ՅՈՎՀԱՆՆՈԻ 4:6 - Western Armenian New Translation - Armenian Catholicosate of Cilicia - New Testament

⁶ Հոն կը գտնուէր նաեւ Յակոբի ջրհորը։ Յիսուս ճամբորդութենէն յոգնած՝ նստաւ ջրհորին քով։ Գրեթէ կէսօր էր։

Արեւմտահայերէն Նոր Կտակարան հարմարցուած․ 2017

⁶ Հոն էր Յակոբին ջրհորը։ Յիսուս յոգնած ըլլալով՝ այն ջրհորին քով նստաւ։ Գրեթէ ժամը վեցն էր։

Western Armenian Bible 1853

⁶ Հոն էր Յակոբին ջրհորը։ Յիսուս յոգնած ըլլալով՝ այն ջրհորին քով նստաւ։ Գրեթէ ժամը վեցն էր։

ՅՈՎՀԱՆՆՈԻ 4:6 Iomraidhean Croise

ՄԱՏԹԷՈՍ 27:45

Կէսօրին խաւարը պատեց ամբողջ երկիրը, մինչեւ ժամը երեք։

ՄԱՏԹԷՈՍ 8:24

Յանկարծ զօրաւոր փոթորիկ մը ելաւ լիճին վրայ, այնքան՝ որ ալիքները գրեթէ նաւակը կը ծածկէին։ Բայց Յիսուս կը քնանար։

ՂՈԻԿԱՍ 2:7

եւ ծնաւ իր անդրանիկ զաւակը, որ փաթթեց խանձարուրի մէջ եւ դրաւ մսուրի մը մէջ, որովհետեւ պանդոկին մէջ իրենց համար տեղ չկար։

ՂՈԻԿԱՍ 9:58

Յիսուս պատասխանեց. – Աղուէսները որջ ունին, երկինքի թռչունները՝ բոյն, սակայն Մարդու Որդին գլուխը հանգչեցնելիք տեղ չունի։

ՅՈՎՀԱՆՆՈԻ 11:9

Յիսուս անոնց պատասխանեց. – Ցերեկը տասներկու ժամ չէ՞։ Ան որ ցերեկ ատեն կը քալէ՝ չի սայթաքիր, որովհետեւ այս աշխարհի լոյսով իր շուրջը կը տեսնէ։

ՅՈՎՀԱՆՆՈԻ 4:12

Միթէ դուն աւելի՞ մեծ մէկն ես, քան մեր նախահայրը՝ Յակոբը, որ այս ջրհորը տուաւ մեզի, ուրկէ խմեցին ինք, իր որդիներն ու իր անասունները։

ՅՈՎՀԱՆՆՈԻ 4:5

Ճամբուն վրայ եկաւ Սիւքար, որ Սամարիայի քաղաքներէն մէկն էր, մօտիկը այն տեղին, որ Յակոբ իր զաւակին՝ Յովսէփի տուած էր։

ՅՈՎՀԱՆՆՈԻ 4:7

Սամարացի կին մը եկաւ ջուր քաշելու։ Յիսուս ըսաւ անոր. – Ջուր տուր ինծի։

ԵՐԿՐՈՐԴ ԿՈՐՆԹԱՑԻՍ 8:9

Արդարեւ, դուք գիտէք թէ մեր Տէրը՝ Յիսուս Քրիստոս ի՜նչ շնորհք ըրաւ մեզի. ինք որ հարուստն էր՝ աղքատացաւ ձեզի համար, որպէսզի իր աղքատանալովը դուք հարստանաք։

ԵԲՐԱՅԵՑԻՍ 2:17

Ահա թէ ինչու՝ նաեւ Քրիստոս ամէն ինչով պէտք էր իր «եղբայր» ներուն նման ըլլար, որպէսզի կարենար ողորմած եւ վստահելի քահանայապետ մը ըլլալ Աստուծոյ քով, Աստուծոյ ժողովուրդին մեղքերը քաւելու համար։

ԵԲՐԱՅԵՑԻՍ 4:15

Քահանայապետ մը, որ կրնայ հասկնալ մեր տկարութիւնները եւ կարեկցիլ, քանի ի՛նչ բաներով որ մենք կը փորձուինք՝ ինք եւս փորձուած է, առանց սակայն մեղանչելու։