ԵՓԵՍԱՑԻՍ 4:14 - Western Armenian New Translation - Armenian Catholicosate of Cilicia - New Testament

¹⁴ Որպէսզի ասկէ ետք չնմանինք երեխաներու, որոնք ալիքներու հետ կը տարուբերին եւ զանազան վարդապետութեանց հովերէն կը քշուին խաբեբայ մարդոց կողմէ, որոնք խորամանկ հնարքներով կը խաբեն ու կը մոլորեցնեն։

Արեւմտահայերէն Նոր Կտակարան հարմարցուած․ 2017

¹⁴ որպէս զի ա՛լ ասկէ յետոյ տղայ չըլլանք, երերած ու վարդապետութեան ամէն հովերէ ասդին անդին տարուբերուած՝ մարդոց խաբէութիւնովը, որոնք խորամանկութեամբ կը խաբեն մոլորեցնելու.

Western Armenian Bible 1853

¹⁴ Որպէս զի ա՛լ ասկէ յետոյ տղայ չըլլանք, երերած ու վարդապետութեան ամէն հովերէ ասդին անդին տարուբերուած՝ մարդոց խաբէութիւնովը, որոնք խորամանկութեամբ կը խաբեն մոլորեցնելու.

ԵՓԵՍԱՑԻՍ 4:14 Iomraidhean Croise

ՄԱՏԹԷՈՍ 11:7

Երբ Յովհաննէսի աշակերտները մեկնեցան, Յիսուս սկսաւ Յովհաննէսի մասին խօսիլ ժողովուրդին, ըսելով. – Ի՞նչ տեսնելու գացիք անապատ։ Հովէն շարժող եղէ՞գ մը։

ՄԱՏԹԷՈՍ 24:11

Յետոյ բազմաթիւ սուտ մարգարէներ պիտի ելլեն ու շատերը մոլորեցնեն։

ՄԱՏԹԷՈՍ 24:24

որովհետեւ սուտ քրիստոսներ եւ սուտ մարգարէներ պիտի ելլեն եւ մեծ հրաշքներ ու նշաններ կատարեն՝ որպէսզի մոլորեցնեն, եթէ կարենան, նոյնիսկ Աստուծոյ ընտրեալները։

ԳՈՐԾՔ ԱՌԱՔԵԼՈՑ 23:21

Բայց մտիկ մի՛ ըներ իրենց. որովհետեւ իրենց մէջէն քառասունէ աւելի մարդիկ իրենք զիրենք նզովքի տակ դնելով երդում ըրած են չուտել ու չխմել՝ մինչեւ չսպաննեն զայն. եւ հիմա դարան մտած ու պատրաստ՝ կը սպասեն քու հրամանիդ։

ԱՌԱՋԻՆ ԿՈՐՆԹԱՑԻՍ 12:2

Գիտէք հարկաւ, թէ մինչ հեթանոս էիք՝ ի՛նչպէս անշունչ կուռքերէն մէկէն միւսը կը քաշկռտուէիք։

ԱՌԱՋԻՆ ԿՈՐՆԹԱՑԻՍ 14:20

Եղբայրնե՛ր, միտքով երեխայ մի՛ ըլլաք. երեխաներու պէս եղէք միայն չարիք խորհելու մէջ. իսկ անկէ դուրս՝ հասուն մարդու պէս խորհեցէք։

ԱՌԱՋԻՆ ԿՈՐՆԹԱՑԻՍ 3:19

Որովհետեւ այս աշխարհի իմաստութիւնը Աստուծոյ աչքին յիմարութիւնէ, ինչպէս Սուրբ գիրքերուն մէջ գրուած է. «Աստուած իմաստունները իրենց ճարպիկութեան մէջ կը բռնէ»։

ԵՐԿՐՈՐԴ ԿՈՐՆԹԱՑԻՍ 2:17

Անշուշտ ո՛չ անոնք՝ որոնք Աստուծոյ խօսքը վաճառքի կը հանեն, այլ՝ մենք, որ անկեղծօրէն կը խօսինք Աստուծոյ առջեւ՝ որպէս Քրիստոսի միացած Աստուծոյ պատգամաւորները։

ԵՐԿՐՈՐԴ ԿՈՐՆԹԱՑԻՍ 4:2

Հրաժարած ենք վարագոյրի ետին նիւթուած ամօթալի գործերէն, այսինքն՝ խորամանկութիւն ի գործ չենք դներ եւ Աստուծոյ խօսքը չենք նենգափոխեր. այլ բացէ ի բաց ճշմարտութիւնը կը յայտարարենք, եւ ա՛յսպէս կը ներկայանանք մարդոց առջեւ, ինչպէս պիտի ընէինք Աստուծոյ առջեւ։

ԳԱՂԱՏԱՑԻՍ 3:1

Ո՜վ պնմիտ Գպղպտպցիներ, ո՞վձեզհրապուրեց։ Մոռցա՞ք խաչի վրայ Յիսուս Քրիստոսի մահը, որ ես ձեր աչքերուն դիմաց պատկերեցի։

ԵՓԵՍԱՑԻՍ 6:11

Ձեր վրայ առէք Աստուծոյ սպառազինութիւնը, որպէսզի կարենաք Սատանային հնարքներուն դէմ դնել։

ԱՌԱՋԻՆ ՏԻՄՈԹԷՈՍ 3:6

Պէտք չէ հաւատքի մէջ նորադարձ մը ըլլայ, որպէսզի չըլլայ որ հպարտանալով՝ դատապարտութեան տակ իյնայ Սատանային պէս։

ԵՐԿՐՈՐԴ ՏԻՄՈԹԷՈՍ 1:15

Կ՚ուզեմ որ գիտնաս, թէ Ասիա նահանգի բոլոր եղբայրները լքեցին զիս, որոնց մէջ՝ նաեւ Ֆիգելոսն ու Հերմոգենէսը։

ԵՐԿՐՈՐԴ ՏԻՄՈԹԷՈՍ 3:13

Իսկ չար եւ խաբեբայ մարդիկ աւելի եւս պիտի յառաջանան չարութեան մէջ. իրենք մոլորած՝ ուրիշներն ալ պիտի մոլորեցնեն։

ԵՐԿՐՈՐԴ ՏԻՄՈԹԷՈՍ 4:3

Որովհետեւ ժամանակ պիտի գայ, երբ մարդիկ ականջ պիտի չկախեն առողջ վարդապետութեան, այլ՝ իրենց սեփական ցանկութիւններուն համապատասխանող եւ զիրենք հաճոյացնող բաներու մասին խօսող ուսուցիչներ պիտի փնտռեն։

ԵԲՐԱՅԵՑԻՍ 13:9

Տեսակ–տեսակ օտարոտի ուսուցումներէ մի՛ տարուիք։ Լաւ է որ սիրտը Աստուծոյ շնորհքով ամրապնդուի, քան՝ ուտելիքներու եւ չուտելիքներու վերաբերող կանոններով, որոնց հետեւողները ոեւէ բանով չօգտուեցան։

ՅԱԿՈԲՈՒ 1:6

Բայց թող խնդրէ հաւատքո՛վ, առանց երկմտելու, որովհետեւ երկմիտ մարդը կը նմանի ծովու ալիքներուն, որոնք հովերէն կը շարժին ու կը տարուբերին։

ՅԱԿՈԲՈՒ 3:4

Կամ դիտէ՛ նաւերը. ո՛րքան ալ մեծ ըլլան եւ ինչպիսի՛ զօրաւոր հովերէ ալ քշուին, փոքրիկ ղեկ մը զիրենք կ՚ուղղէ դէպի հոն՝ ուր նաւավարը կը փափաքի տանիլ։

ԵՐԿՐՈՐԴ ՊԵՏՐՈՍԻ 2:18

Որովհետեւ իմաստէ զուրկ մեծ–մեծ խօսքերով եւ մարմնական անառակ ցանկութիւններ գրգռելով՝ կը մոլորեցնեն անոնք, որոնք հազիւ փախած էին ուրիշ մոլորութեանց մէջ ապրող մարդոցմէ։

ԱՌԱՋԻՆ ՅՈՎՀԱՆՆՈՒ 2:19

Մեր մէջէն ելան անոնք, բայց մեզմէ չէին. որովհետեւ եթէ մեզմէ ըլլային՝ մեզի հետ ալ պիտի մնային։ Բայց մեզմէ հեռացան, որպէսզի յայտնի ըլլայ՝ թէ անոնցմէ ոեւէ մէկը մեզմէ չէր։

ԱՌԱՋԻՆ ՅՈՎՀԱՆՆՈՒ 2:26

Այս բաները ձեզի կը գրեմ, որպէսզի չըլլա՛յ թէ մէկը ձեզ մոլորեցնէ։

ԱՌԱՋԻՆ ՅՈՎՀԱՆՆՈՒ 4:1

Սիրելինե՛ր, մի՛ հաւատաք ամէն մարդու՝ որ կ՚ըսէ թէ Աստուծոյ Հոգին ունի։ Փորձեցէ՛ք զանոնք, գիտնալու համար՝ թէ իրապէս Աստուծո՞յ Հոգիով կը խօսին. որովհետեւ բազմաթիւ սուտ մարգարէներ երեւան ելած են աշխարհի մէջ։

ՅՈՒԴԱՅԻ 1:12

Անոնց ներկայութիւնը կ՚արատաւորէ ձեր սիրոյ հաւաքոյթի սեղանները, ուր անոնք անպատկառօրէն կու գան ձեզի խրախճանակից ըլլալու, միայն իրենց փորը լեցնելու համար։ Անոնք հովերէն քշուող ամպերու պէս են, որոնք անձրեւ չեն թափեր, կամ ծառերու պէս՝ որոնք նոյնիսկ աշնան՝ պտուղ չեն տար. անոնք արմատախիլ եղած ըլլալով՝ կրկնապէս մեռած են։

ՅԱՅՏՆՈՒԹԻՒՆ 19:20

Գազանը բռնուեցաւ, ինչպէս նաեւ իրեն հետ եղող սուտ մարգարէն, որ հրաշքներ կը գործէր անոր ներկայութեան եւ այդ հրաշքներով կը մոլորեցնէր անոնք՝ որ գազանին կնիքը առած էին իրենց վրայ եւ անոր արձանին կ՚երկրպագէին։ Ապա գազանն ու սուտ մարգարէն ողջ–ողջ ձգուեցան կրակէ լիճին մէջ, որ կը բոցավառէր ծծումբով։