ԵՓԵՍԱՑԻՍ 3:20 - Western Armenian New Translation - Armenian Catholicosate of Cilicia - New Testament

²⁰ Ուստի փա՜ռք Աստուծոյ. անոր՝ որ մեր մէջ ներգործող իր զօրութեամբ՝ միշտ ալ մեր խնդրածէն ու մեր խորհածէն շատ աւելին կ՚ընէ։

Արեւմտահայերէն Նոր Կտակարան հարմարցուած․ 2017

²⁰ Ան որ կարող է աւելի առատացնել ամէն բան քան որ մենք կը խնդրենք կամ կը խորհինք, այն զօրութիւնովը որ մեր մէջ կը ներգործուի,

Western Armenian Bible 1853

²⁰ Ան որ կարող է աւելի առատացնել ամէն բան քան որ մենք կը խնդրենք կամ կը խորհինք, այն զօրութիւնովը որ մեր մէջ կը ներգործուի,

ԵՓԵՍԱՑԻՍ 3:20 Iomraidhean Croise

ՄԱՏԹԷՈՍ 3:9

Դուք ձեզի մի՛ խորհիք թէ կրնաք պատիժէն ազատիլ, ըսելով. «Մենք Աբրահամի որդիներ ենք»։ Կ՚ըսեմ ձեզի, որ Աստուած այս քարերէն ալ կրնայ Աբրահամի որդիներ հանել։

ՅՈՎՀԱՆՆՈԻ 10:10

Գողը կու գայ միայն գողնալու, սպաննելու եւ փճացնելու համար։ Ես եկայ՝ որպէսզի կեանք ունենան, եւ լեցուն կեանք ունենան։

ՀՌՈՎՄԱՅԵՑԻՍ 16:25

Փա՜ռք տանք Աստուծոյ, որ կրնայ ձեզ ձեր հաւատքին մէջ հաստատուն պահել այն Աւետարանով՝ որ ձեզի բերի Յիսուս Քրիստոսը քարոզելով։ Այդ Աւետարանը յայտնութիւնն է Աստուծոյ փրկութեան ծրագիրին, որ անցեալ բոլոր ժամանակներուն մէջ ծածուկ մնացած էր։

ՀՌՈՎՄԱՅԵՑԻՍ 4:21

այն հաստատ համոզումով՝ թէ Աստուած որ խոստացաւ՝ կրնայ նաեւ կատարել։

ԱՌԱՋԻՆ ԿՈՐՆԹԱՑԻՍ 2:9

Սակայն, ինչպէս գրուած է.– «Աստուած զինք սիրողներուն համար պատրաստեց այնպիսի փառք մը, որ ոեւէ աչք չէ տեսած, ոեւէ ականջ չէ լսած, եւ ոեւէ մէկուն միտքէն իսկ չէ անցած»։

ԵՐԿՐՈՐԴ ԿՈՐՆԹԱՑԻՍ 9:8

Եւ Աստուած կրնայ ամէն պարգեւ տալ ձեզի առատօրէն, որպէսզի միշտ ալ ունենաք այնքան՝ որքան պիտի բաւէր ձեր բոլոր կարիքներուն եւ աւելնար՝ ամէն տեսակի բարի գործերու յատկացուելու։

ԵՓԵՍԱՑԻՍ 1:19

եւ ի՜նչ գերազանց ու մեծ է այն ոյժը, կարողութիւնն ու զօրութիւնը, որ կը ներգործէ հաւատացեալներուս մէջ։

ԵՓԵՍԱՑԻՍ 3:7

Եւ այդ Աւետարանին սպասաւոր եղայ Աստուծոյ ձրի շնորհքովը, որ Աստուած իր ներգործող զօրութեամբը ինծի տուաւ։

ԿՈՂՈՍԱՑԻՍ 1:29

Ատոր համար է որ կ՚աշխատիմ ու կը պայքարիմ, այն ոյժովը՝ որ իմ մէջս կը գործէ զօրեղապէս։

ԱՌԱՋԻՆ ՏԻՄՈԹԷՈՍ 1:14

Մեր Տէրը իր շնորհքով ողողեց զիս, տալով այն հաւատքն ու սէրը որ մենք՝ Քրիստոս Յիսուսի միացածներս ունինք։

ԵԲՐԱՅԵՑԻՍ 11:19

Աբրահամ նկատի առաւ, որ Աստուած մեռելներէն ալ կրնայ յարուցանել Իսահակը. ուստի իբրեւ մեռելներու յարութեան օրինակ՝ ետ ստացաւ իր զաւակը։

ԵԲՐԱՅԵՑԻՍ 7:25

Ուստի նաեւ կրնայ վերջնականապէս փրկել անոնք՝ որոնք իր միջոցաւ Աստուծոյ կու գան, որովհետեւ միշտ կենդանի ըլլալով՝ տեւաբար բարեխօս կ՚ըլլայ անոնց համար։

ՅԱԿՈԲՈՒ 4:12

Միակ Օրէնսդիրն ու Դատաւորը, որ իշխանութիւն ունի փրկելու կամ կորուստի մատնելու՝ Աստուած է։ Դուն ո՞վ ես որ քու ընկերդ կը դատես։

ԵՐԿՐՈՐԴ ՊԵՏՐՈՍԻ 1:11

եւ այդպիսով ձեզի լայնօրէն իրաւասութիւն կը տրուի մտնելու մեր Տիրոջ եւ Փրկչին՝ Յիսուս Քրիստոսի յաւիտենական արքայութիւնը։

ՅՈՒԴԱՅԻ 1:24

Արդ, անոր՝ որ կրնայ ձեզ անկումներէ փրկել, պահել անարատ եւ անբիծ, եւ անխառն ուրախութեամբ լեցուն՝ իր փառաւոր ներկայութեան կանգնեցնել,