ԵՓԵՍԱՑԻՍ 3:8 - Western Armenian New Translation - Armenian Catholicosate of Cilicia - New Testament

⁸ Այո՛, ինծի՝ որ Աստուծոյ ժողովուրդին մէջ յետիններուն յետինն եմ՝ Աստուած այս շնորհքը տուաւ, որպէսզի բոլոր ազգերուն աւետիս տամ՝ թէ ի՛նչպիսի աներեւակայելի գանձ մըն է Քրիստոս,

Արեւմտահայերէն Նոր Կտակարան հարմարցուած․ 2017

⁸ (ինծի՝ որ բոլոր սուրբերուն փոքրագոյնն եմ, այս շնորհքը տրուեցաւ), հեթանոսներուն մէջ Քրիստոսին անքննելի ճոխութիւնը քարոզելու

Western Armenian Bible 1853

⁸ (Ինծի՝ որ բոլոր սուրբերուն փոքրագոյնն եմ, այս շնորհքը տրուեցաւ,) հեթանոսներուն մէջ Քրիստոսին անքննելի ճոխութիւնը քարոզելու

ԵՓԵՍԱՑԻՍ 3:8 Iomraidhean Croise

ՂՈԻԿԱՍ 14:22

Քիչ ետք ծառան վերադառնալով իր տիրոջ ըսաւ. «Տէ՛ր, հրամանդ կատարեցի, բայց տակաւին տեղ կայ»։

ՅՈՎՀԱՆՆՈԻ 1:16

Անոր լիառատ շնորհքէն է որ մենք բոլորս շնորհքի վրայ շնորհք ստացանք.

ԳՈՐԾՔ ԱՌԱՔԵԼՈՑ 5:41

Իսկ առաքեալները Ատեանէն հեռացան, ուրախանալով որ Տիրոջ անունին համար անարգանքի արժանացան։

ԳՈՐԾՔ ԱՌԱՔԵԼՈՑ 9:15

Տէրը ըսաւ անոր. –Դուն գնա՛, որովհետեւ ես զայն իբրեւ գործիք ընտրեր եմ, որպէսզի իմ անունս ճանչցնէ հեթանոսներուն, թագաւորներու եւ Իսրայէլի զաւակներուն։

ՀՌՈՎՄԱՅԵՑԻՍ 11:33

Օ՜, ի՜նչ խորունկ են Աստուծոյ առատ ողորմութիւնը, իմաստութիւնն ու գիտութիւնը։ Որքա՜ն անքննելի են անոր վճիռները, եւ անզննելի են անոր ճամբաները։

ՀՌՈՎՄԱՅԵՑԻՍ 12:10

Եղբօրպէս իրար սիրեցէք գորովանքով։ Յարգելու մէջ իրար գերազանցեցէք։

ՀՌՈՎՄԱՅԵՑԻՍ 2:4

Կամ կ՚արհամարհե՞ս անոր անչափքաղցրութիւնը, ներողամտութիւնը եւ համբերատարութիւնը, երբ գիտես որ Աստուծոյ քաղցրութիւնն է որ քեզ ապաշխարութեան կը բերէ։

ԱՌԱՋԻՆ ԿՈՐՆԹԱՑԻՍ 1:30

որովհետեւ Աստուած ի՛նքն էր որ ձեզ բերաւ Քրիստոսի միացուց, եւ մենք Քրիստոսով ճանչցանք Աստուծոյ իմաստութիւնը եւ գտանք մեր արդարութիւնը, սրբութիւնը եւ փրկութիւնը,

ԱՌԱՋԻՆ ԿՈՐՆԹԱՑԻՍ 15:9

Արդարեւ, առաքեալներուն մէջ յետինն եմ ես եւ արժանի իսկ չեմ առաքեալ կոչուելու, քանի Աստուծոյ եկեղեցին հալածեցի։

ԱՌԱՋԻՆ ԿՈՐՆԹԱՑԻՍ 2:9

Սակայն, ինչպէս գրուած է.– «Աստուած զինք սիրողներուն համար պատրաստեց այնպիսի փառք մը, որ ոեւէ աչք չէ տեսած, ոեւէ ականջ չէ լսած, եւ ոեւէ մէկուն միտքէն իսկ չէ անցած»։

ԳԱՂԱՏԱՑԻՍ 1:16

երբ կամեցաւ իր Որդին յայտնել ինծի՝ որպէսզի բոլոր ազգերուն քարոզեմ, չաճապարեցի ոեւէ մէկուն խորհուրդը ուզելու,

ԳԱՂԱՏԱՑԻՍ 2:8

որովհետեւ Աստուած ինչպէս Պետրոսի առաքելութիւնը յաջողցուց Հրեաներուն մէջ, նոյնպէս ալ իմ առաքելութիւնս յաջողցուց հեթանոսներուն մէջ–,

ԵՓԵՍԱՑԻՍ 2:7

որպէսզի գալիք բոլոր ժամանակներուն մէջ մարդիկ տեսնեն այն գերազանցօրէն մեծ շնորհքը, որ Աստուած ա՜յնքան բարութեամբ ցոյց տուաւ մեզի՝ Քրիստոս Յիսուսի անձին մէջ։

ԵՓԵՍԱՑԻՍ 3:1

Այս պատճառով ալ, ես՝ Պօղոս, բանտը կը գտնուիմ Յիսուս Քրիստոսի սիրոյն եւ ձեզի՝ հեթանոսներուդ համար։

ԵՓԵՍԱՑԻՍ 3:16

որպէսզի իր ճոխ փառքին համաձայն ձեզի զօրութիւն տայ՝ որ իր Հոգիովը ամրապնդուիք ներքնապէս,

ԵՓԵՍԱՑԻՍ 3:19

Այո՛, որպէսզի ճանչնաք Քրիստոսի սէրը, որ ոեւէ միտքի հասողութենէն վեր կը մնայ, որպէսզի լեցուիք Աստուծոյ ամբողջական լիութեամբը։

ԵՓԵՍԱՑԻՍ 3:2

Անշուշտ լսած էք, թէ Աստուած իր շնորհքին մատակարարումը ինծի վստահեցաւ՝ ձեզի օգնելու համար։

ՓԻԼԻՊՊԵՑԻՍ 2:3

Մի՛ ընէք ոեւէ բան որ հակառակասիրութենէ կամ փառասիրութենէ մղուած ըլլայ. այլ՝ խոնարհ ոգիով՝ ձեր ընկերները աւելի լաւ համարեցէք քան դուք ձեզ։

ՓԻԼԻՊՊԵՑԻՍ 4:19

Թող ամենառատն Աստուած ի՛նք փառաւորապէս հոգայ ձեր բոլոր պէտքերը, Քրիստոս Յիսուսի ձեռքով։

ԿՈՂՈՍԱՑԻՍ 1:27

Աստուած ուզեց անոնց ցոյց տալ՝ թէ ի՜նչ հարուստ ու փառաւոր է իր ծրագիրը, որ կը վերաբերի բոլոր ազգերուն. եւ այդ ծրագիրն է՝ Քրիստոսը ճանչցնել ձեզի, գալիք փառքին յոյսով։

ԱՌԱՋԻՆ ՏԻՄՈԹԷՈՍ 1:13

զիս՝ որ նախապէս կը հայհոյէի իրեն, կը հալածէի եւ կ՚անարգէի զինք։ Բայց ինք ողորմութիւն ցոյցտուաւ ինծի, որովհետեւ առանց գիտնալու կ՚ընէի, երբ տակաւին չէի հաւատացած իրեն։

ԱՌԱՋԻՆ ՏԻՄՈԹԷՈՍ 1:15

Մէկ բան որոշ է, եւ ամէն մարդ պէտք է գիտնայ, թէ Քրիստոս Յիսուս աշխարհ եկաւ մեղաւորները փրկելու համար. եւ առաջին մեղաւորը ես եմ։

ԱՌԱՋԻՆ ՏԻՄՈԹԷՈՍ 2:7

եւ նոյն այդ վկայութիւնը տալու համար է որ ես ալ քարոզիչ եւ առաքեալ կարգուեցայ, քրիստոնէական հաւատքը եւ ճշմարտութիւնը սորվեցնելու համար բոլոր հեթանոսներուն։ Եւ Քրիստոս ինք վկայ է՝ թէ ճշմարտութիւնը կ՚ըսեմ, առանց ստելու։

ԵՐԿՐՈՐԴ ՏԻՄՈԹԷՈՍ 1:11

Աստուած զիս առաքեալ եւ հեթանոսներուն ուսուցիչ կարգեց, որպէսզի այդ աւետիսը տամ անոնց.

ՅԱՅՏՆՈՒԹԻՒՆ 3:18

Ուստի քեզի հետեւեալ խորհուրդը կու տամ.– Կրակէն անցած զուտ ոսկի գնէ ինձմէ, որպէսզի հարստանաս, եւ ճերմակ հագուստներ առ՝ հագնելու համար, որպէսզի մերկութեանդ ամօթը ծածկես։ Նաեւ դեղ դիր աչքերուդ, որպէսզի տեսնես։