ՅՈՎՀԱՆՆՈԻ 3:34 - Western Armenian New Translation - Armenian Catholicosate of Cilicia - New Testament

³⁴ Ան որ Աստուծոյ կողմէ ղրկուած է՝ Աստուծոյ խօսքերը կը քարոզէ, որովհետեւ Աստուած իր Հոգին ամբողջապէս անոր տուած է։

Արեւմտահայերէն Նոր Կտակարան հարմարցուած․ 2017

³⁴ Վասն զի ան որ Աստուած ղրկեց, Աստուծոյ խօսքերը կը խօսի, վասն զի Աստուած անոր չափով չի տար Հոգին։

Western Armenian Bible 1853

³⁴ Վասն զի ան որ Աստուած ղրկեց, Աստուծոյ խօսքերը կը խօսի, վասն զի Աստուած անոր չափով չի տար Հոգին։

ՅՈՎՀԱՆՆՈԻ 3:34 Iomraidhean Croise

ՄԱՏԹԷՈՍ 12:18

«Ահաւասիկ ծառաս, որ ընտրեցի, սիրելիս, որուն հաճեցայ։ Իմ Հոգիս անոր վրայ պիտի դնեմ, եւ անիկա բոլոր ազգերուն արդարութիւն պիտի հռչակէ։

ՂՈԻԿԱՍ 4:18

«Տիրոջ Հոգին վրաս է. որովհետեւ զիս օծեց եւ ղրկեց՝ աղքատներուն փրկութեան աւետիս տալու, սրտաբեկները մխիթարելու,

ՅՈՎՀԱՆՆՈԻ 1:16

Անոր լիառատ շնորհքէն է որ մենք բոլորս շնորհքի վրայ շնորհք ստացանք.

ՅՈՎՀԱՆՆՈԻ 15:26

Բայց երբ գայ Մխիթարիչը, այսինքն Սուրբ Հոգին, որ ես ձեզի պիտի ղրկեմ Հօրմէն, որովհետեւ Հօրմէն կ՚ելլէ, անիկա ճշմարտութիւնը պիտի պատմէ եւ վկայէ իմ մասիս։

ՅՈՎՀԱՆՆՈԻ 16:7

Բայց ես ճշմարտութիւնը կ՚ըսեմ ձեզի.– Ձեզի համար լաւ է որ ես երթամ, որովհետեւ եթէ չերթամ՝ Մխիթարիչը պիտի չգայ ձեզի. իսկ եթէ ես երթամ՝ զայն պիտի ղրկեմ ձեզի։

ՅՈՎՀԱՆՆՈԻ 3:17

Որովհետեւ Աստուած իր Որդին աշխարհ ղրկեց՝ ո՛չ թէ որպէսզի աշխարհը դատապարտէ, այլ որպէսզի աշխարհը փրկէ։

ՅՈՎՀԱՆՆՈԻ 5:26

Որովհետեւ, ինչպէս որ Հայրը կեանք պարգեւելու զօրութիւնը ունի իր մէջ, այդ զօրութիւնը տուած է նաեւ Որդիին։

ՅՈՎՀԱՆՆՈԻ 7:16

Յիսուս պատասխանեց անոնց. – Ինչ որ ձեզի կ՚ուսուցանեմ՝ իմ վարդապետութիւնս չէ, այլ անորը՝ որ զիս ղրկեց։

ՅՈՎՀԱՆՆՈԻ 8:40

Բայց դուք հիմա կ՚ուզէք սպաննել զիս, պարզապէս որովհետեւ ձեզի խօսեցայ ճշմարտութիւնը, որ Հօրմէս լսեցի։ Աբրահամ այսպիսի բան մը չըրաւ։

ՅՈՎՀԱՆՆՈԻ 8:47

Ով որ Աստուծմէ է՝ Աստուծոյ խօսքերը մտիկ կ՚ընէ. իսկ դուք որովհետեւ Աստուծմէ չէք, անոր խօսքերը մտիկ չէք ըներ։

ԳՈՐԾՔ ԱՌԱՔԵԼՈՑ 1:2

մինչեւ այն օրը, երբ Սուրբ Հոգիին զօրութեամբ իր պատուէրները տալէ ետք իր ընտրած առաքեալներուն, երկինք համբարձաւ։

ԳՈՐԾՔ ԱՌԱՔԵԼՈՑ 10:38

Կ՚ակնարկեմ Յիսուսի, որ Նազարէթէն էր. Աստուած զայն Սուրբ Հոգիով եւ զօրութեամբ օծեց, եւ անիկա շրջեցաւ՝ բարիք գործելով եւ Սատանային կողմէ տանջուածները բժշկելով, որովհետեւ Աստուած իր հետն էր։

ՀՌՈՎՄԱՅԵՑԻՍ 8:2

Որովհետեւ Հոգիին Օրէնքը զիս Քրիստոս Յիսուսի միացնելով կենդանացուց եւ ազատեց մեղքի եւ մահուան ենթակայութենէն։

ԵՓԵՍԱՑԻՍ 3:8

Այո՛, ինծի՝ որ Աստուծոյ ժողովուրդին մէջ յետիններուն յետինն եմ՝ Աստուած այս շնորհքը տուաւ, որպէսզի բոլոր ազգերուն աւետիս տամ՝ թէ ի՛նչպիսի աներեւակայելի գանձ մըն է Քրիստոս,

ԿՈՂՈՍԱՑԻՍ 1:19

Որովհետեւ Հայրը ուզեց, որ Քրիստոս իր մէջ ունենայ աստուածային բնութեան լիութիւնը։

ԿՈՂՈՍԱՑԻՍ 2:9

Որովհետեւ մարդացած Քրիստոսի մէջ կը բնակի աստուածային բնութեան ամբողջ լիութիւնը։

ՅԱՅՏՆՈՒԹԻՒՆ 21:6

Եւ ըսաւ. –Եղաւ. ես եմ Այբը եւ Ֆէն, Սկիզբն ու Վախճանը։ Ես ծարաւին կեանքի ջուրի աղբիւրէն ձրի ջուր պիտի տամ։

ՅԱՅՏՆՈՒԹԻՒՆ 22:1

Հրեշտակը ինծիցոյցտուաւկենսատու ջուրին բիւրեղի պէս փայլուն գետը, որ Աստուծոյ եւ Գառնուկին գահէն կը բղխէր։