ՅՈՎՀԱՆՆՈԻ 5:30 - Western Armenian New Translation - Armenian Catholicosate of Cilicia - New Testament

³⁰ Ես ինձմէ չեմ կրնար դատել, այլ կը դատեմ այնպէս՝ ինչպէս Հօրմէս կը լսեմ. եւ ուրեմն իմ դատաստանս արդար է, որովհետեւ կը գործադրեմ ո՛չ թէ իմ կամքս, այլ կամքը անոր՝ որ զիս ղրկեց։ –

Արեւմտահայերէն Նոր Կտակարան հարմարցուած․ 2017

³⁰ «Ես ինքնիրմէս բան մը չեմ կրնար ընել. ինչպէս կը լսեմ, այնպէս կը դատեմ եւ իմ դատաստանս արդար է, վասն զի ես իմ կամքս չեմ փնտռեր, հապա անոր կամքը որ զիս ղրկեց։

Western Armenian Bible 1853

³⁰ Ես ինքնիրմէս բան մը չեմ կրնար ընել. ինչպէս կը լսեմ, այնպէս կը դատեմ եւ իմ դատաստանս արդար է, վասն զի ես իմ կամքս չեմ փնտռեր, հապա անոր կամքը որ զիս ղրկեց։

ՅՈՎՀԱՆՆՈԻ 5:30 Iomraidhean Croise

ՄԱՏԹԷՈՍ 26:39

Ապա քիչ մը առաջ գնաց եւ երեսին վրայ գետին փռուելով աղօթեց, ըսելով. – Հա՜յր իմ, եթէ կարելի է, այս բաժակը հեռացո՛ւր ինձմէ, բայց ո՛չ թէ ինչպէս որ ես կ՚ուզեմ, այլ ինչպէս որ դո՛ւն կ՚ուզես։

ՅՈՎՀԱՆՆՈԻ 14:10

Չե՞ս հա– ւատար թէ ես Հօրս մէջ եմ եւ Հայրս իմ մէջս է։ Այս խօս– քերը որ ձեզի կ՚ըսեմ՝ ես ինձմէ չեմ ըսեր. Հայրը որ մէջս կը բնակի՝ իմ միջոցաւս կը կատարէ իր գործերը։

ՅՈՎՀԱՆՆՈԻ 17:4

Երկրի վրայ ես քեզ փառաւորեցի՝ ամբողջացնելով այն գործը որ ինծի տուիր որ կատարեմ։

ՅՈՎՀԱՆՆՈԻ 18:11

Յիսուս ըսաւ Պետրոսի. – Սուրդ իր պատեանը դիր. տառապանքի բաժակը, որ Հայրս տուաւ ինծի, պիտի չխմե՞մ կը կարծես։

ՅՈՎՀԱՆՆՈԻ 4:34

Յիսուս ըսաւ. – Իմ կերակուրս այն է՝ որ գործադրեմ զիս ղրկողին կամքը եւ լրումին հասցնեմ անոր գործը։

ՅՈՎՀԱՆՆՈԻ 5:19

Յիսուս ըսաւ անոնց. – Հաստատ գիտցէք, թէ Մարդու Որդին ինք իրմէ ոչինչ կը կատարէ, այլ կը կատարէ միայն այն՝ ինչ որ կը տեսնէ թէ Հայրը կը կատարէ։ Որովհետեւ ինչ որ Հայրը կը գործէ, Որդին ալ նոյնը կը գործէ։

ՅՈՎՀԱՆՆՈԻ 6:38

որովհետեւ ես երկինքէն իջայ՝ ո՛չ թէ իմ կամքս կատարելու, այլ կամքը անոր՝ որ զիս ղրկեց։

ՅՈՎՀԱՆՆՈԻ 8:28

Ուստի ըսաւ անոնց. – Երբ Մարդու Որդին բարձրացնէք, այն ատեն պիտի գիտնաք թէ Ես եմ, եւ թէ ոչինչ կ՚ընեմ ես ինձմէ, այլ կը խօսիմ այն՝ ինչ որ Հայրս սորվեցուց ինծի։

ՅՈՎՀԱՆՆՈԻ 8:42

Յիսուս ըսաւ անոնց. – Եթէ Աստուած ըլլար ձեր Հայրը, բնականաբար պիտի սիրէիք զիս, որովհետեւ ես Աստուծմէ ելայ եւ եկայ. ես ինձմէ չեկայ, այլ անիկա ղրկեց զիս։

ՅՈՎՀԱՆՆՈԻ 8:50

Ես ինծի համար փառք չեմ փնտռեր։ Կա՛յ մէկը, որ զիս կ՚ուզէ փառաւորել, եւ անիկա՛ է Դատաւորը։

ՀՌՈՎՄԱՅԵՑԻՍ 15:3

Արդարեւ, Քրիստոս ալ ինքզինքը չմտածեց, այլ՝ ինչպէս Սուրբ գիրքը կ՚ըսէ, «Քեզ նախատողներուն նախատինքները իմ վրաս ինկան»։

ՀՌՈՎՄԱՅԵՑԻՍ 2:2

Որովհետեւ գիտենք, թէ Աստուած ճշմարիտ դատաստանով պիտի դատէ անոնք որ այսպիսի բաներ կ՚ընեն։

ՀՌՈՎՄԱՅԵՑԻՍ 2:5

Քու կարծրութեամբդ եւ չզղջացող սրտովդ միայն բարկութիւն է որ կը դիզես քեզի համար, երբ բարկութեան օրը գայ եւ Աստուծոյ արդար դատաստանը յայտնուի։