ԵՓԵՍԱՑԻՍ 2:3 - Western Armenian New Translation - Armenian Catholicosate of Cilicia - New Testament

³ Ժամանակ մը մենք բոլորսալ նոյնպէս անհնազանդ էինք եւ մարդկային բնութեան յատուկ ցանկութիւններով կ՚ապրէինք՝ մեր մարմինին ու մտքին բոլոր փափաքները կատարելով, եւ իրապէս Աստուծոյ պատիժին արժանի էինք, միւսներուն պէս։

Արեւմտահայերէն Նոր Կտակարան հարմարցուած․ 2017

³ Անոնց մէջ մենք ամէնքս ալ կը պտըտէինք մեր մարմնին ցանկութիւններովը եւ մարմնին ու մտքին ուզածը կը կատարէինք եւ բնութեամբ բարկութեան որդիներ էինք՝ ինչպէս ուրիշներ.

Western Armenian Bible 1853

³ Անոնց մէջ մենք ամէնքս ալ կը պտըտէինք մեր մարմնին ցանկութիւններովը եւ մարմնին ու մտքին ուզածը կը կատարէինք եւ բնութեամբ բարկութեան որդիներ էինք՝ ինչպէս ուրիշներ.

ԵՓԵՍԱՑԻՍ 2:3 Iomraidhean Croise

ՄԱՐԿՈՍ 4:19

սակայն երկրաւոր կեանքի հոգերը, հարստութեան հրապոյրը եւ ուրիշ տեսակի ցանկութիւններ զիրենք կը գրաւեն ու կը խեղդեն իրենց մէջ ինկած սերմերը, եւ անպտուղ կը դառնան։

ՅՈՎՀԱՆՆՈԻ 1:13

ո՛չ արեան ճամբով եւ ո՛չ մարմինի կամ մարդկային կամքով, այլ՝ Աստուծմէ ծնելով։

ՅՈՎՀԱՆՆՈԻ 8:44

Դուք ձեր հօր՝ Սատանային զաւակներն էք եւ անոր ցանկութիւնները կատարել կ՚ուզէք։ Անիկա սկիզբէն մարդասպան էր եւ ճշմարտութեան կողմնակից չէ եղած բնաւ, որովհետեւ անոր մէջ ճշմարտութիւն չկայ։ Երբ սուտ խօսի՝ իր նկարագիրը ցոյց կու տայ, քանի որ ստախօս մըն է եւ սուտին հայրը։

ԳՈՐԾՔ ԱՌԱՔԵԼՈՑ 14:16

Անիկա անցեալ ժամանակներուն թոյլ տուաւ որ իւրաքանչիւր ազգ իր ճամբով երթայ։

ՀՌՈՎՄԱՅԵՑԻՍ 1:24

Այդ պատճառով ալ Աստուած թոյլ տուաւ, որ իրենց սրտի ցանկութիւններով պղծութեան յանձնուին եւ իրենք իրենց մարմինը անպատուեն,

ՀՌՈՎՄԱՅԵՑԻՍ 11:30

Որովհետեւ, ինչպէս որ դուք ժամանակ մը անհնազանդ էիք Աստուծոյ, իսկ հիմա Աստուծոյ ողորմութեան արժանացաք անոնց անհնազանդութեամբը,

ՀՌՈՎՄԱՅԵՑԻՍ 13:14

Տէր Յիսուս Քրիստոսի նկարագիրը ձեր վրայ առէք, եւ մարմնի ցանկութիւնները կատարելու հետամուտ մի՛ ըլլաք։

ՀՌՈՎՄԱՅԵՑԻՍ 2:14

Օրինակ, հեթանոսները Աստուծոյ Օրէնքը չունին. բայց երբ բնականօրէն Օրէնքին պահանջները կը գործադրեն, Օրէնքը չունենալով՝ նոյնինքն իրենք են իրենց Օրէնքը։

ՀՌՈՎՄԱՅԵՑԻՍ 5:10

Որովհետեւ, եթէ Աստուած իր Որդիին մահովը մեզ իր հետ հաշտեցուց դեռ այն ատեն՝ երբ տակաւին թշնամի էինք իրեն, հիմա որ ա՛լ հաշտուած ենք՝ որքա՜ն աւելի վստահութեամբ կրնանք ըսել՝ թէ պիտի փրկուինք Քրիստոսի կեանքով։

ՀՌՈՎՄԱՅԵՑԻՍ 5:9

Իսկ հիմա որ իր արիւնով արդարացած ենք՝ որքա՜ն աւելի վստահութեամբ կրնանք ըսել՝ թէ Քրիստոսով պիտի փրկուինք Աստուծոյ բարկութենէն։

ՀՌՈՎՄԱՅԵՑԻՍ 6:12

Այսուհետեւ մեղքը թող չթագաւորէ ձեր մահկանացու մարմիններուն մէջ, զանոնք իր ցանկութեանց հնազանդեցնելով։

ՀՌՈՎՄԱՅԵՑԻՍ 7:18

Գիտեմ որ իմ մէջս, այսինքն իմ մարմինիս մէջ ոեւէ բարի բան չկայ։ Բարին կամենալը ձեռքս է, բայց չեմ յաջողիր զայն կատարել։

ՀՌՈՎՄԱՅԵՑԻՍ 9:22

Արդ, Աստուած իր բարկութիւնը ցոյց տալ եւ իր զօրութիւնը ճանչցնել ուզելով՝ մեծ համբերատարութեամբ համբերեց բարկութեան արժանի մարդոց, որոնք կորուստի դատապարտուած են,

ԱՌԱՋԻՆ ԿՈՐՆԹԱՑԻՍ 4:7

Ոեւէ մէկէն տարբեր բան մը չես. եւ եթէ Աստուծմէ առած ես՝ ինչո՞ւ կը պարծենաս, մէկու մը պէս՝ որ կը խորհի թէ Աստուծմէ բան առած չէ։

ԵՐԿՐՈՐԴ ԿՈՐՆԹԱՑԻՍ 7:1

Սիրելինե՛ր, այս խոստումները մեզի եղած են։ Ուստի հեռո՛ւ մնանք մարմնական եւ հոգեկան ամէն պղծութենէ, մենք մեզ կատարելապէս մաքրենք՝ Աստուծոյ երկիւղովը ապրելով։

ԳԱՂԱՏԱՑԻՍ 3:22

Մինչդեռ Սուրբ գիրքը ցոյց կու տայ, որ ամբողջ աշխարհը ենթակայ է մեղքին, որպէսզի Աստուծոյ օրհնութիւնը ժառանգելու խոստումը հիմնուի Յիսուս Քրիստոսի հաւատքին վրայ եւ տրուի անոնց՝ որոնք կը հաւատան։

ԵՓԵՍԱՑԻՍ 2:2

Այդ մեղքերով կ՚ապրէիք, այս աշխարհի սովորութեան համաձայն, ենթարկուելով Սատանային, որ մթնոլորտին մէջ գործող ոգեղէն ոյժերուն իշխանն է, եւ ներկայիս կը գործէ Աստուծոյ անհնազանդ մարդոց մէջ։

ԵՓԵՍԱՑԻՍ 4:22

Ուստի մոռցէ՛ք ձեր հին ինքնութիւնը, այսինքն՝ ձեր նախկին ապրելակերպը, որ խաբուսիկ ցանկութիւններով ապականած էր,

ԿՈՂՈՍԱՑԻՍ 1:21

Դուք ալ ժամանակին Աստուծմէ օտարացած էիք եւ թշնամացած իրեն՝ ձեր մտածելակերպով ու չար գործերով։

ԱՌԱՋԻՆ ԹԵՍԱՂՈՆԻԿԵՑԻՍ 4:13

Եղբայրնե՛ր, կ՚ուզենք որ մեռածներուն մասին ճշմարտութիւնը գիտնաք, որպէսզի չտրտմիք ուրիշներուն պէս, որոնք ոեւէ յոյս չունին։

ԱՌԱՋԻՆ ԹԵՍԱՂՈՆԻԿԵՑԻՍ 5:6

Հետեւաբար քունով չտարուինք ուրիշներուն նման, այլ՝ արթուն եւ զգաստ ըլլանք,

ԱՌԱՋԻՆ ՏԻՄՈԹԷՈՍ 6:9

Իսկ անոնք որ հարստանալ կ՚ուզեն՝ փորձութեան եւ թակարդի մէջ կ՚իյնան։ Կը բռնուին շատ մը անմիտ ու վնասակար ցանկութիւններով, որոնք մարդիկը մահուան եւ կորուստի անդունդը կը գլորեն։

ՏԻՏՈՍԻՆ 3:3

Որովհետեւ ժամանակին մենք ալ անմիտ էինք, Աստուծոյ անհնազանդ, եւ մոլորած։ Պէս–պէս ցանկութեանց եւ անառակ հաճոյքներու գերին դարձած՝ կ՚ապրէինք չարութեամբ ու նախանձով, ատելի էինք ուրիշներուն եւ կ՚ատէինք իրար։

ԱՌԱՋԻՆ ՊԵՏՐՈՍԻ 1:14

Աստուծոյ հնազանդ զաւակներ եղէք, եւ մի՛ առաջնորդուիք անցեալի ցանկութիւններով, որոնցմով կ՚ապրէիք՝ երբ տակաւին Քրիստոսը չէիք ճանչնար։

ԵՐԿՐՈՐԴ ՊԵՏՐՈՍԻ 2:14

Իրենց աչքերը շնացող կիներ միայն կը փնտռեն եւ չեն յագենար մեղք գործելէ։ Այդ անիծեալները տկար մարդիկ կը փնտռեն՝ խաբելու համար, եւ իրենց խելքն ու միտքը դրամ դիզելն է։

ԵՐԿՐՈՐԴ ՊԵՏՐՈՍԻ 2:18

Որովհետեւ իմաստէ զուրկ մեծ–մեծ խօսքերով եւ մարմնական անառակ ցանկութիւններ գրգռելով՝ կը մոլորեցնեն անոնք, որոնք հազիւ փախած էին ուրիշ մոլորութեանց մէջ ապրող մարդոցմէ։

ԱՌԱՋԻՆ ՅՈՎՀԱՆՆՈՒ 2:16

Որովհետեւ աշխարհին յատուկ բաներն են՝ մարմինի ցանկութիւնը, աչքին տեսածը ունենալու ցանկութիւնը եւ երկրաւոր ինչքերով հպարտանալը, որոնք Հօրմէն չեն գար, այլ՝ այս աշխարհէն։

ԱՌԱՋԻՆ ՅՈՎՀԱՆՆՈՒ 2:8

Եւ սակայն դարձեալ իբրեւ նոր պատուիրան կը գրեմ ձեզի հետեւեալը, որուն ճշմարիտ ըլլալը տեսաք Քրիստոսի եւ ձեր կեանքերուն մէջ, թէ՝ ահա խաւարը կ՚անցնի եւ արդէն իսկ ճշմարիտ լոյսը կ՚երեւի։