ԵՓԵՍԱՑԻՍ 5:2 - Western Armenian New Translation - Armenian Catholicosate of Cilicia - New Testament

² եւ սիրով շարժեցէք, այնպէս՝ ինչպէս Քրիստոս մեզ սիրեց եւ մեզ փրկելու համար ինքզինքը Աստուծոյ ընծայեց որպէս անուշահոտ ընծայ եւ զոհ։

Արեւմտահայերէն Նոր Կտակարան հարմարցուած․ 2017

² եւ սիրով վարուեցէք, ինչպէս Քրիստոս ալ մեզ սիրեց ու իր անձը մեզի համար մատնեց՝ անուշահոտ պատարագ ու զոհ ըլլալով Աստուծոյ։

Western Armenian Bible 1853

² Եւ սիրով վարուեցէք, ինչպէս Քրիստոս ալ մեզ սիրեց ու իր անձը մեզի համար մատնեց՝ անուշահոտ պատարագ ու զոհ ըլլալով Աստուծոյ։

ԵՓԵՍԱՑԻՍ 5:2 Iomraidhean Croise

ՄԱՏԹԷՈՍ 20:28

որովհետեւ Մարդու Որդին, ինքն ալ, չեկաւ ուրիշներու կողմէ սպասաւորութիւն ընդունելու, այլ սպասաւորելու եւ իր կեանքը շատերու համար որպէս փրկագին տալու։

ՅՈՎՀԱՆՆՈԻ 13:34

Նոր պատուիրան մը կու տամ ձեզի.– Սիրեցէ՛ք իրար։ Ինչպէս ես ձեզ սիրեցի՝ դուք ալ իրար սիրեցէք։

ՅՈՎՀԱՆՆՈԻ 6:51

Ես եմ կենդանի հացը, որ երկինքէն իջած է. ով որ այս հացէն ուտէ՝ յաւիտեան պիտի ապրի։ Հացը որ ես պիտի տամ՝ իմ մարմինս է, որպէսզի աշխարհը կեանք ունենայ։

ՀՌՈՎՄԱՅԵՑԻՍ 15:16

որպէսզի Քրիստոս Յիսուսի սպասաւորը ըլլամ հեթանոսներուն համար եւ Աստուծոյ Աւետարանին մատակարարման նուիրուիմ, որպէսզի հեթանոսները Աստուծոյ ընծայուին իբրեւ Սուրբ Հոգիով սրբուած ընդունելի պատարագ։

ՀՌՈՎՄԱՅԵՑԻՍ 4:25

որ իր կեանքը տուաւ մեր յանցանքները ջնջելու համար, եւ յարութիւն առաւ՝ մեզ արդարացնելու համար։

ՀՌՈՎՄԱՅԵՑԻՍ 8:3

Արդարեւ, ինչ որ Օրէնքը չէր կրնար ընել, մարդկային բնութեան տկար ըլլալուն պատճառով, Աստուած իրագործեց՝ աշխարհ ղրկելով իր Որդին, որ մեղքը յաղթահարելու համար մեր մեղանչական բնութիւնը իր վրայ առաւ եւ իր մարմինին մէջ դատապարտեց մեղքը,

ՀՌՈՎՄԱՅԵՑԻՍ 8:37

Բայց այս բոլորէն շա՜տ աւելի յաղթական դուրս կու գանք շնորհիւ անոր՝ որ մեզ սիրեց։

ԱՌԱՋԻՆ ԿՈՐՆԹԱՑԻՍ 16:14

Ինչ որ կ՚ընէք՝ սիրով ըրէք։

ԱՌԱՋԻՆ ԿՈՐՆԹԱՑԻՍ 5:7

Չարութեան հին խմորը դուրս նետեցէք ձեզմէ, որպէսզի ամբողջութեամբ նոր եւ անխմոր զանգուած մը ըլլաք, ինչպէս որ էք արդէն, քանի որ Քրիստոս՝ մեր Զատիկին Գառնուկը մորթուեցաւ։

ԵՐԿՐՈՐԴ ԿՈՐՆԹԱՑԻՍ 2:14

Արդ, գոհութիւն Աստուծոյ, որ Յիսուս Քրիստոսի յաղթական երթին մասնակից կը դարձնէ մեզ, եւ մեր միջոցաւ իր գիտութեան բոյրը կը տարածէ ամենուրեք։

ԵՐԿՐՈՐԴ ԿՈՐՆԹԱՑԻՍ 2:15

Փրկութեան ճամբուն մէջ գտնուողներուն մէջ ապրինք, թէ՝ կորուստի ճամբուն մէջ գտնուողներուն, մեր կեանքերը Քրիստոսի ձեռքով Աստուծոյ ընծայուած անուշահոտ խունկի պէս իրենց բոյրը կը տարածեն։

ԵՐԿՐՈՐԴ ԿՈՐՆԹԱՑԻՍ 8:9

Արդարեւ, դուք գիտէք թէ մեր Տէրը՝ Յիսուս Քրիստոս ի՜նչ շնորհք ըրաւ մեզի. ինք որ հարուստն էր՝ աղքատացաւ ձեզի համար, որպէսզի իր աղքատանալովը դուք հարստանաք։

ԳԱՂԱՏԱՑԻՍ 1:4

որ իր անձը տուաւ մեր մեղքերուն համար, որպէսզի Աստուծոյ՝ մեր Հօրը կամքով մեզ ազատէ ներկայ չար աշխարհէն։

ԳԱՂԱՏԱՑԻՍ 2:20

Այո՛, Քրիստոսի հետ խաչին վրայ մեռայ եւ այլեւս կենդանի եմ. ես չէ որ կ՚ապրիմ, այլ՝ Քրիստոս է որ կ՚ապրի իմ մէջս։ Այս կեանքը, որ այժմ կ՚ապրիմ մարմնով, կ՚ապրիմ՝ հաւատալով Աստուծոյ Որդիին, որ զիս սիրեց եւ իր կեանքը զոհեց ինծի համար։

ԵՓԵՍԱՑԻՍ 1:4

Անիկա աշխարհի գոյութենէն իսկ առաջ մեզ ընտրած էր՝ Քրիստոսի միջոցաւ իրեն պատկանելու համար, որպէս սուրբ եւ անարատ ժողովուրդ,

ԵՓԵՍԱՑԻՍ 3:17

եւ ձեր հաւատքին միջոցաւ Քրիստոս ձեր սիրտերուն մէջ բնակի։ Կ՚աղօթեմ որ սիրոյ մէջ արմատանաք եւ հաստատուն հիմեր ունենաք,

ԵՓԵՍԱՑԻՍ 3:19

Այո՛, որպէսզի ճանչնաք Քրիստոսի սէրը, որ ոեւէ միտքի հասողութենէն վեր կը մնայ, որպէսզի լեցուիք Աստուծոյ ամբողջական լիութեամբը։

ԵՓԵՍԱՑԻՍ 4:15

Այլ՝ ապրինք ճշմարտութեան համաձայն, սիրով, եւ հետզհետէ աճինք Քրիստոսի հետ մեր միութեան մէջ, որովհետեւ ի՛նքն է գլուխը,

ԵՓԵՍԱՑԻՍ 4:2

Միշտ խոնարհ ու հեզ եղէք եւ համբերատար, եւ ձեր սէրը ցոյց տուէք՝ հանդուրժելով իրարու։

ԵՓԵՍԱՑԻՍ 5:15

Հետեւաբար ձեր ապրելակերպին ուշադրութիւն ըրէք։ Մի՛ ապրիք անմտօրէն, այլ՝ իմաստուններու պէս։

ԵՓԵՍԱՑԻՍ 5:25

Այրե՛ր, սիրեցէ՛ք ձեր կիները այնպէս՝ ինչպէս Քրիստոս սիրեց եկեղեցին եւ իր կեանքը տուաւ անոր համար,

ՓԻԼԻՊՊԵՑԻՍ 4:18

Որովհետեւ ես ամէն ինչ ունիմ եւ աւելիով ունիմ, եւ Եպաֆրոդիտոսի ձեռքով ստացայ ձեր առատ նուէրները, որոնք ոեւէ խունկէ աւելի անուշահոտ եւ ոեւէ զոհէ աւելի ընդունելի են Աստուծոյ, իր կամքին համաձայն ըլլալով։

ԿՈՂՈՍԱՑԻՍ 3:14

Եւ այս բոլորին վրայ՝ աւելի սէր ունեցէք, որովհետեւ սէրը ամէն ինչի ամբողջացուցիչ շաղախն է։

ԱՌԱՋԻՆ ԹԵՍԱՂՈՆԻԿԵՑԻՍ 4:9

Գալով եղբայրսիրութեան, մեր գրելուն պէտք չունիք, որովհետեւ ինքնին դուք Աստուծմէ սորված էք իրար սիրել,

ԱՌԱՋԻՆ ՏԻՄՈԹԷՈՍ 2:6

որ ինքզինքը իբրեւ փրկագին տուաւ բոլոր մարդոց համար։ Ատոր վկայութիւնը Աստուած տուաւ իր ատենին,

ԱՌԱՋԻՆ ՏԻՄՈԹԷՈՍ 4:12

Եւ որպէսզի ոեւէ մէկը քեզ չարհամարհէ՝ երիտասարդ ըլլալուդ համար, հաւատացեալներուդ օրինակ եղիր՝ խօսքովդ, վարմունքովդ, սիրովդ, հաւատքովդ եւ մաքուր կենցաղովդ։

ՏԻՏՈՍԻՆ 2:14

Որովհետեւ Քրիստոս իր անձը տուաւ մեզի համար, որպէսզի մեզ ազատէ մեր բոլոր անօրէնութիւններէն, եւ մեզ մաքրելով՝ իր սեփական ժողովուրդը դարձնէ, բարի գործերու նախանձախնդիր։

ԵԲՐԱՅԵՑԻՍ 8:3

Արդարեւ, ոեւէ քահանայապետ զոհեր եւ նուէրներ մատուցանելու համար կարգուած է. ուստի Քրիստոս ինք ալ պէտք էր մատուցանելիք մը ունենար։

ԵԲՐԱՅԵՑԻՍ 9:14

Քրիստոսի արիւնը շատ աւելին պիտի չընէ՞ միթէ։ Արդարեւ, յաւիտենական Հոգիին միջոցաւ Քրիստոս ինքզինքը որպէս անարատ զոհ Աստուծոյ մատուցանեց, որպէսզի իր արիւնով մաքրէ ձեր խղճմտանքը մեռելական գործերէ, եւ դուք կարենաք կենդանի Աստուածը պաշտել։

ԵԲՐԱՅԵՑԻՍ 9:23

Այսպէս ուրեմն, եթէ երկնաւոր Սրբարանին ընդօրինակութիւնը եղող երկրաւոր սրբարանը այսպիսի ծէսերով հարկ էր որ սրբուէր, բուն իսկ երկնաւորը աւելի՛ լաւ զոհերու պէտք ունէր հարկաւ։

ԵԲՐԱՅԵՑԻՍ 9:26

այլապէս՝ պէտք էր աշխարհին սկիզբէն ի վեր բազմաթիւ անգամներ չարչարուէր։ Մինչդեռ այժմ, ահաւասիկ, երբ ժամանակները իրենց կատարումին կը մօտենան, Քրիստոս յայտնուեցաւ՝ միանգամընդմիշտ ինքզինքը իբրեւ զոհ ընծայելով, մեղքը բնաջինջ ընելու համար։

ԱՌԱՋԻՆ ՊԵՏՐՈՍԻ 4:8

Ամէն բանէ առաջ՝ սրտանց սէր ունեցէք իրարու հանդէպ, որովհետեւ «սէրը պատճառ կ՚ըլլայ որ ձեր բազմաթիւ մեղքերը ներուին»։

ԱՌԱՋԻՆ ՅՈՎՀԱՆՆՈՒ 3:16

Մենք սէրը ճանչցանք անով՝ որ Քրիստոս իր կեանքը զոհեց մեզի համար։ Հետեւաբար մե՛նք եւս մեր կեանքը պէտք է զոհենք մեր եղբայրներուն համար։

ԱՌԱՋԻՆ ՅՈՎՀԱՆՆՈՒ 3:23

Եւ իր պատուիրանը սա է, որ հաւատանք իր Որդիին՝ Յիսուս Քրիստոսի, եւ սիրենք իրար, ինչպէս որ մեզի պատուիրեց։

ՅԱՅՏՆՈՒԹԻՒՆ 1:5

եւ Յիսուս Քրիստոսէն՝ հաւատարիմ վկայէն, որ մեռելներէն յարութիւն առնողներուն առաջինն է եւ երկրի թագաւորութիւններուն Իշխանը։ Անիկա մեզ սիրեց եւ իր արիւնով մեր մեղքերուն շղթաները փշրեց,

ՅԱՅՏՆՈՒԹԻՒՆ 5:9

Անոնք հետեւեալ նոր երգը կ՚երգէին ու կ՚ըսէին.– «Արժանի ես առնելու գիրքը եւ քակելու կնիքները, որովհետեւ մորթուեցար եւ արիւնովդ Աստուծոյ համար գնեցիր նորժողովուրդ մը՝ բոլոր ցեղերէն ու լեզուներէն, բոլոր ազգերէն, ժողովուրդներէն։