ԳԱՂԱՏԱՑԻՍ 3:9 - Western Armenian New Translation - Armenian Catholicosate of Cilicia - New Testament

⁹ Այնպէս որ, հաւատքին ապաւինողները կ՚օրհնուին Աբրահամի հետ, որ ի՛նք եւս հաւատքին ապաւինեցաւ։

Արեւմտահայերէն Նոր Կտակարան հարմարցուած․ 2017

⁹ Ուստի անոնք որ հաւատքէն են, կ’օրհնուին հաւատացեալ Աբրահամին հետ։

Western Armenian Bible 1853

⁹ Ուստի անոնք որ հաւատքէն են, կ’օրհնուին հաւատացեալ Աբրահամին հետ։

ԳԱՂԱՏԱՑԻՍ 3:9 Iomraidhean Croise

ՀՌՈՎՄԱՅԵՑԻՍ 4:11

Եւ թլփատութիւնը Աստուծմէ ստացաւ որպէս նշան եւ կնիք՝ անթլփատ վիճակի մէջ իր ցուցաբերած հաւատքով արդարացած ըլլալուն, որպէսզի ատով հայրը ըլլայ բոլոր անոնց՝ որոնք առանց թլփատուած ըլլալու կը հաւատան, որպէսզի անոնք եւս արդար համարուին,

ՀՌՈՎՄԱՅԵՑԻՍ 4:16

Այս պատճառով ալ, մարդ իր հաւատքով է որ Աստուծոյ ժառանգորդ կը դառնայ, որպէսզի ատիկա շնորհքի արդիւնք ըլլայ եւ խոստումը ի զօրու ըլլայ Աբրահամի ամբողջ սերունդին, այսինքն՝ ո՛չ միայն անոնց՝ որոնք Օրէնքին միջոցաւ եկած են Աստուծոյ, այլ նաեւ անոնց՝ որոնք հաւատքի ճամբով կու գան, Աբրահամի պէս՝ որ մեր բոլորին հայրն է.

ՀՌՈՎՄԱՅԵՑԻՍ 4:24

այլ նաեւ մեզի համար։ Աստուած մե՛զ եւս արդար պիտի համարէ մեր հաւատքին համար, որովհետեւ կը հաւատանք իրեն՝ որ մեռելներէն յարուցանեց Յիսուսը, մեր Տէրը,

ԳԱՂԱՏԱՑԻՍ 3:14

Քրիստոս խաչին վրայ կախուեցաւ՝ որպէսզի բոլոր ազգերը Աբրահամի խոստացուած օրհնութիւնը ունենան Քրիստոս Յիսուսով, եւ մենք անոր հաւատալով՝ խոստացուած Սուրբ Հոգին ստանանք։

ԳԱՂԱՏԱՑԻՍ 3:29

Արդ ուրեմն, եթէ Քրիստոսի կը պատկանիք՝ կը նշանակէ թէ դուք Աբրահամի զաւակներ էք եւ պիտի ժառանգէք ինչ որ Աստուած անոր խոստացաւ։

ԳԱՂԱՏԱՑԻՍ 4:28

Արդ, եղբայրներ, Իսահակին պէս՝ մենք ալ խոստումի որդիներ ենք։