ԵՓԵՍԱՑԻՍ 4:15 - Western Armenian New Translation - Armenian Catholicosate of Cilicia - New Testament

¹⁵ Այլ՝ ապրինք ճշմարտութեան համաձայն, սիրով, եւ հետզհետէ աճինք Քրիստոսի հետ մեր միութեան մէջ, որովհետեւ ի՛նքն է գլուխը,

Արեւմտահայերէն Նոր Կտակարան հարմարցուած․ 2017

¹⁵ հապա սիրով ճշմարտութեան հետեւելով՝ ամէն բան Անով աճեցնենք որ գլուխ է, այսինքն Քրիստոս.

Western Armenian Bible 1853

¹⁵ Հապա սիրով ճշմարտութեան հետեւելով՝ ամէն բան Անով աճեցնենք որ գլուխ է, այսինքն Քրիստոս.

ԵՓԵՍԱՑԻՍ 4:15 Iomraidhean Croise

ՅՈՎՀԱՆՆՈԻ 1:47

Երբ Յիսուս տեսաւ Նաթանայէլը, որ իրեն կու գար, ըսաւ անոր. – Ահաւասիկ ճշմարիտ Իսրայէլացի մը, որուն մէջ նենգութիւն չկայ։

ՀՌՈՎՄԱՅԵՑԻՍ 12:9

Ձեր սէրը թող անկեղծ ըլլայ։ Ատեցէ՛ք ինչ որ չար է եւ բարիին կառչած մնացէք։

ԱՌԱՋԻՆ ԿՈՐՆԹԱՑԻՍ 11:3

Բայց կ՚ուզեմ որ գիտնաք, նաեւ, թէ ոեւէ այր մարդու գլուխը Քրիստոս է, եւ կնոջ մը գլուխը՝ իր այրը, իսկ Քրիստոսի գլուխը՝ Աստուած։

ԵՐԿՐՈՐԴ ԿՈՐՆԹԱՑԻՍ 4:2

Հրաժարած ենք վարագոյրի ետին նիւթուած ամօթալի գործերէն, այսինքն՝ խորամանկութիւն ի գործ չենք դներ եւ Աստուծոյ խօսքը չենք նենգափոխեր. այլ բացէ ի բաց ճշմարտութիւնը կը յայտարարենք, եւ ա՛յսպէս կը ներկայանանք մարդոց առջեւ, ինչպէս պիտի ընէինք Աստուծոյ առջեւ։

ԵՐԿՐՈՐԴ ԿՈՐՆԹԱՑԻՍ 8:8

Ասիկա իբրեւ հրահանգ չէ որ կու տամ, այլ՝ ուրիշներուն ցուցաբերած փութաջանութիւնը կը յիշեցնեմ՝ ձեր սիրոյն հարազատութիւնը փորձելու համար։

ԵՓԵՍԱՑԻՍ 1:22

«Աստուած ամէն բան անոր իշխանութեան ենթարկեց» եւ եկեղեցւոյ գլուխ կարգեց զայն՝ վեր ամէն բանէ։

ԵՓԵՍԱՑԻՍ 1:4

Անիկա աշխարհի գոյութենէն իսկ առաջ մեզ ընտրած էր՝ Քրիստոսի միջոցաւ իրեն պատկանելու համար, որպէս սուրբ եւ անարատ ժողովուրդ,

ԵՓԵՍԱՑԻՍ 2:21

Իրմով է որ ամբողջ կառոյցը ներդաշնակ միասնութեամբ մը կ՚աճի եւ Տիրոջ սեփական սուրբ տաճարը կը դառնայ։

ԵՓԵՍԱՑԻՍ 4:25

Հետեւաբար ստախօսութենէն հրաժարեցէ՛ք։ «Ամէն մարդ ճշմարտութիւնը թող ըսէ իր ընկերոջ», ինչպէս կ՚ըսէ մարգարէն, որովհետեւ Քրիստոսի միացած ըլլալով՝ իրարու անդամներ ենք։

ԵՓԵՍԱՑԻՍ 5:23

որովհետեւ ամուսին մը իր կնոջ գլուխն է, այնպէս՝ ինչպէս Քրիստոս գլուխն է եկեղեցիին, իր մարմինին, որուն Փրկիչն է ինք։

ԱՌԱՋԻՆ ՊԵՏՐՈՍԻ 1:22

Արդ, դուք որ ճշմարտութեան հնազանդելով սրբեցիք ձեր անձերը, որպէսզի անկեղծ եղբայրսիրութեամբ ապրիք, սրտանց սիրեցէ՛ք իրար, մաքուր սրտով։

ԱՌԱՋԻՆ ՊԵՏՐՈՍԻ 2:2

Որպէս հաւատքի նորածին մանուկներ՝ Աստուծոյ խօսքին անխարդախ կաթին փափաքեցէք, որպէսզի անով աճիք եւ փրկութեան հասնիք։

ԵՐԿՐՈՐԴ ՊԵՏՐՈՍԻ 3:18

Այլ, մեր Տիրոջ եւ Փրկչին՝ Յիսուս Քրիստոսի շնորհքովն ու գիտութեամբը աճեցէք։ Անոր փառք, թէ՛ այժմ եւ թէ՛ յաւիտենական օրը։ Ամէն։

ԱՌԱՋԻՆ ՅՈՎՀԱՆՆՈՒ 3:18

Որդեակնե՛ր, մեր սէրը միայն խօսքով ու լեզուով թող չըլլայ, այլ՝ գործով արտայայտուած ճշմարիտ սէր։