ԳԱՂԱՏԱՑԻՍ 2:8 - Western Armenian New Translation - Armenian Catholicosate of Cilicia - New Testament

⁸ որովհետեւ Աստուած ինչպէս Պետրոսի առաքելութիւնը յաջողցուց Հրեաներուն մէջ, նոյնպէս ալ իմ առաքելութիւնս յաջողցուց հեթանոսներուն մէջ–,

Արեւմտահայերէն Նոր Կտակարան հարմարցուած․ 2017

⁸ (վասն զի ան որ Պետրոսին յաջողութիւն տուաւ թլփատուածներուն առաքելութիւն ընելու, ինծի ալ՝ հեթանոսներունը),

Western Armenian Bible 1853

⁸ (Վասն զի ան որ Պետրոսին յաջողութիւն տուաւ թլփատուածներուն առաքելութիւն ընելու, ինծի ալ՝ հեթանոսներունը,)

ԳԱՂԱՏԱՑԻՍ 2:8 Iomraidhean Croise

ԳՈՐԾՔ ԱՌԱՔԵԼՈՑ 1:25

առաքելական այս պաշտօնին համար, որմէ Յուդա ինկաւ՝ իրեն սահմանուած տեղը երթալու համար։

ԳՈՐԾՔ ԱՌԱՔԵԼՈՑ 1:8

Բայց երբ Սուրբ Հոգին իջնէ ձեր վրայ, զօրութեամբ պիտի լեցուիք եւ իմ վկաներս պիտի ըլլաք՝ Երուսաղէմի, ամբողջ Հրէաստանի եւ Սամարիայի մէջ, եւ մինչեւ աշխարհի ծայրամասերը։

ԳՈՐԾՔ ԱՌԱՔԵԼՈՑ 15:12

Ամբողջ բազմութիւնը լռեց, եւ սկսան մտիկ ընել Բառնաբասին ու Պօղոսին, որոնք կը պատմէին թէ Աստուած ի՛նչ նշաններ ու հրաշքներ կատարեցիրենց ձեռքով։

ԳՈՐԾՔ ԱՌԱՔԵԼՈՑ 19:26

Եւ կը տեսնէք ու կը լսէք, թէ այդ Պօղոսը ո՛չ միայն Եփեսոսի, այլ գրեթէ ամբողջ Ասիա նահանգին մէջ մեծ բազմութիւն մը համոզելով մոլորեցուց, ըսելով՝ թէ «Ձեռքով շինուած աստուածները աստուած չեն»։

ԳՈՐԾՔ ԱՌԱՔԵԼՈՑ 21:19

Պօղոս զանոնք ողջունելէ ետք սկսաւ մէկ առ մէկ պատմել այն՝ ինչ որ Աստուած հեթանոսներուն մէջ իրականացուց իր գործակցութեամբ։

ԳՈՐԾՔ ԱՌԱՔԵԼՈՑ 22:21

Բայց Տէրը ինծի ըսաւ. «Գնա՛, որովհետեւ ես քեզ հեռաւոր ազգերուն պիտի ղրկեմ»։

ԳՈՐԾՔ ԱՌԱՔԵԼՈՑ 4:4

Բայց առաքեալներու քարոզութիւնը լսողներէն շատեր հաւատացին, որով հաւատացեալներու թիւը շուրջ հինգ հազարի հասաւ։

ԳՈՐԾՔ ԱՌԱՔԵԼՈՑ 8:17

Այն ատեն Պետրոս եւ Յովհաննէս իրենց ձեռքերը դրին անոնց գլխուն եւ անոնք Սուրբ Հոգին ստացան։

ԳՈՐԾՔ ԱՌԱՔԵԼՈՑ 9:15

Տէրը ըսաւ անոր. –Դուն գնա՛, որովհետեւ ես զայն իբրեւ գործիք ընտրեր եմ, որպէսզի իմ անունս ճանչցնէ հեթանոսներուն, թագաւորներու եւ Իսրայէլի զաւակներուն։

ԱՌԱՋԻՆ ԿՈՐՆԹԱՑԻՍ 15:10

Բայց հիմա ինչ որ եմ՝ Աստուծոյ շնորհքին կը պարտիմ. եւ կրնամ ըսել՝ թէ Աստուծոյ ինծի տուած շնորհքը ապարդիւն չեղաւ, որովհետեւ բոլոր առաքեալներէն աւելի ե՛ս աշխատեցայ, թէպէտ ինչ որ ըրի՝ ես չըրի, այլ իմ մէջս գործող Աստուծոյ շնորհքը։

ԱՌԱՋԻՆ ԿՈՐՆԹԱՑԻՍ 9:2

Նոյնիսկ եթէ ուրիշներուն համար առաքեալ չեմ, բայց եւ այնպէս ձեզի համար՝ եմ. եւ իմ առաքելութեանս կնիքը դո՛ւք էք, որ Տիրոջ կը պատկանիք։

ԳԱՂԱՏԱՑԻՍ 3:5

Աստուած ձեզի Սուրբ Հոգին շնորհեց եւ ձեր մէջ հրաշքներ գործեց՝ Օրէ՞նքը գործադրելնուդ համար, թէ Աւետարանի պատգամին հաւատալնուդ համար։

ԿՈՂՈՍԱՑԻՍ 1:29

Ատոր համար է որ կ՚աշխատիմ ու կը պայքարիմ, այն ոյժովը՝ որ իմ մէջս կը գործէ զօրեղապէս։

ԱՌԱՋԻՆ ԹԵՍԱՂՈՆԻԿԵՑԻՍ 2:13

Մենք անդադար Աստուծոյ շնորհակալութիւն կը յայտնենք նաեւ անոր համար, որ դուք հազիւ Աստուծոյ խօսքին քարոզութիւնը մեզմէ լսած՝ ընդունեցիք զայն, ո՛չ իբրեւ մարդկային պատգամ, այլ՝ իբրեւ Աստուծոյ պատգամը, որովհետեւ ճշմարտապէս ալ Աստուծոյ պատգամն է, եւ իբրեւ այդպիսին կը ներգործէ հաւատացեալներուդ մէջ։