔԵԼՈՑ 24:9

Հրեաները միաբերան հաստատեցին, ըսելով. –Ըսածները բոլորը ճիշդ են։

ԳՈՐԾՔ ԱՌԱՔԵԼՈՑ 5:3

Պետրոս հարցուց. –Անանիա՛, ինչո՞ւ Սատանային փորձութեան տեղի տուիր եւ յանդգնեցար Սուրբ Հոգին խաբել՝ արտին դրամին մէջէն մաս մը վերցնելով։

ԵՐԿՐՈՐԴ ԿՈՐՆԹԱՑԻՍ 11:3

Բայց կը վախնամ որ ձեր միտքը ապականի եւ հեռանաք Քրիստոսի հանդէպ ամբողջական եւ մաքուր նուիրումէն, ճիշդ ինչպէս Եւան խաբուեցաւ օձին խորամանկ սուտերէն։

ԱՌԱՋԻՆ ՊԵՏՐՈՍԻ 5:8

Արթուն եւ պատրաստ եղէք, որովհետեւ ձեր թշնամին՝ Սատանան առիւծի պէս մռնչելով կը շրջի եւ կլլելու համար մէկը կը փնտռէ։

ԵՐԿՐՈՐԴ ՊԵՏՐՈՍԻ 2:4

Որովհետեւ Աստուած մեղանչած հրեշտակներուն իսկ չխնայեց, այլ՝ զանոնք տարտարոս նետել տուաւ, ուր խաւարին կապանքներով կապուած՝ կը պահուին մինչեւ դատաստանի օրը։

ԱՌԱՋԻՆ ՅՈՎՀԱՆՆՈՒ 1:8

Եթէ ըսենք՝ «Մեղք չունինք», մենք մեզ կը խաբենք եւ մեր մէջ ճշմարտութիւն չկայ։

ԱՌԱՋԻՆ ՅՈՎՀԱՆՆՈՒ 2:21

Այս նամակը ձեզի կը գրեմ՝ ո՛չ թէ որովհետեւ ճշմարտութիւնը չէք գիտեր, այլ՝ ընդհակառակը, հաստատելու համար թէ գիտէք զայն, եւ թէ ճշմարտութենէն ոեւէ ստութիւն չի ծնիր։

ԱՌԱՋԻՆ ՅՈՎՀԱՆՆՈՒ 2:4

Ով որ կ՚ըսէ՝ «Ես կը ճանչնամ զայն», բայց անոր պատուիրանները չի կատարեր, սուտ կը խօսի եւ իր մէջ ճշմարտութիւն չկայ։

ԱՌԱՋԻՆ ՅՈՎՀԱՆՆՈՒ 3:12

Հետեւաբար չըլլա՛նք Կայէնին պէս, որ Չարին օրինակին հետեւելով՝ իր եղբայրը սպաննեց։ Եւ ինչո՞ւ սպաննեց. որովհետեւ իր գործերը չար էին, մինչ եղբօր գործերը՝ բարի։

ԱՌԱՋԻՆ ՅՈՎՀԱՆՆՈՒ 3:15

Ով որ իր եղբայրը կ՚ատէ՝ մարդասպան մըն է. եւ գիտէք թէ ոեւէ մարդասպան յաւիտենական կեանքը չունի իր մէջ։

ՅՈՒԴԱՅԻ 1:6

Յիշեցէ՛ք նոյնպէս, թէ ի՛նչպէս վարուեցաւ այն հրեշտակներուն հետ, որոնք իրենց տրուած իշխանութեամբ չգոհանալով՝ իրենց սահմաններէն դուրս եկան, եւ Աստուած զանոնք մշտնջենական շղթաներով կապուած կը պահէ խաւարին մէջ, մինչեւ որ դատաստանի մեծ օրը գայ։

ՅԱՅՏՆՈՒԹԻՒՆ 12:9

Մեծ վիշապը, այն առաջին օձը, որ Բանսարկու եւ Սատանայ կը կոչուի եւ որ ամբողջ աշխարհը մոլորեցուց, երկիր ձգուեցաւ։ Անոր հրեշտակներն ալ միասին վար ձգուեցան։

ՅԱՅՏՆՈՒԹԻՒՆ 13:14

Անիկա իր կատարած հրաշքներով երկրի բոլոր բնակիչները մոլորեցուց առաջին գազանին դիմաց, անոնց ըսելով՝ որ կանգնեն արձանը գազանին, որ սուրով վիրաւորուեցաւ, բայց բուժուեցաւ։

ՅԱՅՏՆՈՒԹԻՒՆ 2:10

Մի՛ վախնար այն չարչարանքներուն համար, որ պիտի կրես։ Ահա Բանսարկուն ձեզմէ ոմանք բանտ պիտի նետէ՝ ձեզ փորձելու համար, եւ ձեր նեղութիւնը տասը օր պիտի տեւէ։ Հաւատարիմ եղիր ինծի, նոյնիսկ եթէ մեռնիլ պէտք է, եւ ես քեզի կեանքի պսակը պիտի տամ»։

ՅԱՅՏՆՈՒԹԻՒՆ 21:8

Բայց վախկոտներուն, անհաւատներուն, պիղծերուն, մարդասպաններուն, պոռնիկներուն, կախարդներուն, կռապաշտներուն եւ բոլոր ստախօսներուն բաժինը՝ կրակով եւ ծծումբով այրող լիճն է, որ երկրորդ մահն է։

ՅԱՅՏՆՈՒԹԻՒՆ 22:15

Իսկ դուրս պիտի մնան շնացողներն ու կախարդները, պոռնիկներն ու մարդասպանները, կռապաշտները եւ բոլոր անոնք՝ որոնք սուտը կը սիրեն եւ կ՚ընեն։

ՅԱՅՏՆՈՒԹԻՒՆ 9:11

Անոնք իրենց վրայ թագաւոր ունէին՝ անդունդի հրեշտակը, որուն անունը Եբրայերէն Աբադդոն էր, որ Հայերէնով կը նշանակէ՝ Կորուսիչ։