ԵՓԵՍԱՑԻՍ 4:25 - Western Armenian New Translation - Armenian Catholicosate of Cilicia - New Testament

²⁵ Հետեւաբար ստախօսութենէն հրաժարեցէ՛ք։ «Ամէն մարդ ճշմարտութիւնը թող ըսէ իր ընկերոջ», ինչպէս կ՚ըսէ մարգարէն, որովհետեւ Քրիստոսի միացած ըլլալով՝ իրարու անդամներ ենք։

Արեւմտահայերէն Նոր Կտակարան հարմարցուած․ 2017

²⁵ Ուստի ստութիւնը մէկդի ձգելով՝ ճշմարտութիւնը խօսեցէք ամէն մէկդ իր ընկերին, վասն զի մենք իրարու անդամներ ենք։

Western Armenian Bible 1853

²⁵ Ուստի ստութիւնը մէկդի ձգելով՝ ճշմարտութիւնը խօսեցէք ամէն մէկդ իր ընկերին, վասն զի մենք իրարու անդամներ ենք։

ԵՓԵՍԱՑԻՍ 4:25 Iomraidhean Croise

ՅՈՎՀԱՆՆՈԻ 8:44

Դուք ձեր հօր՝ Սատանային զաւակներն էք եւ անոր ցանկութիւնները կատարել կ՚ուզէք։ Անիկա սկիզբէն մարդասպան էր եւ ճշմարտութեան կողմնակից չէ եղած բնաւ, որովհետեւ անոր մէջ ճշմարտութիւն չկայ։ Երբ սուտ խօսի՝ իր նկարագիրը ցոյց կու տայ, քանի որ ստախօս մըն է եւ սուտին հայրը։

ՀՌՈՎՄԱՅԵՑԻՍ 12:5

այնպէս ալ Քրիստոսի միացած ըլլալով՝ մենք բոլորս մէկ մարմին ենք։ Թէպէտ որպէս անդամներ իրարու կապուած ենք,

ԱՌԱՋԻՆ ԿՈՐՆԹԱՑԻՍ 10:17

Մենք բոլորս մէկ հաց, մէկ մարմին ենք, որովհետեւ նոյն եւ միակ հացէն կը ճաշակենք։

ԵՐԿՐՈՐԴ ԿՈՐՆԹԱՑԻՍ 7:14

Ձեզի համար պարծանքս յայտնած էի իրեն, եւ ամօթով չմնացի. եւ ինչպէս ձեզի խօսածներս բոլորը ճշմարիտ էին, նոյնպէս ալ Տիտոսի յայտնած պարծանքս ճշմարտուեցաւ։

ԵՓԵՍԱՑԻՍ 4:15

Այլ՝ ապրինք ճշմարտութեան համաձայն, սիրով, եւ հետզհետէ աճինք Քրիստոսի հետ մեր միութեան մէջ, որովհետեւ ի՛նքն է գլուխը,

ԵՓԵՍԱՑԻՍ 4:22

Ուստի մոռցէ՛ք ձեր հին ինքնութիւնը, այսինքն՝ ձեր նախկին ապրելակերպը, որ խաբուսիկ ցանկութիւններով ապականած էր,

ԵՓԵՍԱՑԻՍ 4:31

Ձեզմէ արմատախի՛լ ըրէք ամէն դառնութիւն, բարկութիւն ու զայրոյթ, պոռչտուք եւ հայհոյութիւն, եւ առաջքը առած կ՚ըլլաք անոնց չար հետեւանքներուն։

ԵՓԵՍԱՑԻՍ 5:30

որուն անդամներն ենք բոլորս, անոր մարմինէն ու ոսկորներէն։

ԿՈՂՈՍԱՑԻՍ 3:8

Բայց հիմա ձեզմէ դուրս նետեցէք այդ բոլորը.–բարկութիւնը, զայրոյթը եւ չարութիւնը։ Ձեր բերանէն ոեւէ հայհոյութիւն կամ լկտի խօսք չլսուի։

ԿՈՂՈՍԱՑԻՍ 3:9

Սուտ մի՛ խօսիք իրարու։ Մոռցէ՛ք ձեր հին կեանքն ու նախկին գործերը,

ԱՌԱՋԻՆ ՏԻՄՈԹԷՈՍ 1:10

պոռնկութիւն ընողներուն, արուագէտներուն, մարդ առեւանգողներուն, ստախօսներուն, սուտ երդում ընողներուն, եւ բոլոր այն արարքներուն համար, որոնք հակառակ են իմ փոխանցած առողջ ուսուցումներուս.

ԱՌԱՋԻՆ ՏԻՄՈԹԷՈՍ 4:2

որոնք կը քարոզուին կեղծաւոր եւ ստաբան մարդոց կողմէ, որոնց խիղճը Սատանային կնիքով խարանուած է։

ՏԻՏՈՍԻՆ 1:12

Իրենցմէ մէկը, որ իրենց կողմէ մարգարէ ճանչցուած էր, ըսած է.– «Կրետացիները մշտական ստախօսներ են, վայրի գազաններու պէս անգործ ու պորտաբոյծ»։

ՏԻՏՈՍԻՆ 1:2

որպէսզի յաւիտենական կեանքի յոյսը ունենան։ Յաւիտենական ժամանակներէն իսկ առաջ՝ անսուտն Աստուած ինք խոստացաւ այդ կեանքը,

ԵԲՐԱՅԵՑԻՍ 12:1

Ուրեմնմենքալ, որայսքանբազմաթիւվկաներով շրջապատուած ենք, վանե՛նք ամէն խոչնդոտ եւ մէկ կողմ ձգենք մեղքը, որ մեզ դիւրաւ կը պաշարէ, եւ համբերատարութեամբ պայքարինք մեզի ներկայացող փորձութիւններուն դէմ։

ՅԱԿՈԲՈՒ 1:21

Հետեւաբար ձեզմէ թօթափեցէ՛ք ամէն աղտոտ սովորութիւն ու չար ցանկութիւն, եւ հեզութեամբ ընդունեցէք ձեր մէջ սերմանուած Աստուծոյ խօսքը, որ կրնայ ձեր հոգիները փրկել։

ԱՌԱՋԻՆ ՊԵՏՐՈՍԻ 2:1

Հետեւաբար մէկդի՛ ձգեցէք ամէն տեսակի չար մտածում ու նենգութիւն, կեղծաւորութիւն ու նախանձ եւ ամէն տեսակի չարախօսութիւն։

ՅԱՅՏՆՈՒԹԻՒՆ 21:8

Բայց վախկոտներուն, անհաւատներուն, պիղծերուն, մարդասպաններուն, պոռնիկներուն, կախարդներուն, կռապաշտներուն եւ բոլոր ստախօսներուն բաժինը՝ կրակով եւ ծծումբով այրող լիճն է, որ երկրորդ մահն է։

ՅԱՅՏՆՈՒԹԻՒՆ 22:15

Իսկ դուրս պիտի մնան շնացողներն ու կախարդները, պոռնիկներն ու մարդասպանները, կռապաշտները եւ բոլոր անոնք՝ որոնք սուտը կը սիրեն եւ կ՚ընեն։