ԵՓԵՍԱՑԻՍ 4:12 - Western Armenian New Translation - Armenian Catholicosate of Cilicia - New Testament

¹² Աստուծոյ ժողովուրդը պատրաստելու եւ Աստուծոյ ծառայութեան մէջ դնելու համար, որպէսզի Քրիստոսի մարմինը՝ եկեղեցին աճի ու զօրանայ,

Արեւմտահայերէն Նոր Կտակարան հարմարցուած․ 2017

¹² սուրբերուն կատարելութեանը համար, պաշտօնին գործին համար, Քրիստոսին մարմնին շինութեանը համար.

Western Armenian Bible 1853

¹² Սուրբերուն կատարելութեանը համար, պաշտօնին գործին համար, Քրիստոսին մարմնին շինութեանը համար.

ԵՓԵՍԱՑԻՍ 4:12 Iomraidhean Croise

ՂՈԻԿԱՍ 22:32

բայց ես քեզի համար աղօթեցի, որ հաւատքդ չտկարանայ. եւ երբ կրկին ինծի դառնաս՝ եղբայրներդ ալ քաջալերես։

ԳՈՐԾՔ ԱՌԱՔԵԼՈՑ 1:17

Յուդա մեր խումբէն էր, մեզի պէս առաքելական ծառայութեան համար ընտրուած։

ԳՈՐԾՔ ԱՌԱՔԵԼՈՑ 1:25

առաքելական այս պաշտօնին համար, որմէ Յուդա ինկաւ՝ իրեն սահմանուած տեղը երթալու համար։

ԳՈՐԾՔ ԱՌԱՔԵԼՈՑ 11:23

Սա երբ որ եկաւ եւ տեսաւ Աստուծոյ շնորհքը՝ ուրախացաւ, եւ կը յորդորէր բոլորը, որ ամբողջանուէր սրտով կապուած մնան Տիրոջ։

ԳՈՐԾՔ ԱՌԱՔԵԼՈՑ 20:24

Բայց հոգս չէ. ինծի համար կարեւորը կեանքս չէ, այլ՝ կ՚ուզեմ ուրախութեամբ իր վախճանին հասցնել սկսած գործս, այն պաշտօնը որ Տէր Յիսուս տուաւ ինծի՝ Աստուծոյ շնորհքը աւետարանելու։

ԳՈՐԾՔ ԱՌԱՔԵԼՈՑ 20:28

Հսկեցէ՛ք ձեր անձերուն եւ ձեր ամբողջ հօտին, որուն տեսուչ կարգեց ձեզ Սուրբ Հոգին։ Հովուեցէ՛ք Տիրոջ եկեղեցին, որ ան իր արիւնով գնեց։

ԳՈՐԾՔ ԱՌԱՔԵԼՈՑ 9:31

Եկեղեցին ամբողջ Հրէաստանի, Գալիլեայի եւ Սամարիայի մէջ խաղաղութիւն կը վայելէր եւ կը զօրանար։ Սուրբ Հոգիին օգնութեամբ հաւատացեալները կը բազմանային եւ Տիրոջ երկիւղովը կ՚ապրէին։

ՀՌՈՎՄԱՅԵՑԻՍ 12:5

այնպէս ալ Քրիստոսի միացած ըլլալով՝ մենք բոլորս մէկ մարմին ենք։ Թէպէտ որպէս անդամներ իրարու կապուած ենք,

ՀՌՈՎՄԱՅԵՑԻՍ 12:7

Եթէ ծառայելու շնորհքը տրուած է՝ պէտք է ծառայենք։ Եթէ ուսուցանելու ձիրքը ունինք՝ պէտք է ուսուցանենք։

ՀՌՈՎՄԱՅԵՑԻՍ 14:19

Արդ, այսուհետեւ խաղաղութիւն փնտռենք եւ աշխատինք իրարու հաւատքը ամրապնդել։

ՀՌՈՎՄԱՅԵՑԻՍ 15:14

Ինչ կը վերաբերի ձեզի, եղբայրնե՛ր, ես ինքս համոզուած եմ որ դուք ինքնին բարութեամբ լեցուն էք եւ ամբողջական գիտութեամբ լեցուած, եւ հետեւաբար կրնաք նաեւ իրար խրատել։

ՀՌՈՎՄԱՅԵՑԻՍ 15:2

Մեզմէ իւրաքանչիւրը իր շուրջ եղողներով պէտք է հետաքրքրուի՝ անոնց բարիքը խորհելով, անոնց հաւատքըամրապնդելու համար։

ՀՌՈՎՄԱՅԵՑԻՍ 15:29

Եւ գիտեմ, որ երբ ձեզի գամ՝ Քրիստոսի Աւետարանին ամբողջական օրհնութեամբը պիտի գամ։

ԱՌԱՋԻՆ ԿՈՐՆԹԱՑԻՍ 12:27

Արդ, դուք թէպէտ առանձին–առանձին անդամներ էք, բայց միասնաբար կը կազմէք Քրիստոսի մարմինը։

ԱՌԱՋԻՆ ԿՈՐՆԹԱՑԻՍ 12:7

Սուրբ Հոգին ամէն մէկուն մէջ կը յայտնուի տարբեր ձեւով մը, հասարակաց օգուտին համար։

ԱՌԱՋԻՆ ԿՈՐՆԹԱՑԻՍ 14:12

Հետեւաբար դուք ալ, քանի որ հոգեւոր պարգեւներուն կը փափաքիք, ջանացէք մանաւանդ տիրանալ ա՛յն պարգեւներուն՝ որոնք եկեղեցւոյ օգուտին կը նպաստեն։

ԱՌԱՋԻՆ ԿՈՐՆԹԱՑԻՍ 14:14

Որովհետեւ, եթէ անծանօթ լեզուներով կ՚աղօթեմ՝ հոգիս է որ կ՚աղօթէ, բայց միտքս չ՚օգտուիր անկէ։

ԱՌԱՋԻՆ ԿՈՐՆԹԱՑԻՍ 14:26

Ուրեմն, եղբայրնե՛ր. ի՞նչ ընել։ Երբ մէկտեղ կը հաւաքուիք, ձեզմէ իւրաքանչիւրը ի՛նչ շնորհք ալ ունենայ՝ սաղմոսելու, ուսուցանելու, Աստուծոյ մէկ յայտնութիւնը բերելու, անծանօթ լեզուներով խօսելու թէ այդ լեզուներով խօսուածը բացատրելու, թող այդ բոլորը եկեղեցւոյ օգուտին ծառայեցնէ։

ԵՐԿՐՈՐԴ ԿՈՐՆԹԱՑԻՍ 12:19

Թերեւս կը խորհիք որ մինչեւ հիմա մենք մե՞զ է որ կը փորձենք արդարացնել։ Ո՛չ, սիրելիներ. մենք իբրեւ Քրիստոսի հաւատացողներ՝ Աստուծոյ դիմաց է որ կը խօ— սինք, եւ ինչ որ կ՚ընենք՝ ձեր օգուտին համար է որ կ՚ընենք։

ԵՐԿՐՈՐԴ ԿՈՐՆԹԱՑԻՍ 13:11

Կը փակեմ նամակս, եղբայրներ. ո՛ղջ եղէք։ Կատարեալ ըլլալու աշխատեցէք, քաջալերուեցէ՛ք։ Համերաշխ եւ խաղաղութեամբ ապրեցէք իրարու հետ, եւ այն ատեն խաղաղութեան ու սիրոյ Աստուածը ձեզի հետ պիտի ըլլայ։

ԵՐԿՐՈՐԴ ԿՈՐՆԹԱՑԻՍ 13:9

Ուրախութեամբ յանձն կ՚առնենք տկարանալ, միայն թէ դուք զօրանաք։ Ուստի կ՚աղօթենք որ հետզհետէ կատարեալ ըլլաք։

ԵՐԿՐՈՐԴ ԿՈՐՆԹԱՑԻՍ 3:8

Արդ, եթէ Օրէնքը՝ որ մահուան կ՚առաջնորդէր, այդպիսի փառքով մը տրուեցաւ, որքա՜ն աւելի փառաւոր պիտի ըլլար Սուրբ Հոգիին տըւչութիւնը։

ԵՐԿՐՈՐԴ ԿՈՐՆԹԱՑԻՍ 4:1

Հետեւաբար չենք յոգնիր այս պաշտօնէն, որ Աստուած մեզի տուաւ իր ողորմութեամբ։

ԵՐԿՐՈՐԴ ԿՈՐՆԹԱՑԻՍ 5:18

Եւ այս նորոգութիւնը կու գայ Աստուծմէ, որ Քրիստոսի միջոցաւ մեզ իրեն հետ հաշտեցուց եւ նաեւ պաշտօն տուաւ մեզի՝ ուրիշներն ալ հաշտութեան բերելու։

ԵՐԿՐՈՐԴ ԿՈՐՆԹԱՑԻՍ 6:3

Ոեւէ բանով պատճառ մի՛ ըլլաք որ Աստուծոյ գործը խափանուի կամ վարկաբեկուի.

ԵՐԿՐՈՐԴ ԿՈՐՆԹԱՑԻՍ 7:1

Սիրելինե՛ր, այս խոստումները մեզի եղած են։ Ուստի հեռո՛ւ մնանք մարմնական եւ հոգեկան ամէն պղծութենէ, մենք մեզ կատարելապէս մաքրենք՝ Աստուծոյ երկիւղովը ապրելով։

ԵՓԵՍԱՑԻՍ 1:23

Հետեւաբար եկեղեցին Քրիստոսի մարմինն է, ամբողջացումն է Քրիստոսի, որ կ՚ամբողջացնէ ամէն ինչ, ամէն տեղ։

ԵՓԵՍԱՑԻՍ 4:16

որ մարմինը իր բոլոր մասերով ներդաշնակ միասնութեամբ մը իրարու կը կապէ, բոլոր յօդերու օգնութեամբ։ Եւ երբ իւրաքանչիւր մաս պէտք եղածին պէս կը գործէ՝ մարմինը կ՚աճի եւ կը զօրանայ սիրոյ մէջ։

ԵՓԵՍԱՑԻՍ 4:29

Ոեւէ տգեղ խօսք չելլէ՛ ձեր բերանէն։ Խօսեցէք միայն ինչ որ պէտք է, ինչ որ բարի է՝ ուրիշներուն հաւատքը ամրապնդելու համար, որպէսզի լսողները Աստուծոյ շնորհքովը լեցուին։

ԵՓԵՍԱՑԻՍ 4:4

Մէկ է Մարմինը եւ մէկ՝ Սուրբ Հոգին, ինչպէս մէկ է յոյսը՝ որուն հրաւիրեց ձեզ Աստուած։

ԿՈՂՈՍԱՑԻՍ 1:24

Եւ հիմա, ուրախ եմ չարչարանքներուս մէջ, որ ձեր սիրոյն կը կրեմ, որովհետեւ Քրիստոսի կրած նեղութիւններուն պակասը իմ մարմինիս մէջ կ՚ամբողջացնեմ՝ անոր մարմինին համար, որ եկեղեցին է։

ԿՈՂՈՍԱՑԻՍ 1:28

Ուստի մենք Քրիստոսը կը քարոզենք, հոգեւոր իմաստութեան բոլոր միջոցներով խրատելով բոլոր մարդիկը եւ ուսուցանելով բոլոր մարդոց, որպէսզի բոլորն ալ Աստուծոյ դիմաց կանգնեցնենք՝ Յիսուս Քրիստոսի միացած եւ հոգեւորապէս կատարեալ։

ԿՈՂՈՍԱՑԻՍ 4:17

Եւ Արքիպպոսին ըսէք. «Նայէ որ իր կատարումին հասցնես պաշտօնդ, որ Տէրը տուաւ քեզի»։

ԱՌԱՋԻՆ ՏԻՄՈԹԷՈՍ 1:12

Երախտապարտ եմ մեր Տիրոջ՝ Քրիստոս Յիսուսի, որ զօրացուց զիս եւ արժանի համարեց իրեն սպասաւոր կարգելու.

ԵՐԿՐՈՐԴ ՏԻՄՈԹԷՈՍ 4:11

Միայն Ղուկասը կայ քովս։ Մարկոսը ա՛ռ հետդ բեր, որովհետեւ ինծի օգտակար է Աստուծոյ ծառայութեան մէջ։

ԵՐԿՐՈՐԴ ՏԻՄՈԹԷՈՍ 4:5

Բայց դուն միշտ արթուն եղիր, նեղութիւններու համբերէ, աւետարանիչի քու գործդ ըրէ եւ ծառայութիւնդ իր աւարտին հասցուր։

ԵԲՐԱՅԵՑԻՍ 13:17

Մտի՛կ ըրէք ձեր առաջնորդներուն խօսքը, որովհետեւ անոնք անքուն կը հսկեն ձեր հոգիներուն համար, գիտնալով՝ որ հաշիւ պիտի տան ձեզի համար. եւ հնազանդ եղէք անոնց, որպէսզի ուրախութեամբ կատարեն իրենց պաշտօնը եւ ո՛չ թէ հառաչելով, որովհետեւ ատիկա ձեր օգուտին համար չ՚ըլլար։

ԵԲՐԱՅԵՑԻՍ 6:1

Ուստի, քրիստոնէականհաւատքինախագիտելիքները ձգելով՝ գանք չափահասներու յատուկ գիտելիքներուն։ Չենք ուզեր վերստին խօսիլ այն հիմնական գիտելիքներուն մասին, որոնք կը վերաբերին՝ մեռելական գործերէ ապաշխարելուն եւ Աստուծոյ հաւատալուն,