ԵՓԵՍԱՑԻՍ 2:2 - Western Armenian New Translation - Armenian Catholicosate of Cilicia - New Testament

² Այդ մեղքերով կ՚ապրէիք, այս աշխարհի սովորութեան համաձայն, ենթարկուելով Սատանային, որ մթնոլորտին մէջ գործող ոգեղէն ոյժերուն իշխանն է, եւ ներկայիս կը գործէ Աստուծոյ անհնազանդ մարդոց մէջ։

Արեւմտահայերէն Նոր Կտակարան հարմարցուած․ 2017

² Անոնց մէջ ժամանակին կը քալէիք այս աշխարհին բռնած ճամբովը, այս օդին իշխանութեանը իշխանին ուզածին պէս, այն ոգիին՝ որ հիմա ապստամբութեան որդիներուն ներսիդին կը ներգործէ։

Western Armenian Bible 1853

² Անոնց մէջ ժամանակին կը քալէիք այս աշխարհին բռնած ճամբովը, այս օդին իշխանութեանը իշխանին ուզածին պէս, այն ոգիին՝ որ հիմա ապստամբութեան որդիներուն ներսիդին կը ներգործէ։

ԵՓԵՍԱՑԻՍ 2:2 Iomraidhean Croise

ՄԱՏԹԷՈՍ 11:19

Մարդու Որդին եկաւ, կ՚ուտէ ու կը խմէ, եւ կ՚ըսեն. «Ուտող ու խմող է այս մարդը, մաքսաւորներուն եւ մեղաւորներուն՝ բարեկամ»։ Բայց արդարութեան հետեւորդները կրնան հասկնալ Աստուծոյ իմաստութիւնը։

ՄԱՏԹԷՈՍ 13:22

Փուշերով ծածկուած հողը կը նմանի այն մարդուն, որ Աստուծոյ խօսքը կը լսէ, սակայն երկրաւոր կեանքի հոգերը եւ հարստութեան հրապոյրը կը խեղդեն Աստուծոյ խօսքը, որ անպտուղ կը դառնայ իր մէջ։

ՄԱՏԹԷՈՍ 13:38

եւ արտը աշխարհն է։ Լաւ սերմերը այն մարդիկն են, որոնք արքայութեան հետեւորդներն են, իսկ որոմը՝ անոնք որոնք չարին հետեւորդներն են։

ՄԱՐԿՈՍ 4:19

սակայն երկրաւոր կեանքի հոգերը, հարստութեան հրապոյրը եւ ուրիշ տեսակի ցանկութիւններ զիրենք կը գրաւեն ու կը խեղդեն իրենց մէջ ինկած սերմերը, եւ անպտուղ կը դառնան։

ՂՈԻԿԱՍ 16:8

Տէրը ասիկա լսելով՝ գովեց անիրաւ տնտեսը իր հնարամտութեան համար։ Որովհետեւ այս աշխարհի մարդիկը իրարու հանդէպ իրենց վարմունքին մէջ աւելի ճարպիկ են քան լոյսի որդիները։

ՂՈԻԿԱՍ 22:31

Ապա Տէրը ըսաւ. – Սիմո՛ն, Սիմո՛ն, ահա Սատանան ուզեց ձեզ ցորենի պէս մաղէ անցընել.

ՅՈՎՀԱՆՆՈԻ 12:31

Հիմա կը սկսի այս աշխարհի դատաստանը։ Հիմա այս աշխարհի իշխանը դուրս պիտի նետուի։

ՅՈՎՀԱՆՆՈԻ 13:2

Երբ Յիսուս եւ իր աշակերտները ընթրիք կ՚ընէին, Սատանան արդէն իսկ Իսկարիոտացի Սիմոնի որդիին՝ Յուդայի մտքին մէջ դրած էր Յիսուսը մատնելու խորհուրդը։

ՅՈՎՀԱՆՆՈԻ 13:27

Յուդա հազիւ պատառը առած՝ Սատանան իր մէջ մտաւ։ Յիսուս ըսաւ անոր. – Ինչ որ պիտի ընես՝ շուտով ըրէ։

ՅՈՎՀԱՆՆՈԻ 14:30

Այլեւս երկար պիտի չխօսիմ ձեզի, որովհետեւ ահա կու գայ այս աշխարհի իշխանը, որ իմ վրաս ո՛չ մէկ իշխանութիւն ունի։

ՅՈՎՀԱՆՆՈԻ 15:19

Եթէ այս աշխարհին պատկանած ըլլայիք՝ աշխարհը ձեզ պիտի սիրէր, որպէս իրմէ եղող մէկը։ Բայց աշխարհը ձեզ կ՚ատէ, որովհետեւ ես ձեզ այս աշխարհէն զատեցի, եւ դուք այս աշխարհին չէք պատկանիր այլեւս։

ՅՈՎՀԱՆՆՈԻ 16:11

եւ չարին դատաստանը՝ որովհետեւ Սատանան, այս աշխարհի իշխանը, արդէն իսկ դատապարտուած է։

ՅՈՎՀԱՆՆՈԻ 7:7

Աշխարհը ձեզ չի կրնար ատել, բայց զիս կ՚ատէ, որովհետեւ աշխարհի մասին երբ կը խօսիմ՝ կը վկայեմ թէ մարդոց գործերը չար են։

ՅՈՎՀԱՆՆՈԻ 8:23

Յիսուս պատասխանեց. – Դուք այս աշխարհին կը պատկանիք, բայց ես վերէն կու գամ. դուք այս աշխարհէն էք, բայց ես այս աշխարհէն չեմ։

ՅՈՎՀԱՆՆՈԻ 8:44

Դուք ձեր հօր՝ Սատանային զաւակներն էք եւ անոր ցանկութիւնները կատարել կ՚ուզէք։ Անիկա սկիզբէն մարդասպան էր եւ ճշմարտութեան կողմնակից չէ եղած բնաւ, որովհետեւ անոր մէջ ճշմարտութիւն չկայ։ Երբ սուտ խօսի՝ իր նկարագիրը ցոյց կու տայ, քանի որ ստախօս մըն է եւ սուտին հայրը։

ԳՈՐԾՔ ԱՌԱՔԵԼՈՑ 19:35

Քաղաքին քարտուղարը ամբոխը լռեցուց եւ ըսաւ. –Ո՜վ Եփեսացիներ, կա՞յ մէկը որ չի գիտեր թէ Եփեսոսը պահապանն է մեծ Արտեմիսի մեհեանին եւ երկինքէն ինկած անոր պատկերին։

ԳՈՐԾՔ ԱՌԱՔԵԼՈՑ 5:3

Պետրոս հարցուց. –Անանիա՛, ինչո՞ւ Սատանային փորձութեան տեղի տուիր եւ յանդգնեցար Սուրբ Հոգին խաբել՝ արտին դրամին մէջէն մաս մը վերցնելով։

ՀՌՈՎՄԱՅԵՑԻՍ 12:2

Այս աշխարհի մարդոց վարմունքը մի՛ ընդօրինակէք, այլ նորոգուած միտքերով նոր մարդ եղէք, որպէսզի ձեր փորձառութեամբ ընտրէք լաւը, գիտնալով Աստուծոյ կամքը, այսինքն՝ ինչ որ բարի է, ընդունելի է իրեն եւ կատարեալ։

ԱՌԱՋԻՆ ԿՈՐՆԹԱՑԻՍ 5:10

Բայց յստակ է որ խօսքս հեթանոս աշխարհին անբարոյ մարդոց կամ ագահներուն կամ յափշտակողներուն կամ կռապաշտներուն մասին չէր. այլապէս ստիպուած պիտի ըլլայիք այս աշխարհէն հեռանալու։

ԱՌԱՋԻՆ ԿՈՐՆԹԱՑԻՍ 6:11

Եւ ձեզմէ ոմանք այդպիսին չէի՞ն։ Բայց ձեր մեղքերէն լուացուեցաք, սրբուեցաք, արդարացաք մեր Տիրոջ Յիսուս Քրիստոսի անունով եւ մեր Աստուծոյ Հոգիին միջոցաւ։

ԵՐԿՐՈՐԴ ԿՈՐՆԹԱՑԻՍ 4:4

Այս աշխարհի “աստուած” ը նկատուած Սատանան կուրցուցած է այդ անհաւատներուն միտքը, որպէսզի չըլլայ որ Աւետարանին բերած լոյսը ծագի անոնց մէջ, այսինքն՝ տեսնեն փառքը Քրիստոսի, որ անտեսանելի Աստուծոյ պատկերն է։

ԳԱՂԱՏԱՑԻՍ 1:4

որ իր անձը տուաւ մեր մեղքերուն համար, որպէսզի Աստուծոյ՝ մեր Հօրը կամքով մեզ ազատէ ներկայ չար աշխարհէն։

ԵՓԵՍԱՑԻՍ 1:21

ոգեղէն աշխարհի բոլոր իշխանութիւններէն ու պետութիւններէն, զօրութիւններէն ու տէրութիւններէն գերիվեր, եւ դեռ ուրիշ անուններով ծանօթ բոլոր իշխանութիւններուն վրայ, թէ՛ ներկայ աշխարհին մէջ եւ թէ՛ գալիքին։

ԵՓԵՍԱՑԻՍ 2:11

Ուստի յիշեցէք, որ ժամանակ մը դուք ալ հեթանոս էիք մարմնով. այսինքն «անթլփատ» էիք, ինչպէս որ ձեզ կը կոչէին Հրեաները, որոնք մարմնաւորապէս թլփատուած են։

ԵՓԵՍԱՑԻՍ 2:13

Բայց հիմա որ Յիսուս Քրիստոսի միացաք, դուք՝ որ ժամանակ մը խորթ էիք Աստուծոյ՝ հարազատ դարձաք Քրիստոսիզոհագործումովը։

ԵՓԵՍԱՑԻՍ 2:3

Ժամանակ մը մենք բոլորսալ նոյնպէս անհնազանդ էինք եւ մարդկային բնութեան յատուկ ցանկութիւններով կ՚ապրէինք՝ մեր մարմինին ու մտքին բոլոր փափաքները կատարելով, եւ իրապէս Աստուծոյ պատիժին արժանի էինք, միւսներուն պէս։

ԵՓԵՍԱՑԻՍ 4:17

Արդ, Տիրոջ կողմէ կ՚ազդարարեմ ձեզի.– Չըլլայ որ կրկին դառնաք այն կենցաղին, որով հեթանոսները կ՚ապրին անմտօրէն։

ԵՓԵՍԱՑԻՍ 4:22

Ուստի մոռցէ՛ք ձեր հին ինքնութիւնը, այսինքն՝ ձեր նախկին ապրելակերպը, որ խաբուսիկ ցանկութիւններով ապականած էր,

ԵՓԵՍԱՑԻՍ 5:6

Հետեւաբար, չըլլայ որ ոեւէ մէկը պարապ խօսքերով ձեզ խաբէ. որովհետեւ այս բաներուն համար Աստուած իր բարկութիւնը պիտի թափէ անհնազանդ մարդոց վրայ։

ԵՓԵՍԱՑԻՍ 5:8

որովհետեւ թէպէտ ժամանակ մը խաւար էիք, սակայն հիմա որ Տիրոջ միացաք՝ լոյս էք։ Հետեւաբար լոյսի որդիներուն վայել ձեւով ապրեցէք.

ԵՓԵՍԱՑԻՍ 6:12

Որովհետեւ մեր պատերազմը մարդոց հետ չէ, այլ՝ երկինքի տակ գտնուող չար ոգիներուն, իշխանութիւններուն եւ պետութիւններուն, այս խաւար աշխարհի տիրակալներուն դէմ։

ԿՈՂՈՍԱՑԻՍ 1:21

Դուք ալ ժամանակին Աստուծմէ օտարացած էիք եւ թշնամացած իրեն՝ ձեր մտածելակերպով ու չար գործերով։

ԵՐԿՐՈՐԴ ՏԻՄՈԹԷՈՍ 4:10

որովհետեւ Դեմասը այս աշխարհը նախընտրելով՝ զիս լքեց եւ Թեսաղոնիկէ գնաց։ Կրեսկէսը Գաղատիա գնաց, Տիտոսը՝ Դալմատիա։

ՅԱԿՈԲՈՒ 1:27

Հօր Աստուծոյ համար անկեղծ եւ իսկական բարեպաշտութիւնը՝ կարօտութեան մէջ եղող որբերուն եւ այրիներուն այցելու եւ օգնական ըլլալն է, եւ աշխարհի մէջ ապրելով հանդերձ՝ ինքզինք անարատ պահելը։

ՅԱԿՈԲՈՒ 1:7

Այնպիսին թող չակնկալէ որ Տէրը կու տայ իր խնդրածը,

ՅԱԿՈԲՈՒ 4:4

Անհաւատարի՛մ մարդիկ, չէ՞ք գիտեր որ աշխարհին հետ բարեկամութիւն ընել՝ Աստուծոյ թշնամութիւն ընել կը նշանակէ։ Որովհետեւ ով որ կ՚ուզէ աշխարհին բարեկամ ըլլալ՝ ինքզինք Աստուծոյ թշնամի կը դարձնէ։

ԱՌԱՋԻՆ ՊԵՏՐՈՍԻ 1:14

Աստուծոյ հնազանդ զաւակներ եղէք, եւ մի՛ առաջնորդուիք անցեալի ցանկութիւններով, որոնցմով կ՚ապրէիք՝ երբ տակաւին Քրիստոսը չէիք ճանչնար։

ԱՌԱՋԻՆ ՊԵՏՐՈՍԻ 4:3

Կը բաւէ՛ որքան անցեալին հեթանոսներուն կամեցած ձեւով ապրեցաք՝ անբարոյութեամբ, հեշտասիրութեամբ, գինեմոլութեամբ, անառակութեամբ, արբեցութեամբ եւ կռապաշտական անօրէն սովորութիւններով։

ԵՐԿՐՈՐԴ ՊԵՏՐՈՍԻ 2:14

Իրենց աչքերը շնացող կիներ միայն կը փնտռեն եւ չեն յագենար մեղք գործելէ։ Այդ անիծեալները տկար մարդիկ կը փնտռեն՝ խաբելու համար, եւ իրենց խելքն ու միտքը դրամ դիզելն է։

ԱՌԱՋԻՆ ՅՈՎՀԱՆՆՈՒ 3:10

Ահա այսպէ՛ս կը զանազանուին Աստուծոյ որդիներն ու Սատանային որդիները.– Ով որ արդարութիւն չի գործեր՝ Աստուծոյ որդի չէ. ով որ իր եղբայրը չի սիրեր՝ նոյնպէս Աստուծոյ որդի չէ։

ԱՌԱՋԻՆ ՅՈՎՀԱՆՆՈՒ 3:8

Իսկ ով որ մեղք կը գործէ՝ Սատանային հետեւող մըն է, որովհետեւ Սատանան սկիզբէն ի վեր մեղք կը գործէ։ Եւ Աստուծոյ Որդին աշխարհ եկաւ՝Սատանային գործունէութեան վերջ դնելու համար։

ԱՌԱՋԻՆ ՅՈՎՀԱՆՆՈՒ 4:4

Որդեակնե՛ր, դուք Աստուծմէ ծնած էք եւ յաղթեցիք այդ սուտ մարգարէներուն, որովհետեւ ձեր մէջ եղող Աստուծոյ Հոգին աւելի մեծ է քան Քրիստոսի հակառակորդին հոգին, որ կը գտնուի աշխարհին պատկանողներուն մէջ։

ԱՌԱՋԻՆ ՅՈՎՀԱՆՆՈՒ 5:19

Թէպէտ ամբողջ աշխարհը Չարին ենթակայ ըլլայ, մենք գիտենք թէ Աստուծմէ ենք։

ԱՌԱՋԻՆ ՅՈՎՀԱՆՆՈՒ 5:4

որովհետեւ ով որ Աստուծմէ ծնած է՝ կը յաղթէ աշխարհին։ Եւ աշխարհին վրայ յաղթանակ տանողը մեր հաւատքն է։

ՅԱՅՏՆՈՒԹԻՒՆ 12:9

Մեծ վիշապը, այն առաջին օձը, որ Բանսարկու եւ Սատանայ կը կոչուի եւ որ ամբողջ աշխարհը մոլորեցուց, երկիր ձգուեցաւ։ Անոր հրեշտակներն ալ միասին վար ձգուեցան։

ՅԱՅՏՆՈՒԹԻՒՆ 13:14

Անիկա իր կատարած հրաշքներով երկրի բոլոր բնակիչները մոլորեցուց առաջին գազանին դիմաց, անոնց ըսելով՝ որ կանգնեն արձանը գազանին, որ սուրով վիրաւորուեցաւ, բայց բուժուեցաւ։

ՅԱՅՏՆՈՒԹԻՒՆ 13:8

Եւ անոր պիտի երկրպագեն երկրի բոլոր բնակիչները, անոնք՝ որոնց անունը աշխարհի ստեղծագործութենէն սկսեալ չէ գրուած մորթուած Գառնուկին պատկանող կեանքի գիրքին մէջ։

ՅԱՅՏՆՈՒԹԻՒՆ 16:17

Եօթներորդ հրեշտակը իր անօթին պարունակութիւնը թափեց օդին մէջ, եւ երկինքի տաճարէն ու գահէն բարձր ձայն մը եկաւ, որ կ՚ըսէր. «Եղա՛ւ»։

ՅԱՅՏՆՈՒԹԻՒՆ 20:2

Անիկա բռնեց վիշապը, այն առաջին օձը, որ Բանսարկուն եւ Սատանան է, եւ հազար տարուան համար շղթայեց զայն։