ՅՈՎՀԱՆՆՈԻ 1:18 - Western Armenian New Translation - Armenian Catholicosate of Cilicia - New Testament

¹⁸ Ոեւէ մէկը երբեք զԱստուած չէ տեսած, բացի Միածինէն, որ Աստուած է եւ Հօրմէն անբաժան. եւ Որդին էր որ մեզի ճանչցուց զայն։

Արեւմտահայերէն Նոր Կտակարան հարմարցուած․ 2017

¹⁸ Մէկը երբե՛ք Աստուած տեսած չէ, բայց միածին Որդին որ Հօրը ծոցն է, անիկա պատմեց»։

Western Armenian Bible 1853

¹⁸ Մէկը երբե՛ք Աստուած տեսած չէ, բայց միածին Որդին որ Հօրը ծոցն է, անիկա պատմեց»։

ՅՈՎՀԱՆՆՈԻ 1:18 Iomraidhean Croise

ՄԱՏԹԷՈՍ 11:27

Հայրս ամէն ինչ տուած է ինծի, եւ ոչ ոք կը ճանչնայ Որդին՝ բացի Հօրմէն, եւ ոչ ոք կը ճանչնայ Հայրը՝ բացի Որդիէն, կամ բացի անկէ՝ որուն յայտնել ուզէ Որդին։

ՂՈԻԿԱՍ 10:22

Հայրս ամէն ինչ տուած է ինծի։ Ոչ ոք կը ճանչնայ Որդին՝ բացի Հօրմէն, եւ ոչ ոք կը ճանչնայ Հայրը՝ բացի Որդիէն, կամ բացի անկէ՝ որուն յայտնել ուզէ Որդին։

ՅՈՎՀԱՆՆՈԻ 1:14

Եւ Բանը մարդ եղաւ եւ մեր միջեւ բնակեցաւ, եւ մենք տեսանք անոր փառքը. փառքը Միածինին, որ Հօրմէն եկաւ՝շնորհքով եւ ճշմարտութեամբ լեցուն։

ՅՈՎՀԱՆՆՈԻ 12:41

Եսայի այս խօսքերը ըսաւ, որովհետեւ տեսաւ Յիսուսի փառքը եւ խօսեցաւ անոր մասին։

ՅՈՎՀԱՆՆՈԻ 13:23

Աշակերտներէն մէկը, զոր Յիսուս կը սիրէր, բազմած էր Յիսուսի կողքին։

ՅՈՎՀԱՆՆՈԻ 14:9

Յիսուս պատասխանեց. – Այսքան ատեն ձեզի հետ եմ եւ տակաւին չճանչցա՞ր զիս, Փիլիպպո՛ս։ Ով որ զիս տեսաւ՝ Հայրը տեսած եղաւ, ալ ի՞նչպէս կ՚ըսես՝ «Ցոյց տուր մեզի Հայրը»։

ՅՈՎՀԱՆՆՈԻ 17:26

Քեզ ճանչցուցի անոնց եւ պիտի շարունակեմ ճանչցնել, որպէսզի անոնց մէջ ըլլայ այն սէրը որով զիս սիրեցիր եւ ես ըլլամ անոնց մէջ։

ՅՈՎՀԱՆՆՈԻ 17:6

Քեզ յայտնեցի բոլոր անոնց, որ ինծի տուիր այս աշխարհէն։ Անոնք քուկդ էին եւ ինծի տուիր զանոնք։ Անոնք խօսքերդ գործադրեցին

ՅՈՎՀԱՆՆՈԻ 3:11

Լաւ գիտցիր, թէ ինչ որ գիտենք՝ կը խօսինք եւ ինչ որ տեսանք՝ անոր մասին կը վկայենք, բայց մեր վկայութիւնը չէք ընդունիր։

ՅՈՎՀԱՆՆՈԻ 6:46

Ոչ ոք Հայրը տեսած է, բացի անկէ՝ որ Աստուծմէ է, որովհետեւ միայն անիկա տեսած է Հայրը։

ԵՐԿՐՈՐԴ ԿՈՐՆԹԱՑԻՍ 4:4

Այս աշխարհի “աստուած” ը նկատուած Սատանան կուրցուցած է այդ անհաւատներուն միտքը, որպէսզի չըլլայ որ Աւետարանին բերած լոյսը ծագի անոնց մէջ, այսինքն՝ տեսնեն փառքը Քրիստոսի, որ անտեսանելի Աստուծոյ պատկերն է։

ԿՈՂՈՍԱՑԻՍ 1:15

Քրիստոս ինք՝ տեսանելի պատկերն է աներեւոյթ Աստուծոյ. Հօրը Որդին, ծնած համայն ստեղծուածներէն առաջ։

ԱՌԱՋԻՆ ՏԻՄՈԹԷՈՍ 1:17

Իրեն՝ յաւիտենական Թագաւորին, անմահ եւ անտեսանելի միակ Աստուծոյն, պատիւ եւ փառք յաւիտեանս յաւիտենից. ամէն։

ԱՌԱՋԻՆ ՏԻՄՈԹԷՈՍ 6:16

միակը՝ որ անմահ է. ան՝ որ անմատչելի լոյսին մէջ կը բնակի. զոր մարդոցմէ ո՛չ ոք տեսած է եւ ոչ ոք ալ կրնայ տեսնել։ Յաւիտեան անո՛րն են պատիւն ու զօրութիւնը։ Ամէն։

ԱՌԱՋԻՆ ՅՈՎՀԱՆՆՈՒ 4:12

Ոեւէ մէկը բնաւ զԱստուած չէ տեսած։ Եթէ իրար սիրենք՝ կը նշանակէ թէ Աստուծոյ հանդէպ սէրը մեր մէջ կատարեալ է եւ Աստուած մեզի միացած կը մնայ։

ԱՌԱՋԻՆ ՅՈՎՀԱՆՆՈՒ 4:20

Այն մարդը որ կ՚ըսէ՝ «Ես կը սիրեմ զԱստուած», բայց իր եղբայրը կ՚ատէ, ստախօս մըն է։ Ով որ չի սիրեր իր եղբայրը՝ որ կը տեսնէ, ի՞նչպէս կրնայ սիրել զԱստուած՝ որ չի տեսներ։

ԱՌԱՋԻՆ ՅՈՎՀԱՆՆՈՒ 4:9

Աստուծոյ սէրը հետեւեալ ձեւով մեզի յայտնուեցաւ.– Աստուած իր միածին Որդին ղրկեց աշխարհ, որպէսզի անով կեանք ունենանք։

ԱՌԱՋԻՆ ՅՈՎՀԱՆՆՈՒ 5:20

Եւ գիտենք՝ թէ Աստուծոյ Որդին եկաւ ու բացաւ մեր միտքերը, որպէսզի ճանչնանք ճշմարիտ Աստուածը։ Մենք միացած ենք ճշմարիտ Աստուծոյ եւ անոր Որդիին՝ Յիսուս Քրիստոսի։ Ա՛ն է ճշմարիտ Աստուածը եւ յաւիտենական կեանքը։