ՅԱԿՈԲՈՒ 5:5 - Western Armenian New Translation - Armenian Catholicosate of Cilicia - New Testament

⁵ Երկրի վրայ ձեր կեանքը հաճոյքներով ու զուարճութեամբ անցուցիք եւ պարարտացաք, մորթուելու օրուան պատրաստուող անասուններուն պէս։

Արեւմտահայերէն Նոր Կտակարան հարմարցուած․ 2017

⁵ Երկրին վրայ փափկութեամբ եւ հեշտութեամբ ապրեցաք, սրտերնիդ սնուցանեցիք՝ որպէս թէ մորթուելու օրուան համար։

Western Armenian Bible 1853

⁵ Երկրին վրայ փափկութեամբ եւ հեշտութեամբ ապրեցաք, սրտերնիդ սնուցանեցիք՝ որպէս թէ մորթուելու օրուան համար։

ՅԱԿՈԲՈՒ 5:5 Iomraidhean Croise

ՂՈԻԿԱՍ 16:19

Մեծահարուստ մարդ մը կար, որ բեհեզ եւ ծիրանի հագուստներ կը հագնէր եւ ամէն օր փառաւոր խնճոյք կ՚ընէր։

ՂՈԻԿԱՍ 16:25

Աբրահամ ըսաւ անոր. «Որդեա՛կ, յիշէ՛ թէ ի՛նչպէս դուն քու կեանքիդ ընթացքին ամէն բարիք վայելեցիր, մինչ Ղազարոս չարչարուեցաւ։ Հիմա անիկա հոս կը հանգստանայ, մինչ դուն հոդ կը տառապիս։

ՀՌՈՎՄԱՅԵՑԻՍ 13:13

ապրելու համար այնպէս՝ ինչպէս վայել է լոյսի մէջ քալողներուն, փոխանակ անառակութեամբ, արբեցութեամբ, խառնակեցութեամբ ու պղծութեամբ, կամնախանձով ու հակառակութեամբ ապրելու։

ԱՌԱՋԻՆ ՏԻՄՈԹԷՈՍ 5:6

Իսկ հանգստութիւն ու վայելք փնտռող այրին կենդանի մեռած մըն է արդէն։

ԵՐԿՐՈՐԴ ՏԻՄՈԹԷՈՍ 3:4

մատնիչ, անպատկառ, գոռոզ, եւ աւելի հեշտանքը սիրող՝ քան զԱստուած։

ԵՐԿՐՈՐԴ ՊԵՏՐՈՍԻ 2:13

եւ այդ պատիժը հատուցումը պիտի ըլլայ ուրիշներուն հասցուցած իրենց չարիքներուն։ Հաճոյք կ՚առնեն օր–ցերեկով իրենց զեղխ ցանկութիւնները կատարելէն, եւ իրենց ներկայութեամբ ձեր հաւաքոյթի սեղանները կը պղծեն ու կ՚արատաւորեն, իրենց խաբեբայութիւններովը զուարճանալով։

ՅՈՒԴԱՅԻ 1:12

Անոնց ներկայութիւնը կ՚արատաւորէ ձեր սիրոյ հաւաքոյթի սեղանները, ուր անոնք անպատկառօրէն կու գան ձեզի խրախճանակից ըլլալու, միայն իրենց փորը լեցնելու համար։ Անոնք հովերէն քշուող ամպերու պէս են, որոնք անձրեւ չեն թափեր, կամ ծառերու պէս՝ որոնք նոյնիսկ աշնան՝ պտուղ չեն տար. անոնք արմատախիլ եղած ըլլալով՝ կրկնապէս մեռած են։

ՅԱՅՏՆՈՒԹԻՒՆ 18:7

Այնքան՝ որքան ինքզինք փառաւորեց եւ զեղխութեամբ ապրեցաւ՝ նոյնքան իրեն սուգ ու տանջանք հատուցէք, քանի կ՚ըսէր ինքնիրեն.– “Միշտ թագուհի պիտի մնամ, ես այրի չեմ եւ սուգ բնաւ պիտի չտեսնեմ”։