ՅՈՎՀԱՆՆՈԻ 4:1 - Western Armenian New Translation - Armenian Catholicosate of Cilicia - New Testament

^1-2 Փարիսեցիները լսեցին թէ Յիսուս շատ աւելի հետեւորդներ կը շահի ու կը մկրտէ՝ քան Յովհաննէսը։ (Թէեւ Յիսուս անձամբ չէր մկրտեր, այլ իր աշակերտներն էին մկրտողները)։ Յիսուս երբ իմացաւ այդ մասին,

Արեւմտահայերէն Նոր Կտակարան հարմարցուած․ 2017

¹ Արդ երբ Տէրը իմացաւ որ Փարիսեցիները լսեր են՝ թէ Յիսուս Յովհաննէսէն աւելի աշակերտներ կ’առնէ եւ կը մկրտէ,

Western Armenian Bible 1853

¹ Արդ երբ Տէրը իմացաւ որ փարիսեցիները լսեր են՝ թէ Յիսուս Յովհաննէսէն աւելի աշակերտներ կ’առնէ եւ կը մկրտէ,

ՅՈՎՀԱՆՆՈԻ 4:1 Iomraidhean Croise

ՂՈԻԿԱՍ 1:76

Եւ դուն, զաւա՛կս, Բարձրեալին մարգարէն պիտի կոչուիս եւ Տիրոջ առջեւէն պիտի քալես՝ անոր ճամբան պատրաստելու,

ՂՈԻԿԱՍ 19:31

Եթէ ոեւէ մէկը հարցնէ թէ ինչո՛ւ կը քակէք, իրեն ըսէք՝ «Տէրը պէտք ունի անոր»։

ՂՈԻԿԱՍ 19:34

Անոնք պատասխանեցին. – Տէրը պէտք ունի անոր։

ՂՈԻԿԱՍ 2:11

Այսօր, Դաւիթի քաղաքին մէջ ձեր Փրկիչը ծնաւ, որ Օծեալ Տէրն է։

ՂՈԻԿԱՍ 7:13

Տէրը երբ կինը տեսաւ, գթաց անոր եւ ըսաւ. – Մի՛ լար։

ՂՈԻԿԱՍ 7:19

Յովհաննէս իր աշակերտներէն երկուքը քովը կանչելով՝ զանոնք Յիսուսի ղրկեց, հարցնելու համար. – Դո՞ւն ես ան՝ որ պիտի գար, թէ ուրիշի մը սպասենք։

ՅՈՎՀԱՆՆՈԻ 3:22

Այս հանդիպումէն ետք Յիսուս իր աշակերտներով Հրէաստանի գաւառները գնաց, ուր անոնց հետ կը շրջէր ու կը մկրտէր։

ՅՈՎՀԱՆՆՈԻ 3:26

Այդ աշակերտները Յովհաննէսին եկան եւ ըսին. – Վարդապե՛տ, ան որ քեզի հետ էր Յորդանան գետին միւս կողմը եւ որուն մասին վկայութիւն տուիր, ահաւասիկ ինք ալ կը մկրտէ, ու բոլորն ալ իրեն կ՚երթան։

ԳՈՐԾՔ ԱՌԱՔԵԼՈՑ 10:36

Անիկա իր պատգամը ղրկեց Իսրայէլացիներուն, աւետելով այն խաղաղութիւնը՝ որ պիտի գար Յիսուս Քրիստոսի ձեռքով, որ բոլորին Տէրն է։

ԱՌԱՋԻՆ ԿՈՐՆԹԱՑԻՍ 1:17

Որովհետեւ Քրիստոս զիս մկրտելու չղրկեց, այլ՝ աւետարանելու. եւ աւետարանելու՝ առանց խօսքի ճարտարութեան դիմելու, որպէսզի Քրիստոսի խաչելութեան մասին քարոզութիւնը իր ոյժէն չպարպուի։

ԱՌԱՋԻՆ ԿՈՐՆԹԱՑԻՍ 15:47

Առաջին մարդը երկրէն էր եւ հողեղէն, մինչ երկրորդ մարդը՝ մեր Տէրը, երկինքէն է։

ԱՌԱՋԻՆ ԿՈՐՆԹԱՑԻՍ 2:8

Այս աշխարհի իշխաններէն ոեւէ մէկը չհասկցաւ այդ իմաստութիւնը. որովհետեւ եթէ հասկցած ըլլային՝ խաչը չէին հաներ Տէրը, որ այդ փառքը պարգեւողն է։

ԵՐԿՐՈՐԴ ԿՈՐՆԹԱՑԻՍ 4:5

Սակայն մենք մեր անձերը չէ որ կը քարոզենք, այլ Տէրը՝ Յիսուս Քրիստոսը կը քարոզենք եւ Յիսուսի սիրոյն մենք մեզ ձեր ծառաները դարձուցած ենք։

ՅԱԿՈԲՈՒ 2:1

Եղբայրնե՛րս, երբեք մարդոց միջեւ խտրութիւն մի՛ դնէք, դուք՝ որպէս հաւատացողներ Յիսուս Քրիստոսի, մեր Տիրոջ, որ ի՛նք միայն գիտէ մարդիկը փառաւորել։

ՅԱՅՏՆՈՒԹԻՒՆ 19:16

Անոր պատմուճանին եւ ազդրին վրայ գրուած անուն մը կար «ԹԱԳԱՒՈՐՆԵՐՈՒ ԹԱԳԱՒՈՐ ԵՒՏԷՐԵՐՈՒՏԷՐ»։