ԳԱՂԱՏԱՑԻՍ 2:9 - Western Armenian New Translation - Armenian Catholicosate of Cilicia - New Testament

⁹ այն ատեն՝ Յակոբոս, Կեփաս եւ Յովհաննէս, որոնք եկեղեցւոյ սիւները կը համարուէին, ճանչցան Աստուծմէ ինծի տրուած շնորհքը, իմ եւ Բառնաբասի ձեռքը թօթուելով հաւանութիւն տուին որ մենք հեթանոսներուն մէջ աշխատինք, իսկ իրենք՝ Հրեաներուն։

Արեւմտահայերէն Նոր Կտակարան հարմարցուած․ 2017

⁹ ու երբ ինծի տրուած շնորհքը գիտցան ու Յակոբոսն ու Կեփասը եւ Յովհաննէսը, որոնք սիւներ սեպուած էին, աջ ձեռքերնին տուին ինծի ու Բառնաբասին՝ ի նշան հաղորդակցութեան, որպէս զի մենք հեթանոսներուն մէջ երթանք ու անոնք՝ թլփատուածներուն.

Western Armenian Bible 1853

⁹ Ու երբ ինծի տրուած շնորհքը գիտցան ու Յակոբոսն ու Կեփասը եւ Յովհաննէսը, որոնք սիւներ սեպուած էին, աջ ձեռքերնին տուին ինծի ու Բառնաբասին՝ ի նշան հաղորդակցութեան, որպէս զի մենք հեթանոսներուն մէջ երթանք ու անոնք՝ թլփատուածներուն.

ԳԱՂԱՏԱՑԻՍ 2:9 Iomraidhean Croise

ՄԱՏԹԷՈՍ 16:18

Քեզի կ՚ըսեմ՝ թէ ժայռ ես դուն, եւ այդ ժայռին վրայ պիտի շինեմ իմ եկեղեցիս, զոր մահն անգամ իր ամբողջ զօրութեամբ պիտի չկրնայ յաղթահարել։

ՂՈԻԿԱՍ 22:8

Յիսուս Պետրոսն ու Յովհաննէսը ղրկեց՝ պատուիրելով. – Գացէք եւ զատկական ընթրիքը պատրաստեցէք, որպէսզի ուտենք։

ՅՈՎՀԱՆՆՈԻ 1:42

Յետոյ տարաւ զինք Յիսուսի մօտ։ Յիսուս նայեցաւ անոր եւ ըսաւ. – Դուն Սիմոնն ես, Յովնանի որդին։ Դուն Կեփաս պիտի կոչուիս։ (Կեփաս կը նշանակէ Պետրոս, այսինքն՝ ժայռ)։

ԳՈՐԾՔ ԱՌԱՔԵԼՈՑ 12:17

Պետրոս ձեռքով նշան ըրաւ որ լռեն, եւ անոնց պատմեց թէ ի՛նչպէս Տէրը զինք բանտէն հանեց։ Ապա ըսաւ. –Ասիկա Յակոբոսին եւ միւս հաւատացեալ եղբայրներուն պատմեցէք։ Եւ ինք ելաւ ուրիշ տեղ մը գնաց։

ԳՈՐԾՔ ԱՌԱՔԵԼՈՑ 15:13

Երբ անոնք լռեցին, Յակոբոս խօսք առնելով, ըսաւ. –Եղբայրնե՛ր, ինծի՛ մտիկ ըրէք։

ԳՈՐԾՔ ԱՌԱՔԵԼՈՑ 15:7

Երբ բաւական վէճ եղաւ, Պետրոս ոտքի ելաւ եւ ըսաւ անոնց. –Եղբայրնե՛ր, դուք բոլորդ գիտէք, որ առաջին օրէն հոս՝ ձեր մէջէն Աստուած զիս ընտրեց, որպէսզի իմ բերանովս հեթանոսներ լսեն Աւետարանի պատգամը եւ հաւատան։

ԳՈՐԾՔ ԱՌԱՔԵԼՈՑ 4:36

Այդպիսիներէն մէկն էր, օրինակ, այն Յովսէփը որ առաքեալներուն կողմէ կոչուեցաւ Բառնաբաս, որ կը նշանակէ՝ մէկը որ կը քաջալերէ։ Ասիկա Կիպրոս ծնած Ղեւտացի մըն էր,

ՀՌՈՎՄԱՅԵՑԻՍ 1:5

Ա՛ն էր որ ինծի առաքեալ ըլլալու շնորհքը տուաւ, որպէսզի իր անունին հաւատալու եւ հնազանդելու հրաւիրեմ բոլոր ազգերը,

ՀՌՈՎՄԱՅԵՑԻՍ 12:3

Ինծի տրուած Աստուծոյ շնորհքով հետեւեալ պատուէրը կու տամ իւրաքանչիւրիդ.– Մեծամիտ մի՛ ըլլաք. ընդհակառակը, միշտ համեստ եղէք եւ միայն Աստուծմէ ձեզի տրուած հաւատքին չափով գնահատեցէք դուք ձեզ։

ՀՌՈՎՄԱՅԵՑԻՍ 15:15

Բայց նամակիս մէջ որոշ տեղեր շատ խիստ եղայ ձեզի հանդէպ՝ կարգ մը բաներ վերյիշեցնելու համար ձեզի։ Աստուած ինծի իր շնորհքը տուաւ,

ԱՌԱՋԻՆ ԿՈՐՆԹԱՑԻՍ 15:10

Բայց հիմա ինչ որ եմ՝ Աստուծոյ շնորհքին կը պարտիմ. եւ կրնամ ըսել՝ թէ Աստուծոյ ինծի տուած շնորհքը ապարդիւն չեղաւ, որովհետեւ բոլոր առաքեալներէն աւելի ե՛ս աշխատեցայ, թէպէտ ինչ որ ըրի՝ ես չըրի, այլ իմ մէջս գործող Աստուծոյ շնորհքը։

ԵՐԿՐՈՐԴ ԿՈՐՆԹԱՑԻՍ 11:5

Չեմ գիտեր թէ ես ձեր այդ նշանաւոր “առաքեալ” ներէն բանով մը ետ կը մնա՞մ։

ԵՐԿՐՈՐԴ ԿՈՐՆԹԱՑԻՍ 12:11

Իրաւ որ անմիտ եղայ պարծենալով. բայց դո՛ւք ստիպեցիք զիս։ Դուք էր որ պէտք էր վկայէիք՝ թէ ես ոեւէ բանով ետ չեմ մնար ձեր այդ նշանաւոր “առաքեալ” ներէն, թէպէտեւ ոչինչ եմ։

ԵՐԿՐՈՐԴ ԿՈՐՆԹԱՑԻՍ 8:4

Թախանձագին կ՚աղաչէին, որ շնորհք ընենք եւ ընդունինք Երուսաղէմի եղբայրներուն ղրկուելիք օգնութեան իրենց բաժինը։

ԳԱՂԱՏԱՑԻՍ 1:16

երբ կամեցաւ իր Որդին յայտնել ինծի՝ որպէսզի բոլոր ազգերուն քարոզեմ, չաճապարեցի ոեւէ մէկուն խորհուրդը ուզելու,

ԳԱՂԱՏԱՑԻՍ 1:18

Ապա երեք տարիներ ետք Երուսաղէմ գացի Պետրոսը տեսնելու համար, եւ տասնըհինգ օր իր քով մնացի։

ԳԱՂԱՏԱՑԻՍ 2:1

Այնուհետեւ, տասնըչորս տարիետքկրկին Երուսաղէմ գացի Բառնաբասին հետ, Տիտոսն ալ միասին առնելով։

ԳԱՂԱՏԱՑԻՍ 2:2

Գացի, որովհետեւ Աստուած յայտնեց որ երթամ։ Այնտեղ, Երուսաղէմի եկեղեցիին զեկոյց տուի հեթանոսներուն մէջ կատարած քարոզութեանս մասին։ Առանձնաբար զեկոյց տուի նաեւ եկեղեցւոյ ղեկավարներուն, որպէսզի զուր տեղը աշխատած չըլլամ եւ չաշխատիմ։

ԳԱՂԱՏԱՑԻՍ 6:3

Որովհետեւ ով որ կը խորհի թէ ուրիշներէն տարբեր է՝ այնպիսին ինքզինք կը խաբէ, որովհետեւ բնաւ ալ տարբեր չէ։

ԵՓԵՍԱՑԻՍ 2:20

Մասերն էք այն մեծ կառոյցին, որուն հիմը առաքեալներն ու մարգարէներն են, եւ որուն անկիւնաքարը ինք՝ Քրիստոս Յիսուս է։

ԵՓԵՍԱՑԻՍ 3:8

Այո՛, ինծի՝ որ Աստուծոյ ժողովուրդին մէջ յետիններուն յետինն եմ՝ Աստուած այս շնորհքը տուաւ, որպէսզի բոլոր ազգերուն աւետիս տամ՝ թէ ի՛նչպիսի աներեւակայելի գանձ մըն է Քրիստոս,

ԿՈՂՈՍԱՑԻՍ 1:29

Ատոր համար է որ կ՚աշխատիմ ու կը պայքարիմ, այն ոյժովը՝ որ իմ մէջս կը գործէ զօրեղապէս։

ԱՌԱՋԻՆ ՏԻՄՈԹԷՈՍ 3:15

որպէսզի, եթէ ուշանամ, գիտնաս թէ ի՛նչպէս պէտք է շարժիս Աստուծոյ ընտանիքին մէջ, այսինքն՝ կենդանի Աստուծոյ եկեղեցիին մէջ, որ ճշմարտութեան սիւնը եւ խարիսխն է։

ԱՌԱՋԻՆ ՅՈՎՀԱՆՆՈՒ 1:3

Ինչ որ տեսանք ու լսեցինք՝ կը պատմենք ձեզի, որպէսզի դո՛ւք ալ մասնակից դառնաք այն հաղորդակցութեան որ մենք ունինք Հօրը եւ անոր Որդիին՝ Յիսուս Քրիստոսի հետ,

ՅԱՅՏՆՈՒԹԻՒՆ 3:12

Ով որ յաղթանակէ՝ զայն սիւներէն մէկը պիտի ընեմ իմ Աստուծոյս տաճարին, ուրկէ այլեւս դուրս պիտի չելլէ։ Անոր վրայ պիտի գրեմ իմ Աստուծոյս անունը, ինչպէս նաեւ իմ Աստուծոյս քաղաքին անունը, այսինքն՝ Նոր Երուսաղէմ, որ երկինքէն՝ իմ Աստուծոյս մօտէն պիտի իջնէ։ Եւ անոր վրայ պիտի գրեմ նաեւ իմ նոր անունս»։