ՅՈՎՀԱՆՆՈԻ 17:3 - Western Armenian New Translation - Armenian Catholicosate of Cilicia - New Testament

³ Եւ յաւիտենական կեանքը քեզ ճանչնա՛լն է՝ որպէս ճշմարիտ միակ Աստուած եւ ճանչնալ Յիսուս Քրիստոսը՝ որ դուն ղրկեցիր։

Արեւմտահայերէն Նոր Կտակարան հարմարցուած․ 2017

³ Այս է յաւիտենական կեանքը, որ ճանչնան քեզ միմիայն ճշմարիտ Աստուածդ ու Յիսուս Քրիստոսը, որ դուն ղրկեցիր։

Western Armenian Bible 1853

³ Այս է յաւիտենական կեանքը, որ ճանչնան քեզ միմիայն ճշմարիտ Աստուածդ ու Յիսուս Քրիստոսը, որ դուն ղրկեցիր։

ՅՈՎՀԱՆՆՈԻ 17:3 Iomraidhean Croise

ՄԱՐԿՈՍ 9:37

Ով որ այսպիսի փոքրիկ մը իմ անունովս ընդունի՝ զիս ընդունած կ՚ըլլայ, եւ ով որ զիս կ՚ընդունի՝ ո՛չ թէ զիս, այլ զիս ղրկողը ընդունած կ՚ըլլայ։

ՂՈԻԿԱՍ 9:48

ըսաւ. – Ով որ ընդունի այս մանուկը իմ անունովս՝ զիս ընդունած կ՚ըլլայ, եւ ով որ զիս կ՚ընդունի՝ ընդունած կ՚ըլլայ զիս ղրկողը։ Որովհետեւ ով որ ձեր բոլորին մէջ փոքրիկն է, ան է մեծը։

ՅՈՎՀԱՆՆՈԻ 10:36

Արդ, Հայրը ինք ընտրեց զիս եւ աշխարհ ղրկեց. եւ որովհետեւ ըսի թէ Աստուծոյ Որդին եմ՝ ասո՞ր համար «Կը հայհոյես» կ՚ըսէք։

ՅՈՎՀԱՆՆՈԻ 11:42

Գիտեմ որ միշտ կը լսես զիս. բայց ինչ որ այժմ կ՚ըսեմ՝ շուրջս գտնուող ժողովուրդին համար կ՚ըսեմ, որպէսզի անոնք հաւատան թէ դուն ղրկեցիր զիս։

ՅՈՎՀԱՆՆՈԻ 14:26

Բայց Մխիթարիչը՝ Սուրբ Հոգին, որ Հայրս ձեզի պիտի ղրկէ իմ անունովս, անիկա ձեզի ամէն ինչ պիտի սորվեցնէ եւ յիշեցնէ ինչ որ ես ձեզի ըսի։ –

ՅՈՎՀԱՆՆՈԻ 17:18

Ինչպէս որ դուն զիս աշխարհ ղրկեցիր, ես ալ զանոնք աշխարհ ղրկեցի։

ՅՈՎՀԱՆՆՈԻ 17:21

Կ՚աղօթեմ որ անոնք բոլորն ալ մէկ ըլլան, ինչպէս որ դուն, ո՛վ Հայր, իմ մէջս ես եւ ես քու մէջդ, այնպէս ալ անոնք մեր մէջ ըլլան, որպէսզի աշխարհը հաւատայ, որ դուն ղրկեցիր զիս։

ՅՈՎՀԱՆՆՈԻ 17:23

Ես անոնց մէջ ըլլամ եւ դուն՝ իմ մէջս, այնպէս որ անոնք կատարեալ կերպով մէկ ըլլան, որպէսզի աշխարհը գիտնայ թէ դուն ղրկեցիր զիս եւ թէ սիրեցի զանոնք, ինչպէս որ դուն զիս սիրեցիր։

ՅՈՎՀԱՆՆՈԻ 17:25

Արդա՛ր Հայր, թէեւ աշխարհը քեզ չճանչցաւ, բայց ես քեզ ճանչցայ. եւ ասոնք ալ գիտցան թէ դուն ղրկեցիր զիս։

ՅՈՎՀԱՆՆՈԻ 17:8

որովհետեւ այն խօսքերը որ ինծի տուիր՝ ես իրենց տուի, եւ ընդունեցին ու ճշմարտապէս ճանչցան՝ որ ես քեզմէ ելայ, եւ հաւատացին թէ դուն ղրկեցիր զիս։

ՅՈՎՀԱՆՆՈԻ 3:17

Որովհետեւ Աստուած իր Որդին աշխարհ ղրկեց՝ ո՛չ թէ որպէսզի աշխարհը դատապարտէ, այլ որպէսզի աշխարհը փրկէ։

ՅՈՎՀԱՆՆՈԻ 3:34

Ան որ Աստուծոյ կողմէ ղրկուած է՝ Աստուծոյ խօսքերը կը քարոզէ, որովհետեւ Աստուած իր Հոգին ամբողջապէս անոր տուած է։

ՅՈՎՀԱՆՆՈԻ 5:44

Ինչպէ՞ս ինծի պիտի հաւատաք, երբ դուք իրարմէ փառաբանութիւն կ՚ընդունիք, եւ չէք փնտռեր այն փառաբանութիւնը որ կու գայ միակ Աստուծմէ։

ՅՈՎՀԱՆՆՈԻ 6:57

Ինչպէս Հայրը, որ զիս ղրկեց, կ՚ապրի, ես ալ իրմով կ՚ապրիմ։ Նմանապէս, ով որ իմ մարմինէս կ՚ուտէ՝ պիտի ապրի ինձմով։

ՅՈՎՀԱՆՆՈԻ 7:29

Ես կը ճանչնամ զայն, որովհետեւ անոր կողմէ կու գամ եւ ի՛նք զիս ղրկեց։

ՅՈՎՀԱՆՆՈԻ 8:19

Անոնք հարցուցին իրեն. – Ո՞ւր է Հայրդ։ Յիսուս պատասխանեց. – Դուք ո՛չ զիս կը ճանչնաք, ո՛չ ալ Հայրս։ Որովհետեւ եթէ զիս ճանչնայիք՝ Հայրս ալ ճանչցած պիտի ըլլայիք։

ԱՌԱՋԻՆ ԿՈՐՆԹԱՑԻՍ 15:34

Սթափեցէք եւ արդար կեանք վարեցէք. մի՛ մեղանչէք։ Դեռ ձեզմէ շատեր զԱստուած չեն ճանչցած։ Ասիկա կ՚ըսեմ՝ որ ամչնաք։

ԱՌԱՋԻՆ ԿՈՐՆԹԱՑԻՍ 8:4

Արդ, կուռքերուն զոհուած կերակուրներուն կապակցութեամբ գիտենք, թէ կուռքերը աշխարհի մէջ բան մը չեն ներկայացներ, եւ թէ միայն մէկ Աստուած կայ։

ԵՐԿՐՈՐԴ ԿՈՐՆԹԱՑԻՍ 4:6

Որովհետեւ Աստուած ինք, որ ըսաւ՝ «Խաւարին մէջ լոյս թող ծագի», ինք մեր սիրտերուն մէջ ծագեցաւ, որպէսզի լուսաւորուինք եւ Աստուծոյ փառքը ճանչնանք Յիսուս Քրիստոսի անձին մէջ։

ՓԻԼԻՊՊԵՑԻՍ 3:10

Հիմա միակ փափաքս է՝ ճանչնալ Քրիստոսը, անոր յարութեան զօրութիւնը, եւ անոր չարչարանքներուն մասնակից դառնալ՝ անոր մահուան օրինակը իմ վրաս առնելով,

ՓԻԼԻՊՊԵՑԻՍ 3:8

Եւ իրաւ, ամէն ինչ վնաս կը համարեմ՝ համեմատած այն գերազանց շահին հետ, որ մեր Տէրը՝ Յիսուս Քրիստոսը ճանչնալն է։ Այդ գիտութիւնը ունենալու համար՝ ամէն ինչ թողուցի, ոչնչութիւն սեպելով, որպէսզի Քրիստոսը շահիմ,

ԱՌԱՋԻՆ ԹԵՍԱՂՈՆԻԿԵՑԻՍ 1:9

որովհետեւ ո՛ւր որ երթանք՝ մարդիկ իրենք մեր մասին կը պատմեն, թէ ի՛նչպէս ձեզի եկանք, ի՛նչպէս դուք կուռքերը ձգելով Աստուծոյ դարձաք՝ կենդանի եւ ճշմարիտ Աստուծոյ ծառայելու համար,

ԵՐԿՐՈՐԴ ԹԵՍԱՂՈՆԻԿԵՑԻՍ 1:8

Անիկա բոցավառ կրակով պիտի պատժէ անոնք՝ որոնք կը մերժեն զԱստուած ճանչնալ եւ հնազանդիլ մեր Տիրոջ Յիսուս Քրիստոսի Աւետարանին:

ԵԲՐԱՅԵՑԻՍ 3:1

Ուստի, Աստուծոյ նուիրուած եղբայրներ, դուք՝ որ իրմով կոչուած էք երկինքի թագաւորութեան մաս կազմելու, նայեցէ՛ք Յիսուսի, որ Աստուծոյ կողմէ ղրկուեցաւ՝ Քահանայապետ ըլլալու եւ մեր հաւատքի խոստովանութիւնը Աստուծոյ մատուցանելու համար։

ԵՐԿՐՈՐԴ ՊԵՏՐՈՍԻ 1:2

Թող ձեր վայելած շնորհքն ու խաղաղութիւնը առատանան՝ Աստուծոյ եւ մեր Տիրոջ Յիսուսի մասին ձեր ունեցած գիտութեամբը։

ԵՐԿՐՈՐԴ ՊԵՏՐՈՍԻ 1:3

Քրիստոս իր աստուածային զօրութեամբ մեզի պարգեւեց ամէն ինչ որ անհրաժեշտ է աստուածապաշտ կեանքի մը համար, մեզի ճանչցնելով ան՝ որ իր փառքովն ու զօրութեամբը մեզ իրեն կանչեց։

ԵՐԿՐՈՐԴ ՊԵՏՐՈՍԻ 1:8

Եթէ այս առաքինութիւնները ունենաք, եւ ունենաք միշտ աւելիով, վստահ եղէք՝ որ մեր Տէր Յիսուսի գիտութեամբը կը լեցուիք եւ անգործ ու անպտուղ չէք մնար։

ԱՌԱՋԻՆ ՅՈՎՀԱՆՆՈՒ 1:2

Անիկա նոյնինքն կեանքն էր, որ յայտնուեցաւ։ Մենք տեսանք եւ կը վկայենք, ձեզի պատմելով անոր մասին, այսինքն՝ յաւիտենական կեանքին մասին, որ Հօրը հետ էր եւ այժմ մեզի յայտնուեցաւ։

ԱՌԱՋԻՆ ՅՈՎՀԱՆՆՈՒ 1:3

Ինչ որ տեսանք ու լսեցինք՝ կը պատմենք ձեզի, որպէսզի դո՛ւք ալ մասնակից դառնաք այն հաղորդակցութեան որ մենք ունինք Հօրը եւ անոր Որդիին՝ Յիսուս Քրիստոսի հետ,

ԱՌԱՋԻՆ ՅՈՎՀԱՆՆՈՒ 2:23

Որովհետեւ ով որ կը մերժէ Որդին՝ Հայրն ալ մերժած կ՚ըլլայ. իսկ ով որ կ՚ընդունի Որդին՝ Հայրն ալ ընդունած կ՚ըլլայ։

ԱՌԱՋԻՆ ՅՈՎՀԱՆՆՈՒ 4:6

Մինչդեռ մենք Աստուծոյ կը պատկանինք. ով որ զԱստուած կը ճանչնայ՝ մտիկ կ՚ընէ մեզ. իսկ ով որ Աստուծոյ չի պատկանիր՝ մտիկ չ՚ըներ մեզ։ Ահա այսպէ՛ս է որ կը զանազանենք ճշմարտութեան հոգին եւ խաբէութեան հոգին։

ԱՌԱՋԻՆ ՅՈՎՀԱՆՆՈՒ 5:20

Եւ գիտենք՝ թէ Աստուծոյ Որդին եկաւ ու բացաւ մեր միտքերը, որպէսզի ճանչնանք ճշմարիտ Աստուածը։ Մենք միացած ենք ճշմարիտ Աստուծոյ եւ անոր Որդիին՝ Յիսուս Քրիստոսի։ Ա՛ն է ճշմարիտ Աստուածը եւ յաւիտենական կեանքը։