ԵԲՐԱՅԵՑԻՍ 1:4 - Western Armenian New Translation - Armenian Catholicosate of Cilicia - New Testament

⁴ Անիկա շատ աւելի բարձր է հրեշտակներէն, ինչպէս Աստուծմէ իրեն տրուած գերազանց անունը ցոյց կու տայ.

Արեւմտահայերէն Նոր Կտակարան հարմարցուած․ 2017

⁴ Այնչափ բարձր եղաւ հրեշտակներէն, որչափ իր ժառանգած անունը բարձր է անոնց անուններէն։

Western Armenian Bible 1853

⁴ Այնչափ բարձր եղաւ հրեշտակներէն, որչափ իր ժառանգած անունը բարձր է անոնց անուններէն։

ԵԲՐԱՅԵՑԻՍ 1:4 Iomraidhean Croise

ԵՓԵՍԱՑԻՍ 1:21

ոգեղէն աշխարհի բոլոր իշխանութիւններէն ու պետութիւններէն, զօրութիւններէն ու տէրութիւններէն գերիվեր, եւ դեռ ուրիշ անուններով ծանօթ բոլոր իշխանութիւններուն վրայ, թէ՛ ներկայ աշխարհին մէջ եւ թէ՛ գալիքին։

ԿՈՂՈՍԱՑԻՍ 1:18

Ան է Գլուխը մարմնին, այսինքն՝ եկեղեցիին։ Ան է սկիզբը, որ անդրանիկ ծնունդն եղաւ՝ մեռելներէն, որպէսզի ինք առաջնութիւնն ունենայ ամէն, ամէ՛ն բանի մէջ։

ԿՈՂՈՍԱՑԻՍ 2:10

Եւ դուք ձեր կեանքին լիութիւնը գտաք՝ միանալով անոր, որ գլուխն է ոգեղէն աշխարհի բոլոր իշխանութիւններուն ու պետութիւններուն։

ԵՐԿՐՈՐԴ ԹԵՍԱՂՈՆԻԿԵՑԻՍ 1:7

իսկ ձեզի՝ տանջուածներուդ՝ հանգիստ պարգեւել մեզի հետ միասին, երբ մեր Տէրը Յիսուս հրեշտակներու իր բանակով երկինքէն յայտնուի:

ԵԲՐԱՅԵՑԻՍ 1:9

Արդարութիւնըկը սիրես եւ անիրաւութիւնը կ՚ատես։ Ահա թէ ինչու, ո՛վ Աստուած, քու Աստուածդ ուրախութեան իւղով օծեց քեզ, քու ընկերներէդ աւելի»։

ԵԲՐԱՅԵՑԻՍ 12:17

Եւ, ինչպէս գիտէք, երբ յետոյ ուզեց հօրը օրհնութիւնը ստանալ՝ մերժուեցաւ, եւ հակառակ իր խնդրանքներուն ու թափած արցունքներուն՝ կացութենէն բան չկրցաւ փոխել։

ԵԲՐԱՅԵՑԻՍ 2:9

Մինչդեռ «փառքով ու պատուով» պսակուած կը տեսնենք Յիսուսը, որ «հրեշտակներէն քիչ մը վար» դասուեցաւ՝ մահուան չարչարանքը յանձն առնելու համար, որպէսզի Աստուծոյ շնորհքով բոլոր մարդոց փոխարէն մահը ճաշակէ։

ԱՌԱՋԻՆ ՊԵՏՐՈՍԻ 3:22

որ երկինք երթալով Աստուծոյ աջակողմը նստաւ, իր իշխանութեան հնազանդեցնելով հրեշտակները եւ ոգեղէն աշխարհի իշխանութիւններն ու զօրութիւնները։