ԵՓԵՍԱՑԻՍ 3:6 - Western Armenian New Translation - Armenian Catholicosate of Cilicia - New Testament

⁶ Եւ Աստուծոյ ծրագիրը սա է, որ Աւետարանին միջոցաւ բոլոր ազգերն ալ Աստուծոյ ժողովուրդին ժառանգակից ըլլան, դառնան նոյն մարմինին անդամ, եւ բաժնեկից այն խոստումին՝ որ Աստուած իրագործեց Քրիստոս Յիսուսով։

Արեւմտահայերէն Նոր Կտակարան հարմարցուած․ 2017

⁶ որպէս զի հեթանոսները Քրիստոսով ժառանգակից ու մարմնակից եւ անոր խոստումին հաղորդ ըլլան աւետարանով.

Western Armenian Bible 1853

⁶ Որպէս զի հեթանոսները Քրիստոսով ժառանգակից ու մարմնակից եւ անոր խոստումին հաղորդ ըլլան աւետարանով.

ԵՓԵՍԱՑԻՍ 3:6 Iomraidhean Croise

ԱՌԱՋԻՆ ԿՈՐՆԹԱՑԻՍ 12:12

Ինչպէս մարմինը իր զանազան անդամներով մէկ ամբողջութիւն է, այսինքն՝ բոլոր անդամները միասին մէկ մարմին կը կազմեն, նոյնպէս է նաեւ Քրիստոս։

ԱՌԱՋԻՆ ԿՈՐՆԹԱՑԻՍ 12:27

Արդ, դուք թէպէտ առանձին–առանձին անդամներ էք, բայց միասնաբար կը կազմէք Քրիստոսի մարմինը։

ԳԱՂԱՏԱՑԻՍ 3:14

Քրիստոս խաչին վրայ կախուեցաւ՝ որպէսզի բոլոր ազգերը Աբրահամի խոստացուած օրհնութիւնը ունենան Քրիստոս Յիսուսով, եւ մենք անոր հաւատալով՝ խոստացուած Սուրբ Հոգին ստանանք։

ԳԱՂԱՏԱՑԻՍ 5:24

Եւ անոնք որոնք Քրիստոսի կը պատկանին՝ իրենց մարդկային կիրքերն ու ցանկութիւնները խաչին վրայ մահացուցին։

ԵՓԵՍԱՑԻՍ 3:3

Եւ յայտնութեամբ մը ինծի ցոյց տուաւ իր ծածուկ ծրագիրը, ինչպէս վերը համառօտակի գրեցի։

ԵՓԵՍԱՑԻՍ 5:30

որուն անդամներն ենք բոլորս, անոր մարմինէն ու ոսկորներէն։

ԵՓԵՍԱՑԻՍ 5:7

Ասկէ ետք ոեւէ յարաբերութիւն մի՛ ունենաք այնպիսիներուն հետ,

ԿՈՂՈՍԱՑԻՍ 2:19

Անոնք կապ չունին Գլուխին՝ Քրիստոսի հետ. մինչդեռ մարմինը՝ Քրիստոսի եկեղեցին, իր բոլոր յօդերով ու կապերով Գլուխին կապուած ու միացած, անկէ՛ կ՚առնէ իր աճումը, Աստուծոյ կամքին համաձայն։

ԱՌԱՋԻՆ ՅՈՎՀԱՆՆՈՒ 1:3

Ինչ որ տեսանք ու լսեցինք՝ կը պատմենք ձեզի, որպէսզի դո՛ւք ալ մասնակից դառնաք այն հաղորդակցութեան որ մենք ունինք Հօրը եւ անոր Որդիին՝ Յիսուս Քրիստոսի հետ,

ԱՌԱՋԻՆ ՅՈՎՀԱՆՆՈՒ 2:25

Եւ ասիկա նոյնինքն յաւիտենական կեանքն է, որ Քրիստոս մեզի տալ խոստացաւ։