ԵՓԵՍԱՑԻՍ 4:1 - Western Armenian New Translation - Armenian Catholicosate of Cilicia - New Testament

¹ Արդ, ես՝ որ Տիրոջ համար բանտը կը գտնուիմ՝ կ՚աղաչեմ, ապրեցէք այնպէս՝ ինչպէս կը վայելէ ձեր կոչումին, որուն հրաւիրեց ձեզ Աստուած։

Արեւմտահայերէն Նոր Կտակարան հարմարցուած․ 2017

¹ Արդ՝ կ’աղաչեմ ձեզի՝ ես որ Տէրոջը համար կապուած եմ, որ դուք այնպէս քալէք՝ ինչպէս կը վայլէ այն կոչումին որով կանչուեցաք,

Western Armenian Bible 1853

¹ Արդ՝ կ’աղաչեմ ձեզի՝ ես որ Տէրոջը համար կապուած եմ, որ դուք այնպէս քալէք՝ ինչպէս կը վայլէ այն կոչումին որով կանչուեցաք,

ԵՓԵՍԱՑԻՍ 4:1 Iomraidhean Croise

ԳՈՐԾՔ ԱՌԱՔԵԼՈՑ 9:31

Եկեղեցին ամբողջ Հրէաստանի, Գալիլեայի եւ Սամարիայի մէջ խաղաղութիւն կը վայելէր եւ կը զօրանար։ Սուրբ Հոգիին օգնութեամբ հաւատացեալները կը բազմանային եւ Տիրոջ երկիւղովը կ՚ապրէին։

ՀՌՈՎՄԱՅԵՑԻՍ 11:29

Որովհետեւ Աստուծոյ պարգեւներն ու կոչումը անդառնալի են։

ՀՌՈՎՄԱՅԵՑԻՍ 12:1

Ուստի, եղբայրնե՛ր, քպնի Աստուպծ ա՜յնքան ողորմպծ եղաւ մեզի հանդէպ, կ՚աղաչեմ որ դուք ձեզ Աստուծոյ ընծայէք որպէս կենդանի զոհ մը՝ իրեն վերապահուած, որովհետեւ ատիկա՛ է Աստուծոյ ուզած հոգեւոր պաշտամունքը։

ԱՌԱՋԻՆ ԿՈՐՆԹԱՑԻՍ 4:16

Հետեւաբար, կը խնդրեմ ձեզմէ, ինծի նմանեցէք։

ԵՐԿՐՈՐԴ ԿՈՐՆԹԱՑԻՍ 10:1

Ես, Պօղոս, Քրիստոսիհեզութեամբեւքաղցրութեամբ կը խնդրեմ ձեզմէ.– Կան մարդիկ, որոնք կ՚ըսեն՝ թէ երբ ձեր դիմաց եւ ձեր մէջ կը գտնուիմ՝ կը խեղճանամ, մինչդեռ երբ հեռու եմ՝ խիստ եմ ձեզի հանդէպ։

ԵՐԿՐՈՐԴ ԿՈՐՆԹԱՑԻՍ 5:20

Ահա թէ ինչու՝ մենք Քրիստոսի կողմէ պատգամաւորութիւն կ՚ընենք, այնպէս՝ որ կարծես Աստուած ինք մեր միջոցաւ կը խօսի ձեզի. եւ Քրիստոսի կողմէ կ՚աղաչենք ձեզի.– Հաշտուեցէ՛ք Աստուծոյ հետ։

ԵՐԿՐՈՐԴ ԿՈՐՆԹԱՑԻՍ 6:1

Արդ, որովհետեւ Աստուծոյ գործպկիցներն ենք, կ՚աղաչենք ձեզի, մի՛ վատնէք Աստուծմէ ձեր ստացած շնորհքը։

ԳԱՂԱՏԱՑԻՍ 4:12

Կը խնդրեմ, եղբայրնե՛ր, ինծի պէս եղէք, քանի ես ալ ժամանակ մը ձեզի պէս էի։

ԵՓԵՍԱՑԻՍ 2:10

Աստուծոյ նոր ստեղծագործութիւնն ենք մենք, քանի Քրիստոս Յիսուսի միացած ենք. ստեղծուած՝ կատարելու համար այն բարի գործերը, որոնց համար Աստուած սկիզբէն մեզ պատրաստեց, որպէսզի անոնցմով լեցնենք մեր կեանքը։

ԵՓԵՍԱՑԻՍ 3:1

Այս պատճառով ալ, ես՝ Պօղոս, բանտը կը գտնուիմ Յիսուս Քրիստոսի սիրոյն եւ ձեզի՝ հեթանոսներուդ համար։

ԵՓԵՍԱՑԻՍ 4:17

Արդ, Տիրոջ կողմէ կ՚ազդարարեմ ձեզի.– Չըլլայ որ կրկին դառնաք այն կենցաղին, որով հեթանոսները կ՚ապրին անմտօրէն։

ԵՓԵՍԱՑԻՍ 4:4

Մէկ է Մարմինը եւ մէկ՝ Սուրբ Հոգին, ինչպէս մէկ է յոյսը՝ որուն հրաւիրեց ձեզ Աստուած։

ԵՓԵՍԱՑԻՍ 5:2

եւ սիրով շարժեցէք, այնպէս՝ ինչպէս Քրիստոս մեզ սիրեց եւ մեզ փրկելու համար ինքզինքը Աստուծոյ ընծայեց որպէս անուշահոտ ընծայ եւ զոհ։

ՓԻԼԻՊՊԵՑԻՍ 1:27

Արդ, նայեցէք որ Քրիստոսի Աւետարանին վայել ձեւով ապրիք. որպէսզի, եթէ կարենամ գալ՝ անձամբ տեսնեմ, իսկ եթէ չկարենամ գալ՝ ձեր մասին իմանամ, թէ հաստատուն կը մնաք, մէկ շունչ մէկ հոգի, եւ միասնաբար կը պայքարիք Աւետարանի հաւատքին համար։

ՓԻԼԻՊՊԵՑԻՍ 3:14

եւ ուշադիր կերպով կը վազեմ դէպի նպատակակէտը, իբրեւ մրցանակ ստանալու համար յաւիտենական կեանքը, որուն կը հրաւիրէ մեզ Աստուած, Քրիստոս Յիսուսով։

ԿՈՂՈՍԱՑԻՍ 1:10

որպէսզի ապրիք Տիրոջ վայել ձեւով, ամբողջութեամբ իր կամքին համաձայն, ամէն տեսակի բարի գործերով պտղաբեր դառնաք եւ Աստուծոյ գիտութեամբը աճիք։

ԿՈՂՈՍԱՑԻՍ 2:6

Արդ, քանի ընդունեցիք Քրիստոս Յիսուսը, Տէրը, կապուած մնացէք իրեն։

ԿՈՂՈՍԱՑԻՍ 4:12

Ձեզի բարեւ կ՚ընէ ձեր հայրենակիցը՝ Եպաֆրասը, Քրիստոս Յիսուսի ծառան, որ շարունակ իր աղօթքներով կը տքնի ձեզի համար, որպէսզի հոգեւորապէս կատարեալ ըլլաք, կատարելապէս տեղեակ Աստուծոյ կամքին։

ԱՌԱՋԻՆ ԹԵՍԱՂՈՆԻԿԵՑԻՍ 2:12

քաջալերեցինք ու մխիթարեցինք, թախանձագին խնդրելով՝ որ ապրիք այնպիսի՛ կեանք մը, որ վայել ըլլայ Աստուծոյ. անոր՝ որ ձեզ հրաւիրեց իր արքայութեան եւ փառքին։

ԵՐԿՐՈՐԴ ԹԵՍԱՂՈՆԻԿԵՑԻՍ 1:11

Ահա թէ ինչու՝ միշտ կ՚աղօթենք ձեզի համար, որպէսզի Աստուած ձեզ արժանի ընէ այդ կոչումին, իր զօրութեամբ կատարէ ձեր բոլոր բարի փափաքները եւ արդիւնաւորէ ձեր հաւատքը,

ԵՐԿՐՈՐԴ ՏԻՄՈԹԷՈՍ 1:9

ան՝ որ մեզ փրկեց եւ իր սուրբ ժողովուրդը ըլլալու հրաւիրեց մեզ, ո՛չ թէ մեր արժանիքներուն համար, այլ՝ իր ծրագրին համաձայն եւ այն շնորհքին՝ որ մեզի տրուած էր Քրիստոս Յիսուսի միջոցաւ, յաւիտենական ժամանակներէն իսկ առաջ։

ՏԻՏՈՍԻՆ 2:10

ո՛չ գողնան. այլ՝ ճշմարիտ ու կատարեալ հաւատարմութիւն ցուցաբերեն, որպէսզի ամէն ինչով պատիւ բերեն մեր փրկչին՝ Աստուծոյ Աւետարանին։

ԵԲՐԱՅԵՑԻՍ 3:1

Ուստի, Աստուծոյ նուիրուած եղբայրներ, դուք՝ որ իրմով կոչուած էք երկինքի թագաւորութեան մաս կազմելու, նայեցէ՛ք Յիսուսի, որ Աստուծոյ կողմէ ղրկուեցաւ՝ Քահանայապետ ըլլալու եւ մեր հաւատքի խոստովանութիւնը Աստուծոյ մատուցանելու համար։

ԱՌԱՋԻՆ ՊԵՏՐՈՍԻ 2:11

Կ՚աղաչեմ, սիրելինե՛ր, իբրեւ աշխարհի մէջ պանդուխտներ եւ օտարականներ՝ հեռո՛ւ մնացէք մարմնական ցանկութիւններէն, որոնք հոգիին դէմ կը պատերազմին։

ԱՌԱՋԻՆ ՊԵՏՐՈՍԻ 3:9

Չարին փոխարէն չար մի՛ հատուցանէք, ոչ ալ նախատինքի փոխարէն՝ նախատինք. ընդհակառակը՝ օրհնեցէ՛ք. Աստուած ատոր համար կանչեց ձեզ, որպէսզի դուք ալ օրհնութիւն ժառանգէք։

ԱՌԱՋԻՆ ՊԵՏՐՈՍԻ 5:10

Եւ բոլոր շնորհքներուն պարգեւիչը՝ Աստուած, որ Քրիստոս Յիսուսի միջոցաւ իր յաւիտենական փառքին կանչեց ձեզ, նկատի ունենալով որ չափով մը մասնակից եղաք Յիսուսի չարչարանքներուն՝ պիտի կազդուրէ, զօրացնէ եւ ամուր հիմերու վրայ հաստատէ ձեզ։

ԵՐԿՐՈՐԴ ՊԵՏՐՈՍԻ 1:3

Քրիստոս իր աստուածային զօրութեամբ մեզի պարգեւեց ամէն ինչ որ անհրաժեշտ է աստուածապաշտ կեանքի մը համար, մեզի ճանչցնելով ան՝ որ իր փառքովն ու զօրութեամբը մեզ իրեն կանչեց։

ԵՐԿՐՈՐԴ ՅՈՎՀԱՆՆՈՒ 1:5

Եւ հիմա կը խնդրեմ, ո՛վ Տիրուհի. նոր պատուիրան մը չէ՛ որ կը գրեմ քեզի, այլ՝ սկիզբէն իսկ մեր ունեցած պատուիրանը, որ սիրենք իրար։