ՅՈՎՀԱՆՆՈԻ 4:34 - Western Armenian New Translation - Armenian Catholicosate of Cilicia - New Testament

³⁴ Յիսուս ըսաւ. – Իմ կերակուրս այն է՝ որ գործադրեմ զիս ղրկողին կամքը եւ լրումին հասցնեմ անոր գործը։

Արեւմտահայերէն Նոր Կտակարան հարմարցուած․ 2017

³⁴ Յիսուս ըսաւ անոնց. «Իմ կերակուրս այն է, որ ես զիս ղրկողին կամքը ընեմ եւ անոր գործը կատարեմ։

Western Armenian Bible 1853

³⁴ Յիսուս ըսաւ անոնց. «Իմ կերակուրս այն է, որ ես զիս ղրկողին կամքը ընեմ եւ անոր գործը կատարեմ։

ՅՈՎՀԱՆՆՈԻ 4:34 Iomraidhean Croise

ՄԱՏԹԷՈՍ 26:39

Ապա քիչ մը առաջ գնաց եւ երեսին վրայ գետին փռուելով աղօթեց, ըսելով. – Հա՜յր իմ, եթէ կարելի է, այս բաժակը հեռացո՛ւր ինձմէ, բայց ո՛չ թէ ինչպէս որ ես կ՚ուզեմ, այլ ինչպէս որ դո՛ւն կ՚ուզես։

ՄԱՏԹԷՈՍ 3:15

Յիսուս պատասխանեց. – Հիմա թո՛յլ տուր որ այսպէս ըլլայ, որովհետեւ այսպիսով կատարած պիտի ըլլանք Աստուծոյ արդար կամքը։ Եւ Յովհաննէս թոյլ տուաւ։

ՄԱՏԹԷՈՍ 9:19

Յիսուս ելաւ եւ իր աշակերտներուն հետ գնաց անոր ետեւէն։

ՂՈԻԿԱՍ 15:10

Կ՚ըսեմ ձեզի, Աստուծոյ հրեշտակները նոյն ձեւով պիտի ուրախանան մեղաւորի մը համար, որ կ՚ապաշխարէ։

ՂՈԻԿԱՍ 19:10

Որովհետեւ Մարդու Որդին եկաւ կորսուածը փնտռելու եւ փրկելու։

ՂՈԻԿԱՍ 2:49

Յիսուս ըսաւ անոնց. – Ինչո՞ւ զիս ուրիշ տեղ կը փնտռէիք. չէի՞ք գիտեր թէ հօրս տան մէջ պէտք է գտնուիմ։

ՅՈՎՀԱՆՆՈԻ 17:4

Երկրի վրայ ես քեզ փառաւորեցի՝ ամբողջացնելով այն գործը որ ինծի տուիր որ կատարեմ։

ՅՈՎՀԱՆՆՈԻ 19:28

Անկէ ետք Յիսուս գիտցաւ թէ ամէն ինչ վերջացած է, եւ որպէսզի Սուրբ գիրքը ամբողջապէս կատարուած ըլլայ, ըսաւ. – Ծարաւ եմ։

ՅՈՎՀԱՆՆՈԻ 19:30

Երբ Յիսուս լեղիով խառն քացախը խմեց, ըսաւ. – Ամէն ինչ վերջացած է։ Ապա գլուխը խոնարհեցուց եւ հոգին աւանդեց։

ՅՈՎՀԱՆՆՈԻ 4:32

Յիսուս պատասխանեց. – Ես ուտելիք կերակուր մը ունիմ, որ դուք չէք գիտեր։

ՅՈՎՀԱՆՆՈԻ 5:30

Ես ինձմէ չեմ կրնար դատել, այլ կը դատեմ այնպէս՝ ինչպէս Հօրմէս կը լսեմ. եւ ուրեմն իմ դատաստանս արդար է, որովհետեւ կը գործադրեմ ո՛չ թէ իմ կամքս, այլ կամքը անոր՝ որ զիս ղրկեց։ –

ՅՈՎՀԱՆՆՈԻ 5:36

Բայց ես իմ մասիս տրուած վկայութիւն մը ունիմ, որ աւելի մեծ է քան Յովհաննէսի տուած վկայութիւնը։ Այն գործերը, որ Հայրս տուաւ ինծի որ կատարեմ, նոյնինքն այդ կատարած գործերս են որ կը վկայեն իմ մասիս՝ թէ Հայրը զիս ղրկեց։

ՅՈՎՀԱՆՆՈԻ 6:33

Որովհետեւ Աստուծոյ տուած հացը ան է՝ որ երկինքէն կ՚իջնէ եւ կեանք կու տայ աշխարհին։

ՅՈՎՀԱՆՆՈԻ 6:38

որովհետեւ ես երկինքէն իջայ՝ ո՛չ թէ իմ կամքս կատարելու, այլ կամքը անոր՝ որ զիս ղրկեց։

ՅՈՎՀԱՆՆՈԻ 8:29

Եւ ան որ զիս ղրկեց՝ ինծի հետ միասին է։ Անիկա զիս առանձին չձգեց, որովհետեւ միշտ կը կատարեմ այն՝ ինչ որ հաճելի է իրեն։

ԳՈՐԾՔ ԱՌԱՔԵԼՈՑ 20:35

Եւ կեանքիս օրինակով ցոյց տուի՝ թէ այսպէս պէտք է աշխատիլ եւ տկարներուն օգնել, յիշելով այն խօսքը որ Տէր Յիսուս ինք ըսաւ, թէ՝ «Աւելի երջանկաբեր է տալը, քան առնելը»։

ԵԲՐԱՅԵՑԻՍ 12:2

Մեր աչքերը յառենք Յիսուսի, մեր հաւատքի հիմնադիրին ու կատարելագործողին, որ գիտնալով թէ ի՛նչ ուրախութիւն կը սպասէ իրեն՝ արհամարհեց ամօթը, յանձն առաւ խաչի վրայ մեռնիլ, եւ Աստուծոյ աթոռին աջ կողմը նստաւ։