ՅՈՎՀԱՆՆՈԻ 15:2 - Western Armenian New Translation - Armenian Catholicosate of Cilicia - New Testament

² Անիկա կը կտրէ վրաս հաստատուած բոլոր այն ճիւղերը որոնք պտուղ չեն տար, իսկ բոլոր անոնք որոնք պտուղ կու տան՝ յօտելով կը մաքրէ, որպէսզի աւելի պտղաբեր ըլլան։

Արեւմտահայերէն Նոր Կտակարան հարմարցուած․ 2017

² Ամէն ճիւղ որ իմ վրաս է ու պտուղ չի բերեր, կը կտրէ զանիկա։ Ան որ պտուղ կը բերէ, կը մաքրէ զանիկա, որպէս զի ա՛լ աւելի պտուղ բերէ։

Western Armenian Bible 1853

² Ամէն ճիւղ որ իմ վրաս է ու պտուղ չի բերեր, կը կտրէ զանիկա։ Ան որ պտուղ կը բերէ, կը մաքրէ զանիկա, որպէս զի ա՛լ աւելի պտուղ բերէ։

ՅՈՎՀԱՆՆՈԻ 15:2 Iomraidhean Croise

ՄԱՏԹԷՈՍ 13:12

Որովհետեւ ունեցողին պիտի տրուի նոյնիսկ աւելիով, իսկ չունեցողէն պիտի առնուի ունեցած փոքր բաժինն իսկ։

ՄԱՏԹԷՈՍ 13:33

Յիսուս ուրիշ օրինակ մըն ալ տուաւ անոնց եւ ըսաւ. – Երկինքի արքայութիւնը կը նմանի այն թթխմորին, որ կին մը առնելով՝ պարկ մը ալիւրի հետ խառնեց, մինչեւ որ ամբողջ խմորը թթուեցաւ։

ՄԱՏԹԷՈՍ 15:13

Յիսուս անոնց պատասխանեց. – Ոեւէ տունկ որ երկնաւոր Հայրս չէ տնկած՝ արմատախիլ պիտի ըլլայ։

ՄԱՏԹԷՈՍ 21:19

Ճամբուն վրայ թզենի մը տեսնելով՝ մօտեցաւ անոր, բայց տերեւէ զատ ոչինչ գտաւ։ Ուստի ըսաւ. – Ասկէ ետք յաւիտեան պտուղ չունենաս։ Եւ վայրկեանին թզենին չորցաւ։

ՄԱՏԹԷՈՍ 25:29

Որովհետեւ ունեցողին պիտի տրուի՝ նոյնիսկ աւելիով, իսկ չունեցողէն պիտի առնուի ունեցած փոքր բաժինն ալ։

ՄԱՏԹԷՈՍ 3:10

Կացինը արդէն իսկ պատրաստ է ծառերը իրենց արմատներէն կտրելու։ Այն ծառը որ բարի պտուղ չի տար, պիտի կտրուի եւ կրակ նետուի։

ՄԱՏԹԷՈՍ 3:12

Հեծանոցը իր ձեռքին, ան պիտի մաքրէ իր կալը, ցորենը հաւաքէ շտեմարանին մէջ, իսկ յարդը այրէ անշէջ կրակով։

ՄԱՏԹԷՈՍ 7:19

Այն ծառը որ լաւ պտուղ չի տար, կը կտրուի եւ կրակը կը նետուի։

ՄԱՐԿՈՍ 4:20

Իսկ լաւ հողը կը նմանի այն մարդոց, որոնք կը լսեն Աստուծոյ խօսքը եւ կ՚ընդունին զայն ու պտուղ կու տան, մէկի տեղ՝ երեսուն, մէկի տեղ՝ վաթսուն եւ մէկի տեղ՝ հարիւր։

ՂՈԻԿԱՍ 8:13

Ժայռոտ հողը նմանութիւնն է անոնց, որոնք երբ կը լսեն Աստուծոյ խօսքը՝ ուրախութեամբ կ՚ընդունին. սակայն ասոնք արմատ չունին, այսինքն՝ ժամանակուան մը համար կը հաւատան եւ փորձութեան ժամանակ կը հեռանան։

ՅՈՎՀԱՆՆՈԻ 15:1

Ես եմ ճշմարիտ որթատունկը, եւ Հայրս մշակն է։

ՅՈՎՀԱՆՆՈԻ 15:16

Դուք չէ որ զիս ընտրեցիք, այլ ե՛ս ձեզ ընտրեցի եւ նշանակեցի ձեզ՝ որ երթաք եւ պտղաբեր ըլլաք եւ ձեր պտուղը մնայուն ըլլայ, որպէսզի Հայրս տայ ձեզի ինչ որ իմ անունովս խնդրէք։

ՅՈՎՀԱՆՆՈԻ 15:3

Դուք արդէն իսկ մաքրուած էք այն խօսքին համար՝ որ ձեզի խօսեցայ։

ՅՈՎՀԱՆՆՈԻ 15:6

Ով որ ինծի միացած չի մնար՝ կտրուելով դուրս կը նետուի եւ կը չորնայ, նման այն ճիւղերուն՝ որ կը հաւաքեն եւ կրակը նետելով կ՚այրեն։

ՅՈՎՀԱՆՆՈԻ 15:8

Իմ Հայրս կը փառաւորուի՝ երբ դուք առատ պտուղ տաք եւ այսպիսով իմ աշակերտներս ըլլաք։

ՅՈՎՀԱՆՆՈԻ 17:12

Աշխարհի մէջ երբ անոնց հետ էի, ես կը պահէի զանոնք քու անունիդ զօրութեամբ, որովհետեւ քու անունովդ զանոնք ինծի տուիր։ Ես պահպանեցի զանոնք եւ անոնցմէ ո՛չ մէկը կորսուեցաւ, բացի անկէ՝ որ կորսուելու ճամբուն մէջ է, որպէսզի իրականանայ Սուրբ գիրքին մէջ ըսուածը։

ՀՌՈՎՄԱՅԵՑԻՍ 11:17

Ճիշդ է որ այդ ճիւղերէն ոմանք կտրուեցան, եւ դուն՝ որ վայրի ձիթենի մըն էիր՝ անոնց տեղ պատուաստուեցար եւ այդ ձիթենիին արմատներէն եկող հարուստ աւիշը ըմպեցիր։

ՀՌՈՎՄԱՅԵՑԻՍ 11:22

Տե՛ս թէ ո՛րքան բարի է Աստուած եւ խիստ՝ միաժամանակ։ Խիստ է հաւատքի մէջ կործանածներուն հանդէպ եւ բարի՝ քեզի հանդէպ, պայմանաւ որ շարունակես անոր բարութեան արժանի մնալ. այլապէս դուն ալ պիտի կտրուիս։

ՀՌՈՎՄԱՅԵՑԻՍ 8:28

Գիտենք, թէ Աստուած բարիին համար գործակից կ՚ըլլայ անոնց՝ որոնք կը սիրեն զինք եւ իր ծրագրին համաձայն իրեն կանչուած են։

ԱՌԱՋԻՆ ԿՈՐՆԹԱՑԻՍ 13:1

Եթէ մարդոց եւ հրեշտակներու լեզուները խօսիմ, բայց սէր չունենամ, ի՞նչ տարբերութիւն կ՚ունենամ պղինձէ շեփորէն որ կը հնչէ, կամ ծնծղաներէն որ կը ղօղանջեն։

ՏԻՏՈՍԻՆ 2:14

Որովհետեւ Քրիստոս իր անձը տուաւ մեզի համար, որպէսզի մեզ ազատէ մեր բոլոր անօրէնութիւններէն, եւ մեզ մաքրելով՝ իր սեփական ժողովուրդը դարձնէ, բարի գործերու նախանձախնդիր։

ԵԲՐԱՅԵՑԻՍ 12:15

Ուշադիր հսկեցէք որ ոեւէ մէկը Աստուծոյ շնորհքէն չզրկուի։ Չըլլա՛յ որ մէկը դառնութեան արմատ դառնալով՝ խռովութեան պատճառ ըլլայ եւ շատերը անկէ վարակուին։

ԱՌԱՋԻՆ ՅՈՎՀԱՆՆՈՒ 2:19

Մեր մէջէն ելան անոնք, բայց մեզմէ չէին. որովհետեւ եթէ մեզմէ ըլլային՝ մեզի հետ ալ պիտի մնային։ Բայց մեզմէ հեռացան, որպէսզի յայտնի ըլլայ՝ թէ անոնցմէ ոեւէ մէկը մեզմէ չէր։

ՅԱՅՏՆՈՒԹԻՒՆ 3:19

Ես իմ սիրած անձերս կը յանդիմանեմ ու կը խրատեմ. ուստի նախանձախնդիր եղիր եւ ապաշխարէ՛։