ԵՓԵՍԱՑԻՍ 3:1 - Western Armenian New Translation - Armenian Catholicosate of Cilicia - New Testament

¹ Այս պատճառով ալ, ես՝ Պօղոս, բանտը կը գտնուիմ Յիսուս Քրիստոսի սիրոյն եւ ձեզի՝ հեթանոսներուդ համար։

Արեւմտահայերէն Նոր Կտակարան հարմարցուած․ 2017

¹ Ուստի ես՝ Պօղոսս՝ Յիսուս Քրիստոսին բանտարկեալը ձեզի հեթանոսներուդ համար,

Western Armenian Bible 1853

¹ Ուստի ես՝ Պօղոսս՝ Յիսուս Քրիստոսին բանտարկեալը ձեզի հեթանոսներուդ համար,

ԵՓԵՍԱՑԻՍ 3:1 Iomraidhean Croise

ՂՈԻԿԱՍ 21:12

Բայց այս բոլորէն առաջ ձեզ պիտի ձերբակալեն եւ հալածեն, ձեզ պիտի դատեն ժողովարաններու մէջ եւ բանտ նետեն. իմ պատճառովս ձեզ պիտի տանին թագաւորներու եւ կառավարիչներու դիմաց։

ԳՈՐԾՔ ԱՌԱՔԵԼՈՑ 21:33

Այն ատեն հազարապետը մօտեցաւ, բռնեց զայն եւ հրամայեց որ զոյգ շղթաներով կապեն։ Ապա սկսաւ հարցնել թէ ո՞վ է եւ ի՞նչ ըրած է։

ԳՈՐԾՔ ԱՌԱՔԵԼՈՑ 23:18

Հարիւրապետը զայն հազարապետին տարաւ եւ ըսաւ. –Բանտարկեալ Պօղոսը զիս կանչեց եւ խնդրեց որ այս պատանին քեզի բերեմ, որովհետեւ քեզի ըսելիք մը ունի։

ԳՈՐԾՔ ԱՌԱՔԵԼՈՑ 26:29

Եւ Պօղոս ըսաւ. –Քի՞չ կը մնայ թէ շատ՝ չեմ գիտեր։ Բայց Աստուծմէ պիտի խնդրէի՝ որ ոչ միայն դուն, այլ բոլոր անոնք որոնք այսօր զիս կը լսեն՝ ճիշդ ինծի պէս ըլլային, սակայն առանց այս շղթաներուն։

ԳՈՐԾՔ ԱՌԱՔԵԼՈՑ 9:15

Տէրը ըսաւ անոր. –Դուն գնա՛, որովհետեւ ես զայն իբրեւ գործիք ընտրեր եմ, որպէսզի իմ անունս ճանչցնէ հեթանոսներուն, թագաւորներու եւ Իսրայէլի զաւակներուն։

ԵՐԿՐՈՐԴ ԿՈՐՆԹԱՑԻՍ 1:6

Մենք նեղութեանց կ՚ենթարկուինք՝ ձեզի օգնելու եւ Աստուծոյ փրկութիւնը ձեզի բերելու համար. եւ եթէ Աստուած կ՚օգնէ մեզի՝ կրկին ձեզի օգնելու համար է, որպէսզի մեր օրինակով սորվիք, թէ Աստուած ձեզ ալ պիտի զօրացնէ՝ որ համբերութեամբ կարենաք տանիլ այն չարչարանքները որ մենք հիմա կը կրենք։

ԵՐԿՐՈՐԴ ԿՈՐՆԹԱՑԻՍ 10:1

Ես, Պօղոս, Քրիստոսիհեզութեամբեւքաղցրութեամբ կը խնդրեմ ձեզմէ.– Կան մարդիկ, որոնք կ՚ըսեն՝ թէ երբ ձեր դիմաց եւ ձեր մէջ կը գտնուիմ՝ կը խեղճանամ, մինչդեռ երբ հեռու եմ՝ խիստ եմ ձեզի հանդէպ։

ԵՐԿՐՈՐԴ ԿՈՐՆԹԱՑԻՍ 11:23

Քրիստոսի ծառանե՞րն են. աւելի մեծ յիմարութեամբ կրնամ ըսել՝ թէ ես շա՛տ աւելի Քրիստոսի ծառան եմ։ Իրենցմէ աւելի աշխատած եմ, իրենցմէ աւելի բանտարկուած, շատ աւելի ծեծ կերած եւ բազմաթիւ անգամներ մինչեւ մահուան դուռը հասած։

ԳԱՂԱՏԱՑԻՍ 5:11

Գալով ինծի, եղբայրնե՛ր, եթէ ես ալ տակաւին թլփատուիլ կը քարոզեմ, ինչպէս ոմանք կ՚ըսեն, ալ ինչո՞ւ կը հալածուիմ. չէ՞ որ այդ պարագային խաչի վրայ Քրիստոսի մահը կը դադրի գայթակղութիւն ըլլալէ։

ԳԱՂԱՏԱՑԻՍ 5:2

Ահա ես՝ Պօղոսս կ՚ըսեմ ձեզի, որ եթէ թլփատուիք՝ Քրիստոս ձեզի օգուտ մը չ՚ունենար։

ԳԱՂԱՏԱՑԻՍ 5:24

Եւ անոնք որոնք Քրիստոսի կը պատկանին՝ իրենց մարդկային կիրքերն ու ցանկութիւնները խաչին վրայ մահացուցին։

ԵՓԵՍԱՑԻՍ 3:11

այնպէս՝ ինչպէս Աստուած սկիզբէն նախասահմանած էր, եւ ինչպէս որ զայն իրագործեց մեր Տիրոջ՝ Յիսուս Քրիստոսի ձեռքով։

ԵՓԵՍԱՑԻՍ 3:13

Ուստի կ՚աղաչեմ որ չընկճուիք, տեսնելով այն նեղութիւնները որ ես ձեզի համար յանձն առած եմ, եւ որոնք ձեր փառքն են։

ԵՓԵՍԱՑԻՍ 3:8

Այո՛, ինծի՝ որ Աստուծոյ ժողովուրդին մէջ յետիններուն յետինն եմ՝ Աստուած այս շնորհքը տուաւ, որպէսզի բոլոր ազգերուն աւետիս տամ՝ թէ ի՛նչպիսի աներեւակայելի գանձ մըն է Քրիստոս,

ԵՓԵՍԱՑԻՍ 4:1

Արդ, ես՝ որ Տիրոջ համար բանտը կը գտնուիմ՝ կ՚աղաչեմ, ապրեցէք այնպէս՝ ինչպէս կը վայելէ ձեր կոչումին, որուն հրաւիրեց ձեզ Աստուած։

ԵՓԵՍԱՑԻՍ 6:20

Որովհետեւ թէպէտ այժմ բանտի մէջ, բայց Աւետարանին դեսպանը կը մնամ միշտ։ Ուստի աղօթեցէք որ ինծի չպակսի համարձակութիւնը որ պէտք է ունենամ՝ խօսելու համար։

ՓԻԼԻՊՊԵՑԻՍ 1:7

Իրաւունք կը համարեմ այսպէս խորհիլ ձեր բոլորին մասին, եւ ձեզ սրտիս մէջ ունիմ, որովհետեւ բոլորդ ալ մասնակից եղաք ինծի վիճակուած շնորհքին, ըլլա՛յ բանտարկութեանս ընթացքին, ըլլա՛յ երբ ազատ վիճակով Աւետարանը կը պաշտպանէի ու կը հաստատէի։

ԿՈՂՈՍԱՑԻՍ 1:24

Եւ հիմա, ուրախ եմ չարչարանքներուս մէջ, որ ձեր սիրոյն կը կրեմ, որովհետեւ Քրիստոսի կրած նեղութիւններուն պակասը իմ մարմինիս մէջ կ՚ամբողջացնեմ՝ անոր մարմինին համար, որ եկեղեցին է։

ԿՈՂՈՍԱՑԻՍ 4:18

Ես՝ Պօղոս, այս բարեւը իմ ձեռքովս կը գրեմ։ Յիշեցէ՛ք կապանքներս։ Աստուծոյ շնորհքը ձեզի հետ ըլլայ։

ԿՈՂՈՍԱՑԻՍ 4:3

Միեւնոյն ատեն աղօթեցէք նաեւ մեզի համար, որպէսզի Աստուած իր խօսքը քարոզե— լու լայն պատեհութիւն տայ մեզի, եւ կարենանք պարզել Քրիստոսի ծածուկ ծրագիրը, որուն համար բանտը կը գտնուիմ։

ԵՐԿՐՈՐԴ ՏԻՄՈԹԷՈՍ 1:16

Գալով Ոնեսիֆորոսին, թող Աստուած ի՛նք վարձատրէ անոր ընտանիքը, որովհետեւ բազմաթիւ անգամներ զիս ուրախացուց։ Չվախցաւ բանտ գալու,

ԵՐԿՐՈՐԴ ՏԻՄՈԹԷՈՍ 1:8

Հետեւաբար մի՛ վախնար մեր Տիրոջ մասին վկայութիւն տալու. մի՛ վախնար նաեւ խօսելու իմ մասիս, որ Տիրոջ համար բանտարկուած եմ։ Այլ՝ ինծի պէս յանձն առ Աւետարանին սիրոյն չարչարուիլ, որքան որ կարողութիւն տայ Աստուած,

ՓԻԼԻՄՈՆ 1:1

Ես՝ Պօղոս, որ Յիսուս Քրիստոսի համար բանտը կը գտնուիմ, եւ մեր եղբայրը՝ Տիմոթէոս, կը գրենք քեզի, սիրելի՛ Փիլիմոն, մեր գործակիցը.

ՓԻԼԻՄՈՆ 1:23

Քեզի բարեւ ունի Եպաֆրասը, որ Քրիստոս Յիսուսի համար բանտարկուած է ինծի հետ։

ՓԻԼԻՄՈՆ 1:9

բայց սէրը կը ստիպէ որ աղաչեմ, ես՝ Պօղոսս, որ ծերացած մարդ մըն եմ եւ հիմա բանտը կը գտնուիմ Յիսուս Քրիստոսի համար։

ՅԱՅՏՆՈՒԹԻՒՆ 2:10

Մի՛ վախնար այն չարչարանքներուն համար, որ պիտի կրես։ Ահա Բանսարկուն ձեզմէ ոմանք բանտ պիտի նետէ՝ ձեզ փորձելու համար, եւ ձեր նեղութիւնը տասը օր պիտի տեւէ։ Հաւատարիմ եղիր ինծի, նոյնիսկ եթէ մեռնիլ պէտք է, եւ ես քեզի կեանքի պսակը պիտի տամ»։