ԵՓԵՍԱՑԻՍ 6:19 - Western Armenian New Translation - Armenian Catholicosate of Cilicia - New Testament

¹⁹ Աղօթեցէք նաեւ ինծի համար, որպէսզի Աստուած օգնէ ինծի՝ իր խօսքը տալով, եւ կարենամ համարձակօրէն պարզել Աւետարանին ծածուկ խորհուրդը։

Արեւմտահայերէն Նոր Կտակարան հարմարցուած․ 2017

¹⁹ ինծի համար ալ, որպէս զի ինծի խօսք տրուի, որ բերանս բանամ համարձակութեամբ աւետարանին խորհուրդը յայտնելու.

Western Armenian Bible 1853

¹⁹ Ինծի համար ալ, որպէս զի ինծի խօսք տրուի, որ բերանս բանամ համարձակութեամբ աւետարանին խորհուրդը յայտնելու.

ԵՓԵՍԱՑԻՍ 6:19 Iomraidhean Croise

ԳՈՐԾՔ ԱՌԱՔԵԼՈՑ 13:46

Ասոր վրայ, Պօղոս եւ Բառնաբաս համարձակօրէն յայտարարեցին. –Պէտք էր նախ ձեզի քարոզէինք Աստուծոյ խօսքը. բայց քանի կը մերժէք զայն եւ դուք ձեզ յաւիտենական կեանքին արժանի չէք համարեր, ահա մենք հեթանոսներուն կը դառնանք։

ԳՈՐԾՔ ԱՌԱՔԵԼՈՑ 14:3

Այսուհանդերձ առաքեալները բաւական ատեն մնացին այնտեղ։ Համարձակութեամբ կը քարոզէին՝ վստահելով Տիրոջ, որ իր շնորհքին քարոզութեան վկայութիւն կու տար՝ անոնց ձեռքով նշաններ ու հրաշքներ կատարելով։

ԳՈՐԾՔ ԱՌԱՔԵԼՈՑ 18:26

Անիկա սկսաւ համարձակ կերպով խօսիլ ժողովարանին մէջ։ Երբ Ակիլաս եւ Պրիսկիլա լսեցին իր քարոզութիւնը, զայն իրենց քով առին եւ աւելի ճիշդ ձեւով իրեն պարզեցին Աստուծոյ ճամբան։

ԳՈՐԾՔ ԱՌԱՔԵԼՈՑ 19:8

Պօղոս ժողովարան մտնելով՝ երեք ամիս համարձակօրէն Աստուծոյ արքայութեան մասին կը խօսէր անոնց եւ կը փորձէր համոզել։

ԳՈՐԾՔ ԱՌԱՔԵԼՈՑ 2:4

Բոլոր ներկաները Սուրբ Հոգիով լեցուեցան եւ սկսան տարբեր լեզուներովխօսիլ, ինչպէս որ Հոգին խօսիլ կու տար։

ԳՈՐԾՔ ԱՌԱՔԵԼՈՑ 28:31

Առանց ոեւէ արգելքի, ամենայն համարձակութեամբ Աստուծոյ արքայութիւնը կը քարոզէր եւ կը սովեցնէր Տէր Յիսուս Քրիստոսի մասին։

ԳՈՐԾՔ ԱՌԱՔԵԼՈՑ 4:13

Ատեանի անդամները Պետրոսի եւ Յովհաննէսի համարձակութիւնը տեսնելով, եւ հասկնալով՝ թէ պարզ եւ անուս մարդիկ են, կը զարմանային։ Եւ համոզուեցան թէ Յիսուսի ընկերակիցներէն էին։

ԳՈՐԾՔ ԱՌԱՔԵԼՈՑ 4:29

Արդ, Տէ՛ր, տե՛ս անոնց ըրած սպառնալիքները, եւ քաջութիւն տուր քու ծառաներուդ, որպէսզի ազատ համարձակ քարոզեն քու խօսքդ։

ԳՈՐԾՔ ԱՌԱՔԵԼՈՑ 4:31

Երբ անոնք աղօթեցին, հաւաքատեղին շարժեցաւ. բոլորը Սուրբ Հոգիով լեցուեցան եւ սկսան համարձակ կերպով Աստուծոյ խօսքը քարոզել։

ԳՈՐԾՔ ԱՌԱՔԵԼՈՑ 9:27

Սակայն Բառնաբաս առաւ Սօղոսը, առաքեալներուն տարաւ եւ անոնց պատմեց՝ թէ ի՛նչպէս Սօղոս ճամբուն վրայ Տէրը տեսած եւ անոր հետ խօսած է, եւ թէ ի՛նչպէս Յիսուսի անունով համարձակօրէն քարոզած է Դամասկոսի մէջ։

ԳՈՐԾՔ ԱՌԱՔԵԼՈՑ 9:29

Կը խօսէր ու կը վիճէր յատկապէս յունախօս Հրեաներուն հետ, որոնք զինք սպաննելու ձեւ մը կը խորհէին։

ՀՌՈՎՄԱՅԵՑԻՍ 15:30

Եղբայրնե՛ր, մեր Տիրոջմով՝ Յիսուս Քրիստոսով եւ Սուրբ Հոգիին պարգեւած սիրովը կ՚աղաչեմ, որ ինծի համար Աստուծոյ աղօթելով պատերազմակից ըլլաք ինծի,

ՀՌՈՎՄԱՅԵՑԻՍ 16:25

Փա՜ռք տանք Աստուծոյ, որ կրնայ ձեզ ձեր հաւատքին մէջ հաստատուն պահել այն Աւետարանով՝ որ ձեզի բերի Յիսուս Քրիստոսը քարոզելով։ Այդ Աւետարանը յայտնութիւնն է Աստուծոյ փրկութեան ծրագիրին, որ անցեալ բոլոր ժամանակներուն մէջ ծածուկ մնացած էր։

ԱՌԱՋԻՆ ԿՈՐՆԹԱՑԻՍ 1:5

որովհետեւ ամէն բանի մէջ հարստացաք իրմով, ըլլա՛յ խօսքի առատութեամբ, ըլլա՛յ գիտութեան։

ԱՌԱՋԻՆ ԿՈՐՆԹԱՑԻՍ 2:7

Մեր քարոզածը Աստուծոյ իմաստութիւնն է, որ թաքուն էր եւ մեզմէ ծածկուած կը մնար մինչեւ հիմա, բայց որ Աստուած սկիզբէն իսկ, յաւիտեաններէն առաջ մեզի տալ սահմանած էր, որպէսզի անով մենք փառաւորուինք։

ԱՌԱՋԻՆ ԿՈՐՆԹԱՑԻՍ 4:1

Հետեւաբար՝ պէտք է մեզ նկատէք Քրիստոսի սպասաւորները, իբրեւ մարդիկ՝ որոնց յանձնուած է Աստուծոյ ծածուկ ծրագիրին վերակացութիւնը։

ԵՐԿՐՈՐԴ ԿՈՐՆԹԱՑԻՍ 1:11

մեզի համար ձեր կատարած աղօթքներուն օգնութեամբ։ Եւ ձեր աղօթքները, որոնց շնորհիւ Աստուած իր հովանին անպակաս պիտի ընէ մեր վրայէն, պատճառ պիտի ըլլան որ շատեր մեզի համար գոհութիւն տան Աստուծոյ։

ԵՐԿՐՈՐԴ ԿՈՐՆԹԱՑԻՍ 3:12

Արդ, որովհետեւ մենք այսպիսի յոյս մը ունինք, բաց երեսով կը խօսինք ձեզի հետ,

ԵՐԿՐՈՐԴ ԿՈՐՆԹԱՑԻՍ 6:11

Ահա, սիրելի՛ Կորնթացիներ, ամէն ինչ բաց եւ անկեղծ սրտով ըսի ձեզի։

ԵՐԿՐՈՐԴ ԿՈՐՆԹԱՑԻՍ 7:4

Մեծ վստահութիւն ունիմ ձեր վրայ. մեծապէս հպարտ եմ ձեզմով։ Մեր կրած բոլոր նեղութեանց մէջ ինքզինքս մեծապէս մխիթարուած եւ անսահմանօրէն ուրախ կը զգամ։

ԵՐԿՐՈՐԴ ԿՈՐՆԹԱՑԻՍ 8:7

Դուք ամէն բանով գերազանց էք ուրիշներէն.– հաւատքով, Աստուծոյ խօսքին քարոզութեամբ, գիտութեամբ, փութաջանութեամբ եւ մեզի հանդէպ ձեր ցուցաբերած սիրով։ Կ՚ուզենք որ այս աստուածահաճոյ գործին մէջ եւս գերազանցըլլաք։

ԵՓԵՍԱՑԻՍ 1:9

Որովհետեւ իր կամքին համաձայն մեզի յայտնեց շատ կանուխէն պատրաստած իր ծրագիրը, որ Քրիստոսով պիտի իրագործուի։

ԵՓԵՍԱՑԻՍ 3:9

եւ լուսաւորեմ բոլորը, որպէսզի տեսնեն թէ ի՛նչպէս Աստուած կ՚իրագործէ իր ծրագիրը։ Ան, ամբողջ տիեզերքի արարիչը, անցեալ բոլոր ժամանակներուն ծածուկ պահեց այս ծրագիրը,

ԿՈՂՈՍԱՑԻՍ 2:2

Ասիկա կ՚ըսեմ՝ որպէսզի անոնց սիրտերը մխիթարուին ու սիրով շաղկապուին, եւ ամբողջական հասկացողութեամբ կատարեալ համոզումի հասնին, ճանչնալով Հօր Աստուծոյ ծրագիրը՝ Քրիստոս Յիսուսով յայտնուած։

ԿՈՂՈՍԱՑԻՍ 4:3

Միեւնոյն ատեն աղօթեցէք նաեւ մեզի համար, որպէսզի Աստուած իր խօսքը քարոզե— լու լայն պատեհութիւն տայ մեզի, եւ կարենանք պարզել Քրիստոսի ծածուկ ծրագիրը, որուն համար բանտը կը գտնուիմ։

ԱՌԱՋԻՆ ԹԵՍԱՂՈՆԻԿԵՑԻՍ 2:2

Այլ, ինչպէս գիտէք, Փիլիպպէի մէջ խոշտանգուելէ եւ անարգուելէ ետք՝ Աստուծմով քաջութիւնը ունեցանք ձեզի գալու եւ Աստուծոյ Աւետարանը քարոզելու, հակառակ այն բուռն ընդդիմութեան՝ որուն հանդիպեցանք։

ԱՌԱՋԻՆ ԹԵՍԱՂՈՆԻԿԵՑԻՍ 5:25

Եղբայրնե՛ր, մեզի համար ալ աղօթեցէք։

ԵՐԿՐՈՐԴ ԹԵՍԱՂՈՆԻԿԵՑԻՍ 3:1

Ի վերջոյ, եղբայրներ, աղօթեցէ՛ք մեզի համար, որպէսզի Տիրոջ խօսքին տարածման գործը արագ ընթանայ եւ ամէն տեղ փառաւոր արդիւնքի հասնի, ինչպէս ձեր մօտ եղաւ։

ԱՌԱՋԻՆ ՏԻՄՈԹԷՈՍ 3:16

Եւ անհերքելիօրէն մեծ է աստուածպաշտութեան խորհուրդը, որովհետեւ Աստուած մարմինով երեւցաւ, եւ հոգիով արդարացաւ, հրեշտակներուն յայտնուեցաւ, ազգերուն մէջ քարոզուեցաւ, աշխարհի մէջ հաւատացուեցաւ, փառքով երկինք բարձրացուեցաւ։

ՓԻԼԻՄՈՆ 1:22

Միեւնոյն ատեն ինծի ալ տեղ պատրաստէ, որովհետեւ յոյս ունիմ որ Աստուած ձեր աղօթքներուն շնորհիւ զիս դարձեալ կը պարգեւէ ձեզի։

ԵԲՐԱՅԵՑԻՍ 13:18

Աղօթեցէ՛ք մեզի համար, որովհետեւ համոզուած ենք թէ մեր խիղճը մաքուր է, եւ կ՚ուզենք ամէն բանի մէջ ուղիղը գործել։