ԵՓԵՍԱՑԻՍ 2:12 - Western Armenian New Translation - Armenian Catholicosate of Cilicia - New Testament

¹² Ըսել կ՚ուզեմ, թէ այն ատեն դեռ չէիք ճանչնար Քրիստոսը, մաս չէիք կազմեր Աստուծոյ ընտրեալ ժողովուրդին, եւ հետեւաբար օտար էիք, կտրուած էիք Աստուծոյ խոստումով կնքուած ուխտերէն, եւ այս աշխարհի մէջ կ՚ապրէիք առանց յոյսի եւ առանց Աստուծոյ։

Արեւմտահայերէն Նոր Կտակարան հարմարցուած․ 2017

¹² որ այն ատեն դուք առանց Քրիստոսի էիք ու հեռացած էիք Իսրայէլի հասարակութենէն եւ օտարացած՝ խոստումին ուխտերէն ու յոյս մըն ալ չունէիք եւ աշխարհի մէջ անաստուած էիք։

Western Armenian Bible 1853

¹² Որ այն ատեն դուք առանց Քրիստոսի էիք ու հեռացած էիք Իսրայէլի հասարակութենէն եւ օտարացած՝ խոստումին ուխտերէն ու յոյս մըն ալ չունէիք եւ աշխարհի մէջ անաստուած էիք։

ԵՓԵՍԱՑԻՍ 2:12 Iomraidhean Croise

ՂՈԻԿԱՍ 1:72

եւ մեր հայրերուն հանդէպ իր ողորմութիւնը ցոյց տալ՝ իր սուրբ ուխտին հաւատարիմ մնալով,

ՅՈՎՀԱՆՆՈԻ 10:16

Տակաւին ուրիշ ոչխարներ ալ ունիմ, որոնք այս փարախէն դուրս են. պարտաւոր եմ զանոնք եւս ներս բերել։ Անոնք ալ ինծի մտիկ պիտի ընեն, եւ պիտի ըլլան մէկ հօտ՝ մէկ հովիւով։

ՅՈՎՀԱՆՆՈԻ 15:5

Ես եմ որթատունկը եւ դուք՝ ճիւղերը։ Ով որ ինծի միացած է եւ ես անոր՝ անիկա առատ պտուղ պիտի տայ, որովհետեւ առանց ինծի դուք ոչինչ կրնաք ընել։

ՅՈՎՀԱՆՆՈԻ 4:22

Դուք՝ Սամարացիներդ զԱստուած կը պաշտէք առանց զայն ճանչնալու, մինչ մենք՝ Հրեաներս, զԱստուած կը պաշտենք՝ ճանչնալով զանիկա, որովհետեւ փրկութիւնը Հրեաներէն պիտի գայ։

ԳՈՐԾՔ ԱՌԱՔԵԼՈՑ 2:39

Որովհետեւ Աստուած իր խոստումը ըրաւ թէ՛ ձեզի ու ձեր զաւակներուն եւ թէ՛ բոլոր անոնց՝ որոնք իրմէ հեռու են. մեր Տէր Աստուածը զանոնք իրեն պիտի կանչէ։

ԳՈՐԾՔ ԱՌԱՔԵԼՈՑ 28:20

Ճիշդ այդ պատճառով ալ խնդրեցի ձեզ տեսնել եւ խօսիլ, որովհետեւ այս շղթաները կը կրեմ ա՛յն անձին համար՝ որ Իսրայէլի յոյսն էր։

ԳՈՐԾՔ ԱՌԱՔԵԼՈՑ 3:25

Արդարեւ, դուք մարգարէներուն որդիներն էք եւ ժառանգորդները այն ուխտին, որ Աստուած մեր հայրերուն հետ կնքեց, երբ Աբրահամի ըսաւ. «Քու սերունդիդ ընդմէջէն պիտի օրհնեմ աշխարհի բոլոր ժողովուրդները»։

ՀՌՈՎՄԱՅԵՑԻՍ 9:8

Այսինքն, ըսել կ՚ուզէ՝ թէ մարմնաւոր ծնունդները չե՛ն Աստուծոյ որդիները, այլ՝ խոստումով ծնածներն են որ Աստուծոյ սերունդ պիտի նկատուին։

ԳԱՂԱՏԱՑԻՍ 4:8

Ճիշդ է որ նախապէս երբ զԱստուած չէիք ճանչնար՝ չաստուածներու կը ծառայէիք։

ԵՓԵՍԱՑԻՍ 2:19

Հետեւաբար այլեւս Աստուծոյ համար օտար եւ խորթ չէք, այլ՝ Աստուծոյ ժողովուրդին հետ համաքաղաքացի էք եւ Աստուծոյ ընտանիքին հարազատ անդամները։

ԵՓԵՍԱՑԻՍ 4:18

Անոնց միտքը խաւարած է. իրենց տգիտութեան եւ յամառ անտարբերութեան պատճառով՝ օտարացած են Աստուծոյ կեանքին,

ԿՈՂՈՍԱՑԻՍ 1:21

Դուք ալ ժամանակին Աստուծմէ օտարացած էիք եւ թշնամացած իրեն՝ ձեր մտածելակերպով ու չար գործերով։

ԿՈՂՈՍԱՑԻՍ 1:27

Աստուած ուզեց անոնց ցոյց տալ՝ թէ ի՜նչ հարուստ ու փառաւոր է իր ծրագիրը, որ կը վերաբերի բոլոր ազգերուն. եւ այդ ծրագիրն է՝ Քրիստոսը ճանչցնել ձեզի, գալիք փառքին յոյսով։

ԿՈՂՈՍԱՑԻՍ 1:5

Այդ հաւատքն ու սէրը կը ցուցաբերէք՝ յաւիտենական կեանքին յոյսով, որ ձեզի վերապահուած է երկինքի մէջ։ Այս մասին լսեցինք սկիզբէն իսկ, Աւետարանի ճշմարիտ պատգամին ընդմէջէն,

ԱՌԱՋԻՆ ԹԵՍԱՂՈՆԻԿԵՑԻՍ 4:13

Եղբայրնե՛ր, կ՚ուզենք որ մեռածներուն մասին ճշմարտութիւնը գիտնաք, որպէսզի չտրտմիք ուրիշներուն պէս, որոնք ոեւէ յոյս չունին։

ԱՌԱՋԻՆ ԹԵՍԱՂՈՆԻԿԵՑԻՍ 4:5

Կրքոտ ցանկութիւններու անձնատուր մի՛ ըլլաք հեթանոսներուն պէս, որոնք զԱստուած չեն ճանչնար.

ԵՐԿՐՈՐԴ ԹԵՍԱՂՈՆԻԿԵՑԻՍ 2:16

Եւ մեր Տէրը ինք՝ Յիսուս Քրիստոս, եւ Աստուած՝ մեր Հայրը, որ մեզ սիրեց եւ իբրեւ շնորհք՝ մնայուն մխիթարութիւն մը եւ հաստատուն յոյս մը տուաւ մեզի,

ԱՌԱՋԻՆ ՏԻՄՈԹԷՈՍ 1:1

Ես՝ Պօղոս, որ Քրիստոս Յիսուսի առաքեալն եմ՝ մեր փրկիչ Աստուծոյ եւ մեր յոյսը եղող Քրիստոս Յիսուսի հրամանով,

ԵԲՐԱՅԵՑԻՍ 11:34

կրակին զօրութիւնը մարեցին, սուրին բերանէն ազատեցան։ Իրենց տկարութեան մէջ Աստուծմով զօրացան, պատերազմի մէջ անպարտելի դարձան եւ օտարներուն բանակները ընկճեցին։

ԵԲՐԱՅԵՑԻՍ 6:18

Աստուած այս երկու բաները, խոստումն ու երդումը, որոնք անփոփոխելի են եւ որոնց կապակցութեամբ անկարելի է որ ստէ, տուաւ՝ որպէսզի մենք որ իրեն ապաւինեցանք՝ մեծապէս քաջալերուինք եւ մեզի տրուած յոյսին կառչինք։

ԵԲՐԱՅԵՑԻՍ 8:6

Մինչդեռ հիմա Յիսուս շատ աւելի գերազանց քահանայութեան մը հասաւ, քանի միջնորդը եղաւ գերազանց ուխտի մը, որ իբրեւ օրէնք՝ շատ աւելի լաւ խոստումներու վրայ հաստատուած է։

ԱՌԱՋԻՆ ՊԵՏՐՈՍԻ 1:21

Իրմով է որ դուք կը հաւատաք Աստուծոյ. անոր՝ որ մեռելներէն յարուցանեց եւ փառաւորեց զայն, որպէսզի դուք ձեր հաւատքն ու յոյսը Աստուծոյ կապէք։

ԱՌԱՋԻՆ ՊԵՏՐՈՍԻ 1:3

Օրհնեալ է Աստուած, մեր Տիրոջ Յիսուս Քրիստոսի Հայրը, որ իր առատ ողորմութեամբ մեզ վերստին ծնաւ, որպէսզի Յիսուս Քրիստոսի մեռելներէն յարութիւն առնելովը ունենանք այն կենդանի յոյսը՝

ԱՌԱՋԻՆ ՊԵՏՐՈՍԻ 3:15

այլ Տէրը — նոյնինքն՝ Քրիստոսը — փառաւորեցէք» ձեր սիրտերուն մէջ, եւ միշտ պատրաստ եղէք հեզութեամբ եւ երկիւղածութեամբ պատասխան տալու բոլոր անոնց՝ որոնք բացատրութիւն կ՚ուզեն ձեր ունեցած յոյսին մասին։

ԱՌԱՋԻՆ ՅՈՎՀԱՆՆՈՒ 3:3

Ով որ այս յոյսը ունի՝ ինքզինք կը մաքրէ, ինչպէս որ Քրիստոս ինք մաքուր է։