ՅՈՎՀԱՆՆՈԻ 10:10 - Western Armenian New Translation - Armenian Catholicosate of Cilicia - New Testament

¹⁰ Գողը կու գայ միայն գողնալու, սպաննելու եւ փճացնելու համար։ Ես եկայ՝ որպէսզի կեանք ունենան, եւ լեցուն կեանք ունենան։

Արեւմտահայերէն Նոր Կտակարան հարմարցուած․ 2017

¹⁰ Գողը ուրիշ բանի համար չի գար, այլ միայն գողնալու եւ սպաննելու ու կորսնցնելու համար։ Ես եկայ որ կեանք ունենան եւ ա՛լ աւելի ունենան։

Western Armenian Bible 1853

¹⁰ Գողը ուրիշ բանի համար չի գար, այլ միայն գողնալու եւ սպաննելու ու կորսնցնելու համար։ Ես եկայ որ կեանք ունենան եւ ա՛լ աւելի ունենան։

ՅՈՎՀԱՆՆՈԻ 10:10 Iomraidhean Croise

ՄԱՏԹԷՈՍ 18:10

Զգո՜յշ, մի՛ արհամարհէք այս փոքրիկներէն մէկը. գիտցէք, որ անոնց հրեշտակները երկինքի մէջ միշտ կը տեսնեն իմ երկնաւոր Հայրս։

ՄԱՏԹԷՈՍ 18:11

Որովհետեւ Մարդու Որդին եկաւ կորսուածը փրկելու համար։

ՄԱՏԹԷՈՍ 20:28

որովհետեւ Մարդու Որդին, ինքն ալ, չեկաւ ուրիշներու կողմէ սպասաւորութիւն ընդունելու, այլ սպասաւորելու եւ իր կեանքը շատերու համար որպէս փրկագին տալու։

ՄԱՏԹԷՈՍ 21:13

եւ ըսաւ անոնց. – Սուրբ գիրքերուն մէջ գրուած է. «Իմ տունս աղօթքի տուն պիտի կոչուի», մինչ դուք զայն աւազակներու որջի վերածած էք։

ՄԱՏԹԷՈՍ 23:13

Վա՜յ ձեզի, կեղծաւորնե՛ր, Օրէնքի ուսուցիչներ եւ Փարիսեցիներ, որ երկինքի արքայութիւնը կը փակէք մարդոց առջեւ. դուք չէք մտներ եւ թոյլ չէք տար նաեւ անոնց՝ որ կ՚ուզեն մտնել։

ՄԱՐԿՈՍ 11:17

Ապա ժողովուրդին սկսաւ ուսուցանել, ըսելով. – Սուրբ գիրքերուն մէջ գրուած է, թէ «Իմ տունս բոլոր ժողովուրդներուն համար աղօթքի տուն պիտի կոչուի», մինչ դուք զայն աւազակներու որջի վերածած էք։

ՂՈԻԿԱՍ 19:10

Որովհետեւ Մարդու Որդին եկաւ կորսուածը փնտռելու եւ փրկելու։

ՅՈՎՀԱՆՆՈԻ 10:1

Հաստատ գիտցէք, ան որ ոչխարներուն փարախը դռնէն չի մտներ, այլ ուրիշ տեղէ կը մագլցի, անիկա գող է եւ աւազակ.

ՅՈՎՀԱՆՆՈԻ 10:11

Ե՛ս եմ իրաւ հովիւը։ Իրաւ հովիւը իր կեանքը կու տայ ոչխարներուն համար.

ՅՈՎՀԱՆՆՈԻ 12:47

Ես չեմ դատապարտեր ան՝ որ իմ խօսքերս կը լսէ եւ սակայն չի գործադրեր, որովհետեւ չեմ եկած աշխարհը դատապարտելու, այլ՝ աշխարհը փրկելու։

ՅՈՎՀԱՆՆՈԻ 12:6

Ասիկա ըսաւ՝ ո՛չ թէ անոր համար որ կը մտահոգուէր աղքատներով, այլ որովհետեւ գող էր։ Իր քով կը գտնուէր գանձանակը եւ ի՛նչ որ հոն կը ձգուէր՝ անկէ կ՚օգտուէր։

ՅՈՎՀԱՆՆՈԻ 3:17

Որովհետեւ Աստուած իր Որդին աշխարհ ղրկեց՝ ո՛չ թէ որպէսզի աշխարհը դատապարտէ, այլ որպէսզի աշխարհը փրկէ։

ՅՈՎՀԱՆՆՈԻ 5:40

Դուք, սակայն, չէք ուզեր ինծի գալ՝ կեանքը ունենալու համար։

ՅՈՎՀԱՆՆՈԻ 6:33

Որովհետեւ Աստուծոյ տուած հացը ան է՝ որ երկինքէն կ՚իջնէ եւ կեանք կու տայ աշխարհին։

ՅՈՎՀԱՆՆՈԻ 6:51

Ես եմ կենդանի հացը, որ երկինքէն իջած է. ով որ այս հացէն ուտէ՝ յաւիտեան պիտի ապրի։ Հացը որ ես պիտի տամ՝ իմ մարմինս է, որպէսզի աշխարհը կեանք ունենայ։

ՀՌՈՎՄԱՅԵՑԻՍ 2:21

ի վերջոյ, դուն որ ուրիշին կ՚ուսուցանես՝ ինքզինքիդ չե՞ս ուսուցաներ։ Դուն որ կը քարոզես չգողնալ՝ կը գողնա՞ս։

ԱՌԱՋԻՆ ՏԻՄՈԹԷՈՍ 1:15

Մէկ բան որոշ է, եւ ամէն մարդ պէտք է գիտնայ, թէ Քրիստոս Յիսուս աշխարհ եկաւ մեղաւորները փրկելու համար. եւ առաջին մեղաւորը ես եմ։

ԵԲՐԱՅԵՑԻՍ 6:17

Ատոր համար, Աստուած ինք ալ երդումը օգտագործեց՝ իր խոստումին ժառանգորդներուն յստակօրէն ցոյց տալու համար իր որոշումին անփոփոխելի ըլլալը։

ԵԲՐԱՅԵՑԻՍ 7:25

Ուստի նաեւ կրնայ վերջնականապէս փրկել անոնք՝ որոնք իր միջոցաւ Աստուծոյ կու գան, որովհետեւ միշտ կենդանի ըլլալով՝ տեւաբար բարեխօս կ՚ըլլայ անոնց համար։

ԵՐԿՐՈՐԴ ՊԵՏՐՈՍԻ 1:11

եւ այդպիսով ձեզի լայնօրէն իրաւասութիւն կը տրուի մտնելու մեր Տիրոջ եւ Փրկչին՝ Յիսուս Քրիստոսի յաւիտենական արքայութիւնը։