ԵԲՐԱՅԵՑԻՍ 4:2 - Western Armenian New Translation - Armenian Catholicosate of Cilicia - New Testament

² Որովհետեւ մեզի՛ եւս այդ աւետիսը տրուած է, ճիշդ ինչպէս անապատին մէջ եղողներուն տրուեցաւ։ Բայց աւետիսը լսելը օգուտ չըրաւ անոնց, որովհետեւ հաւատքով չկապուեցան իրենց լսածին։

Արեւմտահայերէն Նոր Կտակարան հարմարցուած․ 2017

² Վասն զի մենք ալ անոնց պէս աւետիս առած ենք. բայց անոնց շահ մը չըրաւ այն խօսքը լսելը, քանզի հաւատքով ընդունուած չէր լսողներէն։

Western Armenian Bible 1853

² Վասն զի մենք ալ անոնց պէս աւետիս առած ենք. բայց անոնց շահ մը չըրաւ այն խօսքը լսելը, քանզի հաւատքով ընդունուած չէր լսողներէն։

ԵԲՐԱՅԵՑԻՍ 4:2 Iomraidhean Croise

ԳՈՐԾՔ ԱՌԱՔԵԼՈՑ 13:46

Ասոր վրայ, Պօղոս եւ Բառնաբաս համարձակօրէն յայտարարեցին. –Պէտք էր նախ ձեզի քարոզէինք Աստուծոյ խօսքը. բայց քանի կը մերժէք զայն եւ դուք ձեզ յաւիտենական կեանքին արժանի չէք համարեր, ահա մենք հեթանոսներուն կը դառնանք։

ԳՈՐԾՔ ԱՌԱՔԵԼՈՑ 3:26

Աստուած իր Որդին յարուցանելէ ետք նախ ղրկեց ձեզի, որպէսզի անով օրհնէ ձեզ, երբ ձեզմէ իւրաքանչիւրը դառնայ իր գործած չարիքներէն։

ՀՌՈՎՄԱՅԵՑԻՍ 2:25

Թլփատութիւնը օգուտ կ՚ունենայ միայն՝ եթէ Օրէնքը գործադրես. իսկ եթէ Օրէնքը խախտես՝ թլփատուած ըլլալովդ հանդերձ անթլփատ հեթանոսի պէս կ՚ըլլաս։

ՀՌՈՎՄԱՅԵՑԻՍ 3:3

Իսկ եթէ անոնցմէ ոմանք հաւատարիմ չմնացին, միթէ անոնց անհաւատարմութիւնը արգե՞լք պիտի ըլլար որ Աստուած ինք հաւատարիմ մնայ։

ԱՌԱՋԻՆ ԿՈՐՆԹԱՑԻՍ 13:3

Ի՞նչ օգուտ, եթէ բոլոր ինչքերս աղքատներուն տամ եւ նոյնիսկ մարմինս կրակի մատնեմ. եթէ սէր չունիմ՝ ոչինչով կ՚օգտուիմ։

ԳԱՂԱՏԱՑԻՍ 3:2

Սա՛ միայն կ՚ուզեմ գիտնալ, ըսէ՛ք, Օրէնքի գործադրութեա՞մբ Սուրբ Հոգին ստացաք, թէ Աւետարանի պատգամին հաւատալով։

ԳԱՂԱՏԱՑԻՍ 3:8

Սուրբ գիրքին մէջ նախատեսուած էր, որ Աստուած հաւատքով պիտի արդարացնէր բոլոր ազգերը. ուստի կանուխէն խոստում տրուած էր Աբրահամի, թէ՝ «Քեզմով պիտի օրհնուին բոլոր ազգերը»։

ԳԱՂԱՏԱՑԻՍ 4:13

Ձեզի դէմ բնաւ գանգատ մը չունիմ։ Ընդհակառակը. հարկաւ գիտէք թէ սկիզբը, երբ Աւետարանը ձեզի քարոզելու եկայ, տկար էի մարմնով.

ԱՌԱՋԻՆ ԹԵՍԱՂՈՆԻԿԵՑԻՍ 1:5

որովհետեւ մեր քարոզութեամբ Աստուած իր Աւետարանը յայտնեց ձեզի՝ ո՛չ միայն խօսքով, այլ նաեւ զօրութեամբ, այսինքն՝ Սուրբ Հոգիին ներգործութեամբ, եւ կատարեալ վստահութիւն ներշնչեց ձեզի։ Դուք լաւ գիտէք, թէ ձեր մէջ ի՛նչպէս ապրեցանք, ձեզի օրինակ ըլլալու համար։

ԱՌԱՋԻՆ ԹԵՍԱՂՈՆԻԿԵՑԻՍ 2:13

Մենք անդադար Աստուծոյ շնորհակալութիւն կը յայտնենք նաեւ անոր համար, որ դուք հազիւ Աստուծոյ խօսքին քարոզութիւնը մեզմէ լսած՝ ընդունեցիք զայն, ո՛չ իբրեւ մարդկային պատգամ, այլ՝ իբրեւ Աստուծոյ պատգամը, որովհետեւ ճշմարտապէս ալ Աստուծոյ պատգամն է, եւ իբրեւ այդպիսին կը ներգործէ հաւատացեալներուդ մէջ։

ԱՌԱՋԻՆ ՏԻՄՈԹԷՈՍ 4:8

որովհետեւ եթէ մարմինի մարզանքները որոշ բաներու օգտակար են, աստուածպաշտութիւնը ամէն բանի օգտակար է, քանի կը խոստանայ կեանք տալ՝ թէ՛ այս աշխարհի եւ թէ՛ հանդերձեալին մէջ։

ԵԲՐԱՅԵՑԻՍ 11:6

Իսկ առանց հաւատքի անկարելի է Աստուծոյ հաճութիւնը շահիլ։ Արդարեւ, Աստուծոյ մօտեցողը պէտք է հաւատայ՝ թէ ան գոյութիւն ունի եւ կը վարձատրէ անոնք որ զինք կը փնտռեն։

ԵԲՐԱՅԵՑԻՍ 3:12

Զգուշացէ՛ք, եղբայրներ, չըլլա՛յ որ ձեզմէ ոեւէ մէկը սիրտով չարանայ եւ անհաւատութեամբ մերժէ ճանչնալ զԱստուած, կեանքի աղբիւրը։

ԵԲՐԱՅԵՑԻՍ 4:6

Արդ, որովհետեւ այդ աւետիսը առաջին լսողները Աստուծոյ պատրաստած հանգիստին չհասան, իրենց անհնազանդութեան պատճառով, եւ քանի դեռ ի զօրու կը մնայ այդ հանգիստը պարգեւելու խոստումը,

ՅԱԿՈԲՈՒ 1:21

Հետեւաբար ձեզմէ թօթափեցէ՛ք ամէն աղտոտ սովորութիւն ու չար ցանկութիւն, եւ հեզութեամբ ընդունեցէք ձեր մէջ սերմանուած Աստուծոյ խօսքը, որ կրնայ ձեր հոգիները փրկել։

ԱՌԱՋԻՆ ՊԵՏՐՈՍԻ 1:12

Աստուած անոնց յայտնեց, թէ իրենց փոխանցած այդ պատգամները իրենց ժամանակներուն համար չէին, այլ՝ մեզի համար էր որ խօսեցան այն՝ ինչ որ ներկայիս Աւետարանը քարոզող մարդիկ ձեզի փոխանցեցին, երկինքէն ղրկուած Սուրբ Հոգիին մղումով։ Պատգամներ՝ որոնց կատարումը հրեշտակներն իսկ պիտի ուզէին գէթ մասամբ տեսնել։