ԵՓԵՍԱՑԻՍ 1:22 - Western Armenian New Translation - Armenian Catholicosate of Cilicia - New Testament

²² «Աստուած ամէն բան անոր իշխանութեան ենթարկեց» եւ եկեղեցւոյ գլուխ կարգեց զայն՝ վեր ամէն բանէ։

Արեւմտահայերէն Նոր Կտակարան հարմարցուած․ 2017

²² եւ ամէն բան անոր ոտքերուն տակ հնազանդեցուց եւ զանիկա որպէս եկեղեցիին գլուխը դրաւ բոլոր բաներուն վրայ։

Western Armenian Bible 1853

²² Եւ ամէն բան անոր ոտքերուն տակ հնազանդեցուց եւ զանիկա որպէս եկեղեցիին գլուխը դրաւ բոլոր բաներուն վրայ։

ԵՓԵՍԱՑԻՍ 1:22 Iomraidhean Croise

ՄԱՏԹԷՈՍ 16:18

Քեզի կ՚ըսեմ՝ թէ ժայռ ես դուն, եւ այդ ժայռին վրայ պիտի շինեմ իմ եկեղեցիս, զոր մահն անգամ իր ամբողջ զօրութեամբ պիտի չկրնայ յաղթահարել։

ԳՈՐԾՔ ԱՌԱՔԵԼՈՑ 20:28

Հսկեցէ՛ք ձեր անձերուն եւ ձեր ամբողջ հօտին, որուն տեսուչ կարգեց ձեզ Սուրբ Հոգին։ Հովուեցէ՛ք Տիրոջ եկեղեցին, որ ան իր արիւնով գնեց։

ԱՌԱՋԻՆ ԿՈՐՆԹԱՑԻՍ 11:3

Բայց կ՚ուզեմ որ գիտնաք, նաեւ, թէ ոեւէ այր մարդու գլուխը Քրիստոս է, եւ կնոջ մը գլուխը՝ իր այրը, իսկ Քրիստոսի գլուխը՝ Աստուած։

ԵՓԵՍԱՑԻՍ 3:21

Եկեղեցւոյ մէջ Քրիստոս Յիսուսի միջոցաւ փա՜ռք իրեն՝ բոլոր ժամանակներու սերունդներուն կողմէ, յաւիտեանս յաւիտենից. ամէն։

ԵՓԵՍԱՑԻՍ 5:23

որովհետեւ ամուսին մը իր կնոջ գլուխն է, այնպէս՝ ինչպէս Քրիստոս գլուխն է եկեղեցիին, իր մարմինին, որուն Փրկիչն է ինք։

ԿՈՂՈՍԱՑԻՍ 1:18

Ան է Գլուխը մարմնին, այսինքն՝ եկեղեցիին։ Ան է սկիզբը, որ անդրանիկ ծնունդն եղաւ՝ մեռելներէն, որպէսզի ինք առաջնութիւնն ունենայ ամէն, ամէ՛ն բանի մէջ։

ԿՈՂՈՍԱՑԻՍ 1:8

Ինքն էր որ մեզի պատմեց ձեր սիրոյն մասին, որ Սուրբ Հոգիին պարգեւն է ձեզի։

ԿՈՂՈՍԱՑԻՍ 2:10

Եւ դուք ձեր կեանքին լիութիւնը գտաք՝ միանալով անոր, որ գլուխն է ոգեղէն աշխարհի բոլոր իշխանութիւններուն ու պետութիւններուն։

ԿՈՂՈՍԱՑԻՍ 2:19

Անոնք կապ չունին Գլուխին՝ Քրիստոսի հետ. մինչդեռ մարմինը՝ Քրիստոսի եկեղեցին, իր բոլոր յօդերով ու կապերով Գլուխին կապուած ու միացած, անկէ՛ կ՚առնէ իր աճումը, Աստուծոյ կամքին համաձայն։

ԱՌԱՋԻՆ ՏԻՄՈԹԷՈՍ 3:15

որպէսզի, եթէ ուշանամ, գիտնաս թէ ի՛նչպէս պէտք է շարժիս Աստուծոյ ընտանիքին մէջ, այսինքն՝ կենդանի Աստուծոյ եկեղեցիին մէջ, որ ճշմարտութեան սիւնը եւ խարիսխն է։

ԵԲՐԱՅԵՑԻՍ 2:8

եւ ամէն ինչ անոր իշխանութեան ենթարկեցիր»։ Արդ, «ամէն ինչ անոր իշխանութեան ենթարկեց» ըսելով կը հասկնայ՝ թէ չմնաց բան մը որ անոր չենթարկուեցաւ։ Բայց ներկայիս մենք ամէն ինչ մարդուն ենթարկուած չենք տեսներ տակաւին։