ԳԱՂԱՏԱՑԻՍ 2:7 - Western Armenian New Translation - Armenian Catholicosate of Cilicia - New Testament

⁷ Ընդհակառակը, երբ տեսան թէ Աստուած ինծի վստահած է հեթանոսներու քարոզութիւնը, ինչպէս Պետրոսի յանձնած էր Հրեաներու քարոզութիւնը –

Արեւմտահայերէն Նոր Կտակարան հարմարցուած․ 2017

⁷ Հապա անոր հակառակը՝ երբ տեսան թէ անթլփատներուն աւետարանը ինծի յանձնուած է, ինչպէս Պետրոսին ալ՝ թլփատուածներունը,

Western Armenian Bible 1853

⁷ Հապա անոր հակառակը՝ երբ տեսան թէ անթլփատներուն աւետարանը ինծի յանձնուած է, ինչպէս Պետրոսին ալ՝ թլփատուածներունը,

ԳԱՂԱՏԱՑԻՍ 2:7 Iomraidhean Croise

ԳՈՐԾՔ ԱՌԱՔԵԼՈՑ 15:12

Ամբողջ բազմութիւնը լռեց, եւ սկսան մտիկ ընել Բառնաբասին ու Պօղոսին, որոնք կը պատմէին թէ Աստուած ի՛նչ նշաններ ու հրաշքներ կատարեցիրենց ձեռքով։

ԳՈՐԾՔ ԱՌԱՔԵԼՈՑ 18:6

Եւ երբ անոնք հակառակեցան եւ հայհոյեցին իրեն, Պօղոս իր հագուստները թօթուելով ըսաւ. –Ձեր արիւնը՝ ձեր գլուխը, ա՛լ ես յանցաւոր չեմ։ Ասկէ ետք հեթանոսներուն պիտի երթամ։

ԳՈՐԾՔ ԱՌԱՔԵԼՈՑ 28:28

Հետեւաբար,– եզրակացուց Պօղոս,– կ՚ուզեմ որ գիտնաք, թէ Աստուած այժմ փրկութեան այս պատգամը հեթանոսներուն կը ղրկէ, եւ անոնք պիտի լսեն։

ԳՈՐԾՔ ԱՌԱՔԵԼՈՑ 9:15

Տէրը ըսաւ անոր. –Դուն գնա՛, որովհետեւ ես զայն իբրեւ գործիք ընտրեր եմ, որպէսզի իմ անունս ճանչցնէ հեթանոսներուն, թագաւորներու եւ Իսրայէլի զաւակներուն։

ՀՌՈՎՄԱՅԵՑԻՍ 1:5

Ա՛ն էր որ ինծի առաքեալ ըլլալու շնորհքը տուաւ, որպէսզի իր անունին հաւատալու եւ հնազանդելու հրաւիրեմ բոլոր ազգերը,

ՀՌՈՎՄԱՅԵՑԻՍ 11:13

Բայց ձեզի՝ հեթանոսներուդ կ՚ըսեմ.– Հեթանոսներուն առաքեալ ըլլալու իմ պաշտօնովս կը պարծենամ,

ԱՌԱՋԻՆ ԿՈՐՆԹԱՑԻՍ 9:17

Եթէ ազատ կամքովս ընէի այս քարոզութիւնը, վարձատրութիւն պիտի ակնկալէի. բայց իմ կամքովս չէ որ կ՚ընեմ, քանի Աստուծմէ ինծի յանձնուած պարտականութիւն մըն է։

ԳԱՂԱՏԱՑԻՍ 1:16

երբ կամեցաւ իր Որդին յայտնել ինծի՝ որպէսզի բոլոր ազգերուն քարոզեմ, չաճապարեցի ոեւէ մէկուն խորհուրդը ուզելու,

ԳԱՂԱՏԱՑԻՍ 1:18

Ապա երեք տարիներ ետք Երուսաղէմ գացի Պետրոսը տեսնելու համար, եւ տասնըհինգ օր իր քով մնացի։

ԳԱՂԱՏԱՑԻՍ 1:6

Շատ կը զարմանամ, որ այդպէս շուտով կը լքէք Աստուծոյ Աւետարանը, որ ձեզ Քրիստոսի շնորհքին հրաւիրեց, եւ այլափոխուած աւետարանի մը ականջ կու տաք։

ԳԱՂԱՏԱՑԻՍ 2:11

Եւ երբ Կեփաս Անտիոք եկաւ եւ մեղադրելի ընթացքի մէջ էր, իրեն դէմ կեցայ։

ԳԱՂԱՏԱՑԻՍ 2:14

Երբ տեսայ թէ Աւետարանի ճշմարտութեան ուղիղ ճամբուն մէջ չեն, բոլորին ներկայութեան ըսի Կեփասին. «Եթէ դուն Հրեայ ըլլալով հանդերձ ազատ կը զգաս հեթանոսներուն պէս ապրելու, փոխանակ Հրեայի մը պէս ապրելու, ի՞նչպէս կը ստիպես որ հեթանոսները Հրեայի պէս ապրին»։

ԳԱՂԱՏԱՑԻՍ 2:9

այն ատեն՝ Յակոբոս, Կեփաս եւ Յովհաննէս, որոնք եկեղեցւոյ սիւները կը համարուէին, ճանչցան Աստուծմէ ինծի տրուած շնորհքը, իմ եւ Բառնաբասի ձեռքը թօթուելով հաւանութիւն տուին որ մենք հեթանոսներուն մէջ աշխատինք, իսկ իրենք՝ Հրեաներուն։

ԱՌԱՋԻՆ ԹԵՍԱՂՈՆԻԿԵՑԻՍ 2:4

Այլ խօսեցանք այնպէս՝ ինչպէս Աստուած կ՚ուզէ, որովհետեւ Աստուած փորձեց մեզ եւ իր Աւետարանը մեզի վստահեցաւ։ Կը խօսինք՝ ո՛չ թէ մարդոց հաճելի ըլլալու համար, այլ՝ Աստուծոյ, որ մեր սրտին խորհուրդները կը քննէ։

ԱՌԱՋԻՆ ՏԻՄՈԹԷՈՍ 1:11

պատուէրներու, որոնք համաձայն են երանելի Աստուծոյ փառքը պատմող Աւետարանին, որ ես հաւատարմօրէն քարոզեցի։

ԱՌԱՋԻՆ ՏԻՄՈԹԷՈՍ 2:7

եւ նոյն այդ վկայութիւնը տալու համար է որ ես ալ քարոզիչ եւ առաքեալ կարգուեցայ, քրիստոնէական հաւատքը եւ ճշմարտութիւնը սորվեցնելու համար բոլոր հեթանոսներուն։ Եւ Քրիստոս ինք վկայ է՝ թէ ճշմարտութիւնը կ՚ըսեմ, առանց ստելու։

ԵՐԿՐՈՐԴ ՏԻՄՈԹԷՈՍ 1:11

Աստուած զիս առաքեալ եւ հեթանոսներուն ուսուցիչ կարգեց, որպէսզի այդ աւետիսը տամ անոնց.

ԵՐԿՐՈՐԴ ՊԵՏՐՈՍԻ 3:15

Եւ Տիրոջ համբերատարութիւնը փրկութիւն համարեցէք ձեզի համար, ինչպէս մեր սիրելի եղբայրը՝ Պօղոս ալ գրեց ձեզի, Աստուծմէ իրեն շնորհուած իմաստութեամբ։