ԵՓԵՍԱՑԻՍ 2:19 - Western Armenian New Translation - Armenian Catholicosate of Cilicia - New Testament

¹⁹ Հետեւաբար այլեւս Աստուծոյ համար օտար եւ խորթ չէք, այլ՝ Աստուծոյ ժողովուրդին հետ համաքաղաքացի էք եւ Աստուծոյ ընտանիքին հարազատ անդամները։

Արեւմտահայերէն Նոր Կտակարան հարմարցուած․ 2017

¹⁹ Ուրեմն ա՛լ ասկէ յետոյ դուք օտար ու պանդուխտ չէք, հապա սուրբերուն քաղաքակիցները եւ Աստուծոյ ընտանիքը՝

Western Armenian Bible 1853

¹⁹ Ուրեմն ա՛լ ասկէ յետոյ դուք օտար ու պանդուխտ չէք, հապա սուրբերուն քաղաքակիցները եւ Աստուծոյ ընտանիքը՝

ԵՓԵՍԱՑԻՍ 2:19 Iomraidhean Croise

ՄԱՏԹԷՈՍ 10:25

Հերիք է աշակերտին, որ իր ուսուցիչին պէս ըլլայ, եւ ծառային՝ իր տիրոջ պէս։ Եթէ տանտէրը Բէեղզեբուղ կոչեցին, հարկաւ նոյնը աւելիով պիտի ըսեն անոր ընտանիքի անդամներուն։

ԳԱՂԱՏԱՑԻՍ 6:10

Հետեւաբար, որքան ատեն որ ժամանակը մեր ձեռքն է՝ բարիք ընենք բոլորին, մանաւանդ հաւատքի ճամբով մեր հարազատներուն։

ԵՓԵՍԱՑԻՍ 2:12

Ըսել կ՚ուզեմ, թէ այն ատեն դեռ չէիք ճանչնար Քրիստոսը, մաս չէիք կազմեր Աստուծոյ ընտրեալ ժողովուրդին, եւ հետեւաբար օտար էիք, կտրուած էիք Աստուծոյ խոստումով կնքուած ուխտերէն, եւ այս աշխարհի մէջ կ՚ապրէիք առանց յոյսի եւ առանց Աստուծոյ։

ԵՓԵՍԱՑԻՍ 3:15

որմէ իր գոյութիւնը կ՚առնէ երկնային թէ երկրաւոր ոեւէ ազգատոհմ,

ԵՓԵՍԱՑԻՍ 3:6

Եւ Աստուծոյ ծրագիրը սա է, որ Աւետարանին միջոցաւ բոլոր ազգերն ալ Աստուծոյ ժողովուրդին ժառանգակից ըլլան, դառնան նոյն մարմինին անդամ, եւ բաժնեկից այն խոստումին՝ որ Աստուած իրագործեց Քրիստոս Յիսուսով։

ՓԻԼԻՊՊԵՑԻՍ 3:20

Մենք, սակայն, երկինքի քաղաքացիներ ենք եւ հոնկէ՛ կը սպասենք որ գայ մեր Փրկիչը՝ Տէր Յիսուս Քրիստոս,

ԵԲՐԱՅԵՑԻՍ 11:13

Յիշուած բոլոր անձերն ալ հաւատքով մեռան, առանց խոստացուած բաները ստացած ըլլալու. այլ միայն հեռուէն տեսան զանոնք եւ ուրախացան, խոստովանելով՝ թէ իրենք օտար եւ պանդուխտ են այս աշխարհի մէջ։

ԵԲՐԱՅԵՑԻՍ 13:14

որովհետեւ հոս՝ այս աշխարհի մէջ մնայուն քաղաք մը չունինք, այլ՝ գալիք երկնաւոր քաղաքին է որ կը ցանկանք։

ԱՌԱՋԻՆ ՊԵՏՐՈՍԻ 2:11

Կ՚աղաչեմ, սիրելինե՛ր, իբրեւ աշխարհի մէջ պանդուխտներ եւ օտարականներ՝ հեռո՛ւ մնացէք մարմնական ցանկութիւններէն, որոնք հոգիին դէմ կը պատերազմին։

ԱՌԱՋԻՆ ՅՈՎՀԱՆՆՈՒ 3:1

Տեսէք թէ ինչպիսի՜ սիրով Հայրը մեզ սիրեց, ուզելով որ Աստուծոյ որդիներ կոչուինք եւ արդարեւ Աստուծոյ որդիներն ենք։ Աշխարհը մեզ չի ճանչնար, որովհետեւ չճանչցաւ զայն։