ԳԱՂԱՏԱՑԻՍ 3:1 - Western Armenian New Translation - Armenian Catholicosate of Cilicia - New Testament

¹ Ո՜վ պնմիտ Գպղպտպցիներ, ո՞վձեզհրապուրեց։ Մոռցա՞ք խաչի վրայ Յիսուս Քրիստոսի մահը, որ ես ձեր աչքերուն դիմաց պատկերեցի։

Արեւմտահայերէն Նոր Կտակարան հարմարցուած․ 2017

¹ Ո՜վ անմիտ Գաղատացիներ, ո՞վ ձեզ հրապուրեց, որոնց աչքերուն առջեւ Յիսուս Քրիստոս ձեր մէջ խաչը ելած նկարագրուեցաւ։

Western Armenian Bible 1853

¹ Ո՜վ անմիտ Գաղատացիներ, ո՞վ ձեզ հրապուրեց, որոնց աչքերուն առջեւ Յիսուս Քրիստոս ձեր մէջ խաչը ելած նկարագրուեցաւ։

ԳԱՂԱՏԱՑԻՍ 3:1 Iomraidhean Croise

ՄԱՏԹԷՈՍ 24:24

որովհետեւ սուտ քրիստոսներ եւ սուտ մարգարէներ պիտի ելլեն եւ մեծ հրաշքներ ու նշաններ կատարեն՝ որպէսզի մոլորեցնեն, եթէ կարենան, նոյնիսկ Աստուծոյ ընտրեալները։

ՄԱՏԹԷՈՍ 7:26

Իսկ ով որ իմ այս խօսքերս կը լսէ բայց չի գործադրեր զանոնք, պիտի նմանի այն յիմար մարդուն, որ իր տունը աւազի վրայ կը շինէ։

ՂՈԻԿԱՍ 24:25

Յիսուս ըսաւ անոնց. – Ո՛վ անմիտներ, որ կը դժուարանաք մարգարէներուն բոլոր ըսածներուն հաւատալու։

ԳՈՐԾՔ ԱՌԱՔԵԼՈՑ 16:6

Պօղոս, Շիղա եւ Տիմոթէոս Փռիգիայի եւ Գաղատիայի կողմերը շրջեցան. բայց Սուրբ Հոգին թոյլ չտուաւ որ Ասիա նահանգին մէջ Տիրոջ խօսքը քարոզեն։

ԳՈՐԾՔ ԱՌԱՔԵԼՈՑ 6:7

Ահա այսպէս, Աստուծոյ խօսքը կը տարածուէր եւ Երուսաղէմի մէջ հաւատացեալներու թիւը մեծապէս կը շատնար։ Նոյնիսկ քահանաներէն շատ–շատեր հաւատքը կ՚ընդունէին։

ՀՌՈՎՄԱՅԵՑԻՍ 10:16

Բայց բոլորը չընդունեցին այդ աւետիսը. արդարեւ Եսայի մարգարէ կը գոչէ. «Տէ՛ր, ո՞վ հաւատաց մեր տուած լուրին»։

ՀՌՈՎՄԱՅԵՑԻՍ 2:8

իսկ բարկութիւն եւ զայրոյթ պիտի վերապահէ անոնց՝ որոնք հակառակութենէ տարուած՝ չեն հաւանիր ճշմարտութեան, այլ անիրաւութեան մէջ կը մնան։

ՀՌՈՎՄԱՅԵՑԻՍ 6:17

Գոհութիւն Աստուծոյ, որ թէպէտ ժամանակ մը մեղքին ծառայ դարձած էիք, բայց որովհետեւ սրտանց հնազանդեցաք ձեզիաւանդուած վարդապետութեան օրինակին,

ԱՌԱՋԻՆ ԿՈՐՆԹԱՑԻՍ 11:26

Հետեւաբար, ամէն անգամ որ այս հացը կ՚ուտէք եւ բաժակէն կը խմէք, Տիրոջ մահը կը պատմէք, մինչեւ իր երկրորդ գալուստը։

ԱՌԱՋԻՆ ԿՈՐՆԹԱՑԻՍ 2:2

որովհետեւ միակ նպատակ դրած էի՝ ձեզի ճանչցնել Յիսուսը՝ Քրիստոսը, այսինքն նոյնիքն խաչուած Փրկիչը։

ԵՐԿՐՈՐԴ ԿՈՐՆԹԱՑԻՍ 10:5

Եւ մենք կը խորտակենք Աստուծոյ գիտութեան դէմ բարձրացած առարկութեանց բոլոր հպարտ պատնէշները եւ բոլոր միտքերը գերելով՝ Քրիստոսի հնազանդութեան կը բերենք։

ԵՐԿՐՈՐԴ ԿՈՐՆԹԱՑԻՍ 11:3

Բայց կը վախնամ որ ձեր միտքը ապականի եւ հեռանաք Քրիստոսի հանդէպ ամբողջական եւ մաքուր նուիրումէն, ճիշդ ինչպէս Եւան խաբուեցաւ օձին խորամանկ սուտերէն։

ԳԱՂԱՏԱՑԻՍ 1:2

կը գրեմ ձեզի՝ Գաղատիայի եկեղեցիներուն, եւ ինծի կը միանան այն բոլոր եղբայրները, որոնք հետս են։

ԳԱՂԱՏԱՑԻՍ 1:6

Շատ կը զարմանամ, որ այդպէս շուտով կը լքէք Աստուծոյ Աւետարանը, որ ձեզ Քրիստոսի շնորհքին հրաւիրեց, եւ այլափոխուած աւետարանի մը ականջ կու տաք։

ԳԱՂԱՏԱՑԻՍ 2:14

Երբ տեսայ թէ Աւետարանի ճշմարտութեան ուղիղ ճամբուն մէջ չեն, բոլորին ներկայութեան ըսի Կեփասին. «Եթէ դուն Հրեայ ըլլալով հանդերձ ազատ կը զգաս հեթանոսներուն պէս ապրելու, փոխանակ Հրեայի մը պէս ապրելու, ի՞նչպէս կը ստիպես որ հեթանոսները Հրեայի պէս ապրին»։

ԳԱՂԱՏԱՑԻՍ 3:3

Այդքան անմի՞տէք. Սուրբ Հոգիով նոր կեանք սկսելէ ետք այժմ Օրէնքին պահանջքներո՞ւն կը վերադառնաք։

ԳԱՂԱՏԱՑԻՍ 4:9

Բայց հիմա որ զԱստուած ճանչցանք եւ մանաւանդ Աստուած ալ ձեզ ճանչցաւ, ի՞նչպէս կրկին կը վերադառնաք բնութեան տկար ու խեղճ ոյժերու պաշտամունքին եւ վերստին կ՚ուզէք անոնց ծառայել.

ԳԱՂԱՏԱՑԻՍ 5:11

Գալով ինծի, եղբայրնե՛ր, եթէ ես ալ տակաւին թլփատուիլ կը քարոզեմ, ինչպէս ոմանք կ՚ըսեն, ալ ինչո՞ւ կը հալածուիմ. չէ՞ որ այդ պարագային խաչի վրայ Քրիստոսի մահը կը դադրի գայթակղութիւն ըլլալէ։

ԵՓԵՍԱՑԻՍ 3:8

Այո՛, ինծի՝ որ Աստուծոյ ժողովուրդին մէջ յետիններուն յետինն եմ՝ Աստուած այս շնորհքը տուաւ, որպէսզի բոլոր ազգերուն աւետիս տամ՝ թէ ի՛նչպիսի աներեւակայելի գանձ մըն է Քրիստոս,

ԵՓԵՍԱՑԻՍ 4:14

Որպէսզի ասկէ ետք չնմանինք երեխաներու, որոնք ալիքներու հետ կը տարուբերին եւ զանազան վարդապետութեանց հովերէն կը քշուին խաբեբայ մարդոց կողմէ, որոնք խորամանկ հնարքներով կը խաբեն ու կը մոլորեցնեն։

ԵՓԵՍԱՑԻՍ 5:15

Հետեւաբար ձեր ապրելակերպին ուշադրութիւն ըրէք։ Մի՛ ապրիք անմտօրէն, այլ՝ իմաստուններու պէս։

ԵՐԿՐՈՐԴ ԹԵՍԱՂՈՆԻԿԵՑԻՍ 1:8

Անիկա բոցավառ կրակով պիտի պատժէ անոնք՝ որոնք կը մերժեն զԱստուած ճանչնալ եւ հնազանդիլ մեր Տիրոջ Յիսուս Քրիստոսի Աւետարանին:

ԱՌԱՋԻՆ ՏԻՄՈԹԷՈՍ 6:4

այնպիսին հպարտութեամբ կուրցած մըն է, որ ոչինչ գիտէ։ Խնդիրներ եւ վէճեր ստեղծելու հիւանդութիւնը ունի. եւ ատկէ ծնունդ կ՚առնեն՝ նախանձը, հակառակասիրութիւնը, հայհոյութիւնը, չար կասկածները,

ԵԲՐԱՅԵՑԻՍ 11:8

Իր հաւատքով էր որ Աբրահամ հնազանդեցաւ Աստուծոյ կոչին, որ ելլէ երթայ այն տեղը՝ որ իբրեւ ժառանգութիւն պիտի ստանար. եւ ճամբայ ելաւ, առանց գիտնալու թէ ո՛ւր կ՚երթայ։

ԵԲՐԱՅԵՑԻՍ 5:9

Եւ այսպէս, կատարեալ ըլլալէ ետք, յաւիտենական փրկութեան պատճառ եղաւ բոլոր անոնց համար՝ որոնք իրեն կը հնազանդին,

ԱՌԱՋԻՆ ՊԵՏՐՈՍԻ 1:22

Արդ, դուք որ ճշմարտութեան հնազանդելով սրբեցիք ձեր անձերը, որպէսզի անկեղծ եղբայրսիրութեամբ ապրիք, սրտանց սիրեցէ՛ք իրար, մաքուր սրտով։

ԱՌԱՋԻՆ ՊԵՏՐՈՍԻ 4:17

Որովհետեւ արդէն ժամանակն է որ դատաստանը սկսի, եւ սկսի Աստուծոյ տունէն։ Իսկ եթէ առաջին դատուողները մե՛նք պիտի ըլլանք, ի՞նչ պիտի ըլլայ վախճանը անոնց՝ որոնք Աստուծոյ Աւետարանին չեն հնազանդիր։

ԵՐԿՐՈՐԴ ՊԵՏՐՈՍԻ 2:18

Որովհետեւ իմաստէ զուրկ մեծ–մեծ խօսքերով եւ մարմնական անառակ ցանկութիւններ գրգռելով՝ կը մոլորեցնեն անոնք, որոնք հազիւ փախած էին ուրիշ մոլորութեանց մէջ ապրող մարդոցմէ։

ՅԱՅՏՆՈՒԹԻՒՆ 18:3

Որովհետեւ բոլոր ազգերը անոր պոռնկութեան բարկ գինիէն արբեցան եւ երկրի թագաւորները անոր հետ պոռնկութիւն ըրին. այս աշխարհի վաճառականները անոր անչափ զեղխութենէն անհամեմատ հարստացան»։

ՅԱՅՏՆՈՒԹԻՒՆ 2:20

Բայց քեզի դէմ դժգոհութիւն ունիմ, քանի կը հանդուրժես Եզաբէլին, կնոջ մը՝ որ ինքզինք մարգարէուհի կը նկատէ։ Անիկա իմ ծառաներս կը մոլորեցնէ, անոնց պոռնկութիւն ընել եւ կուռքերուն զոհուած միս ուտել սորվեցնելով։