ԳԱՂԱՏԱՑԻՍ 4:3 - Western Armenian New Translation - Armenian Catholicosate of Cilicia - New Testament

³ Նոյնն է մեր ալ պարագան։ Որքան ատեն որ հոգեւորապէս անչափահաս էինք՝ բնութեան ոյժերուն կ՚ենթարկուէինք ու կը ծառայէինք։

Արեւմտահայերէն Նոր Կտակարան հարմարցուած․ 2017

³ Նոյնպէս մենք ալ երբ մանուկ էինք, աշխարհի սկզբունքներուն տակ ծառայ էինք։

Western Armenian Bible 1853

³ Նոյնպէս մենք ալ երբ մանուկ էինք, աշխարհի սկզբունքներուն տակ ծառայ էինք։

ԳԱՂԱՏԱՑԻՍ 4:3 Iomraidhean Croise

ՄԱՏԹԷՈՍ 11:28

Ինծի՛ եկէք դուք բոլորդ, յոգնածներ եւ բեռնաւորուածներ, եւ ես հանգիստ պիտի տամ ձեզի։

ՅՈՎՀԱՆՆՈԻ 8:31

Յիսուս իրեն հաւատացող Հրեաներուն ուղղելով իր խօսքը, ըսաւ. – Եթէ հաւատարիմ մնաք իմ ուսուցումներուս՝ ճշմարտապէս իմ աշակերտներս եղած կ՚ըլլաք.

ԳՈՐԾՔ ԱՌԱՔԵԼՈՑ 15:10

Հետեւաբար, ինչո՞ւ զԱստուած կը փորձէք՝ Տիրոջ աշակերտողներու վիզին դնելով լուծ մը, որ ո՛չ մեր հայրերը կրցան շալկել եւ ո՛չ ալ մենք։

ՀՌՈՎՄԱՅԵՑԻՍ 7:14

Գիտենք անշուշտ, որ Օրէնքը հոգեւոր է. բայց ես մարմնեղէն եմ՝ մեղքին ստրուկ դարձած։

ՀՌՈՎՄԱՅԵՑԻՍ 8:15

Արդ, դուք Հոգին ստացաք՝ ո՛չ թէ ծառայ դառնալու եւ դարձեալ վախով ապրելու համար, այլ Հոգին ստացաք՝ Աստուծոյ որդիներ ըլլալու համար։ Այդ Հոգիով է որ զԱստուած «Աբբա», այսինքն Հայր կը կոչենք,

ԵՐԿՐՈՐԴ ԿՈՐՆԹԱՑԻՍ 11:20

Մտիկ կ՚ընէք անոնց՝ որոնք կը խաբեն ձեզ եւ ստրուկի տեղ կը դնեն, կը շահագործեն ու կը կողոպտեն ձեզ, կ՚արհամարհեն ու կ՚ապտակեն ձեզ։

ԳԱՂԱՏԱՑԻՍ 2:4

Թլփատութիւն պահանջողները քանի մը կեղծ քրիստոնեաներ էին, որոնք հաւատացեալներու շարքերուն մէջ սպրդած էին՝ Յիսուս Քրիստոսով մեր ունեցած ազատութիւնը լրտեսելու եւ մեզ Մովսիսական օրէնքներու ծառայութեան մէջ պահելու համար։

ԳԱՂԱՏԱՑԻՍ 3:19

Հապա ինչո՞ւ Օրէնքը տրուեցաւ։ Տրուեցաւ՝ որպէսզի մարդիկ իրենց յանցանքները ճանչնան, մինչեւ Աբրահամի զաւակին՝ այսինքն Քրիստոսի գալը, որուն ուղղուած էր խոստումը։ Եւ Օրէնքը տրուեցաւ հրեշտակներու ձեռքով եւ մարդու մը միջնորդութեամբ։

ԳԱՂԱՏԱՑԻՍ 4:2

քանի խնամակալներու եւ հոգաբարձուներու ենթակայ է, մինչեւ հասնի իր հօրը որոշած ժամանակակէտը։

ԳԱՂԱՏԱՑԻՍ 4:24

Այս բաները այլաբանօրէն պէտք է հասկնալ։ Երկու կիները երկու Ուխտերը կը ներկայացնեն։ Անոնցմէ մէկը՝ Հագարը, որ ստրուկ զաւակներ ծնաւ, Սինա լերան վրայ կնքուած Ուխտն է։

ԳԱՂԱՏԱՑԻՍ 4:25

Այո՛, Հագարը Արաբիայի Սինա լեռը կը խորհրդանշէ, եւ կը համապատասխանէ ներկայ Երուսաղէմին, որ իր զաւակներով միասին ստրկութեան մէջ է։

ԳԱՂԱՏԱՑԻՍ 4:31

Արդ, եղբայրնե՛ր, մենք աղախինին զաւակները չենք, այլ՝ ազատին, ա՛յն ազատութեամբ՝ որով Քրիստոս մեզ ազատ ըրաւ։

ԳԱՂԱՏԱՑԻՍ 4:8

Ճիշդ է որ նախապէս երբ զԱստուած չէիք ճանչնար՝ չաստուածներու կը ծառայէիք։

ԳԱՂԱՏԱՑԻՍ 4:9

Բայց հիմա որ զԱստուած ճանչցանք եւ մանաւանդ Աստուած ալ ձեզ ճանչցաւ, ի՞նչպէս կրկին կը վերադառնաք բնութեան տկար ու խեղճ ոյժերու պաշտամունքին եւ վերստին կ՚ուզէք անոնց ծառայել.

ԿՈՂՈՍԱՑԻՍ 2:20

Քանի Քրիստոսի հետ մեռաք եւ բնութեան ոյժերու տիրապետութենէն դուրս եկաք, ինչո՞ւ կը շարունակէք ապրիլ այնպէս՝ որպէս թէ ձեր կեանքը աշխարհէն կախում ունենար, եւ կը հնազանդիք

ԿՈՂՈՍԱՑԻՍ 2:8

Զգոյշ եղէք, որ ոեւէ մէկը ձեր միտքը չգրաւէ իմաստասիրական տեսութիւններով եւ խաբեբայական սին խօսքերով, որոնք մարդկային աւանդութիւններու եւ բնութեան ոյժերուն վրայ կը հիմնուին եւ ո՛չ թէ Յիսուս Քրիստոսի ճշմարիտ վարդապետութեան վրայ։

ԵԲՐԱՅԵՑԻՍ 5:12

Արդարեւ՝ դուք պէտք էր ուրիշներո՛ւն ուսուցանէիք մինչեւ հիմա, մինչդեռ դո՛ւք կրկին պէտք ունիք Աստուծոյ պատգամներուն ամենատարրական դասերը սորվելու։ Այլ խօսքով, կարծր կերակուրի տեղ՝ տակաւին կաթի կը կարօտիք։

ԵԲՐԱՅԵՑԻՍ 7:16

այսինքն՝ մարմնաւոր կեանքի յատուկ օրէնքներու եւ կարգերու համաձայն չէ՛ որ քահանայ եղած է, այլ՝ յաւիտենական կեանքի մէջ ի զօրու եղող օրէնքով։