ԵՓԵՍԱՑԻՍ 5:3 - Western Armenian New Translation - Armenian Catholicosate of Cilicia - New Testament

³ Պոռնկութեան, ոեւէ պղծութեան կամ ագահութեան խօսքն իսկ թող չըլլայ ձեր մէջ, որովհետեւ այդպէ՛ս կը վայելէ Աստուծոյ ժողովուրդին։

Արեւմտահայերէն Նոր Կտակարան հարմարցուած․ 2017

³ Բայց պոռնկութեան եւ ամէն կերպ պղծութեան կամ ագահութեան անունը անգամ պէտք չէ յիշուի ձեր մէջ, (ինչպէս կը վայլէ սուրբերուն),

Western Armenian Bible 1853

³ Բայց պոռնկութեան եւ ամէն կերպ պղծութեան կամ ագահութեան անունը անգամ պէտք չէ յիշուի ձեր մէջ, (ինչպէս կը վայլէ սուրբերուն,)

ԵՓԵՍԱՑԻՍ 5:3 Iomraidhean Croise

ՄԱՏԹԷՈՍ 15:19

Որովհետեւ մարդուս սիրտէն է որ կ՚ելլեն չար մտածումները՝ սպանութիւն, շնութիւն, պոռնկութիւն, գողութիւն, սուտ վկայութիւն, հայհոյութիւն։

ՂՈԻԿԱՍ 12:15

Ապա դառնալով ժողովուրդին, շարունակեց. – Նայեցէք եւ զգուշացէ՛ք ագահութեան բոլոր տեսակներէն, որովհետեւ մարդու մը կեանքը կախեալ չէ՛ իր ամբարած հարստութենէն։

ՂՈԻԿԱՍ 16:14

Փարիսեցիները, որոնք դրամասէր էին, երբ այս բոլորը լսեցին, սկսան հեգնել զինք։

ԳՈՐԾՔ ԱՌԱՔԵԼՈՑ 15:20

այլ միայն գրել անոնց՝ որ ամբողջութեամբ հեռու մնան կուռքերու ընծայուած պիղծ կերակուրներէն, պոռնկութենէ, խեղդուած կենդանիներու միսէն եւ արիւնէ:

ԳՈՐԾՔ ԱՌԱՔԵԼՈՑ 20:33

Ոեւէ մէկուն արծաթին, ոսկիին կամ հագուստին չցանկացի։

ՀՌՈՎՄԱՅԵՑԻՍ 1:29

այսինքն՝ լեցուին ամէն տեսակ անիրաւութեամբ, պոռնկութեամբ, անզգամութեամբ, ագահութեամբ, չարութեամբ, եւ ըլլան նախանձոտ, սպանող, հակառակասէր, նենգ, չարաբարոյ, բամբասող,

ՀՌՈՎՄԱՅԵՑԻՍ 16:2

որպէսզի Տիրոջ անունով ընդունիք զայն՝ ինչպէս որ հաւատացեալներուն կը վայելէ, եւ տէր ըլլաք իրեն՝ երբ ոեւէ բանի պէտք ունենալով դիմէ ձեզի. որովհետեւ ինքն ալ շատերուն տէր եղաւ եւ ամենէն աւելի՝ ինծի։

ՀՌՈՎՄԱՅԵՑԻՍ 6:13

Մեղքին անձնատուր մի՛ ըլլաք, ձեր անդամները անիրաւութեան գործիք դարձնելով, այլ՝ որպէս մահուընէ կեանքի եկած մարդիկ՝ դուք ձեզ Աստուծոյ յանձնեցէք եւ ձեր մարմինները Աստուծոյ ձեռքին մէջ արդարութեան գործիք դարձուցէք։

ԱՌԱՋԻՆ ԿՈՐՆԹԱՑԻՍ 10:8

Չըլլա՛յ նաեւ որ պոռնկութիւն ընենք, ինչպէս անոնցմէ ոմանք ըրին, որուն համար ալ մէկ օրուան մէջ քսանչորս հազար հոգիներ ինկան մեռան։

ԱՌԱՋԻՆ ԿՈՐՆԹԱՑԻՍ 5:1

Լսեցիձերմէջ տեղիունեցած անբարոյութեան մը մասին. եւ այնպիսի անբարոյութիւն մը՝ որ նոյնիսկ հեթանոսներուն մօտ դատապարտուած է։ Լսեցի արդարեւ, թէ մարդուն մէկը իր հօրը կնոջ հետ կը կենակցի։

ԱՌԱՋԻՆ ԿՈՐՆԹԱՑԻՍ 6:13

Կերակուրը ստամոքսին համար եղած է եւ ստամոքսը՝ կերակուրին. սակայն Աստուած թէ՛ մէկը եւ թէ՛ միւսը պիտի խափանէ։ Բայց նոյնը չէ մարմինին պարագան։ Մարմինը պոռնկութեան համար չէ, այլ՝ Տիրոջ համար, եւ Տէրը՝ մարմինին։

ԱՌԱՋԻՆ ԿՈՐՆԹԱՑԻՍ 6:18

Հետեւաբար պոռնկութենէ հեռո՛ւ փախէք։ Բոլոր միւս մեղքերը որ մարդ կը գործէ, իր մարմինին հետ կապ չունին. բայց պոռնկութիւն ընողը իր մարմինին դէմ կը մեղանչէ։

ԵՐԿՐՈՐԴ ԿՈՐՆԹԱՑԻՍ 12:21

Այո՛, կը վախնամ որ երբ վերստին ձեզի գամ՝ իմ Աստուածս զիս նուաստացնէ ձեր առջեւ եւ ես սուգ ընեմ այն բոլորին վրայ՝ որոնք մեղքի մէջ ինկած են եւ կը մերժեն հրաժարիլ իրենց գործած պղծութիւններէն՝ պոռնկութիւններէն եւ անբարոյութիւններէն։

ԵՓԵՍԱՑԻՍ 5:12

որովհետեւ մութին մէջ կը գործուին անոնց արարքները, որոնց մասին խօսիլն իսկ ամօթ է։

ԵՓԵՍԱՑԻՍ 5:5

Մէկ բան վստահ գիտցէք, թէ ոեւէ մէկը որ պոռնկութիւն կ՚ընէ, պղծասէր է կամ ագահ – ինչ որ կռապաշտութիւն է – ժառանգութիւն պիտի չունենա՛յ Քրիստոսի եւ Աստուծոյ արքայութեան մէջ։

ՓԻԼԻՊՊԵՑԻՍ 1:27

Արդ, նայեցէք որ Քրիստոսի Աւետարանին վայել ձեւով ապրիք. որպէսզի, եթէ կարենամ գալ՝ անձամբ տեսնեմ, իսկ եթէ չկարենամ գալ՝ ձեր մասին իմանամ, թէ հաստատուն կը մնաք, մէկ շունչ մէկ հոգի, եւ միասնաբար կը պայքարիք Աւետարանի հաւատքին համար։

ԿՈՂՈՍԱՑԻՍ 3:5

Հետեւաբարմեռցուցէ՛քձերմէջ երկրաւորցանկութիւնները, այսինքն՝ ձեզմէ դուրս վանեցէք պոռնկութիւնը, պղծութիւնը, կիրքը, չար ցանկութիւնը եւ ագահութիւնը, ինչ որ կռապաշտութիւն է.

ԱՌԱՋԻՆ ԹԵՍԱՂՈՆԻԿԵՑԻՍ 4:3

որովհետեւ Աստուծոյ կամքն է՝ որ դուք սրբուիք եւ ամենեւին հեռու մնաք պոռնկութենէ։

ԱՌԱՋԻՆ ԹԵՍԱՂՈՆԻԿԵՑԻՍ 4:7

Միթէ Աստուած մեր պղծալից կեանքը շարունակելո՞ւ հրաւիրեց մեզ, թէ՝ սրբութեամբ ապրելու։ Անշուշտ թէ սրբութեամբ ապրելու։

ԱՌԱՋԻՆ ՏԻՄՈԹԷՈՍ 2:10

այլ՝ բարի գործերով, ինչպէս որ աստուածպաշտութեամբ ապրիլ յանձն առած կիներուն կը վայելէ։

ԱՌԱՋԻՆ ՏԻՄՈԹԷՈՍ 3:3

Պէտք չէ գինեմոլ ըլլայ, ո՛չ ալ կոպիտ, այլ՝ ազնիւ. ո՛չ կռուազան եւ ո՛չ ալ դրամասէր։

ԱՌԱՋԻՆ ՏԻՄՈԹԷՈՍ 6:10

Որովհետեւ բոլոր չարիքներու արմատը դրամասիրութիւնն է։ Շատեր դրամ դիզելու ձգտելով՝ հաւատքէն շեղեցան եւ իրենք զիրենք տանջեցին բազմաթիւ ցաւերով։

ԵՐԿՐՈՐԴ ՏԻՄՈԹԷՈՍ 3:2

որովհետեւ մարդիկ պիտի դառնան անձնասէր, դրամապաշտ, ամբարտաւան, հպարտ, հայհոյիչ, ծնողներուն անհնազանդ, ապերախտ, սրբութիւնները ոտնակոխող,

ՏԻՏՈՍԻՆ 1:11

որոնց բերանը պէտք է փակել, որովհետեւ անոնք ամբողջ տուներ կը քանդեն, շահամոլութենէ տարուած ուսուցանելով բաներ, որ պէտք չէ ուսուցանել։

ՏԻՏՈՍԻՆ 1:7

Արդարեւ, եպիսկոպոսը՝ որպէս Աստուծոյ տնտես՝ պէտք է անմեղադրելի ըլլայ։ Պէտք չէ յանդուգն, բարկացող, գինեմոլ, կռուազան կամ շահամոլ ըլլայ,

ՏԻՏՈՍԻՆ 2:3

Նոյնպէս, պառաւներուն պատուիրէ որ զգաստ եւ մաքրակենցաղ ըլլան. չըլլան բանսարկու, ո՛չ ալ գինեմոլ, այլ՝ բարեխրատ։

ԵԲՐԱՅԵՑԻՍ 12:16

Չըլլայ որ մէկը Աստուծոյ անհաւատարիմ կամ անոր պարգեւները արհամարհող ըլլայ Եսաւին պէս, որ կերակուրի մը համար իր անդրանկութիւնը ծախեց։

ԱՌԱՋԻՆ ՊԵՏՐՈՍԻ 5:2

ձեզի վստահուած Աստուծոյ հօտը արածեցէք ո՛չ թէ իբր պարտադրանք կատարելով վերակացութեան ձեր պաշտօնը, այլ՝ կամաւորաբար, ինչպէս Աստուած կ՚ուզէ։ Ո՛չ թէ դրամի սիրոյն, այլ՝ յօժարութեամբ։

ԵՐԿՐՈՐԴ ՊԵՏՐՈՍԻ 2:10

Մանաւանդ անոնք՝ որոնք մարմնական պղծալից ցանկութիւններու կը հետեւին եւ Աստուծոյ տէրութիւնը կ՚արհամարհեն։ Այս ինքնահաւան եւ յանդուգն սուտ ուսուցիչները չեն վախնար հոգեղէն փառաւոր էակները անարգելէ.

ԵՐԿՐՈՐԴ ՊԵՏՐՈՍԻ 2:14

Իրենց աչքերը շնացող կիներ միայն կը փնտռեն եւ չեն յագենար մեղք գործելէ։ Այդ անիծեալները տկար մարդիկ կը փնտռեն՝ խաբելու համար, եւ իրենց խելքն ու միտքը դրամ դիզելն է։

ԵՐԿՐՈՐԴ ՊԵՏՐՈՍԻ 2:3

Ընչաքաղցութենէ մղուած՝ պիտի շահագործեն ձեզ իրենց շինծու խօսքերով. բայց անոնց դատապարտութիւնը սկիզբէն իսկ յայտնի է, անոնց կորուստը պիտի չուշանայ։

ՅԱՅՏՆՈՒԹԻՒՆ 2:14

Բայց քեզի դէմ կարգ մը դժգոհութիւններ ունիմ։ Քու շարքերուդ մէջ ունիս Բաղաամի վարդապետութեան հետեւորդներ. այն Բաղաամին, որ Բալակի սորվեցուց՝ Իսրայէլի որդիները մեղքի մղել, որպէսզի անոնք կուռքերու զոհուած միս ուտեն եւ պոռնկութիւն ընեն։

ՅԱՅՏՆՈՒԹԻՒՆ 2:21

Ես իրեն ժամանակ տուի որ ապաշխարէ իր պոռնկութեան համար, բայց չապաշխարեց։

ՅԱՅՏՆՈՒԹԻՒՆ 21:8

Բայց վախկոտներուն, անհաւատներուն, պիղծերուն, մարդասպաններուն, պոռնիկներուն, կախարդներուն, կռապաշտներուն եւ բոլոր ստախօսներուն բաժինը՝ կրակով եւ ծծումբով այրող լիճն է, որ երկրորդ մահն է։

ՅԱՅՏՆՈՒԹԻՒՆ 22:15

Իսկ դուրս պիտի մնան շնացողներն ու կախարդները, պոռնիկներն ու մարդասպանները, կռապաշտները եւ բոլոր անոնք՝ որոնք սուտը կը սիրեն եւ կ՚ընեն։

ՅԱՅՏՆՈՒԹԻՒՆ 9:21

Անոնք չապաշխարեցին իրենց կատարած մարդասպանութեան, կախարդութեան, պոռնկութեան եւ գողութեան համար։