ԵՓԵՍԱՑԻՍ 1:18 - Western Armenian New Translation - Armenian Catholicosate of Cilicia - New Testament

¹⁸ Այո՛, կ՚աղօթեմ որ Աստուած ձեր մտքի աչքերը լուսաւորէ, որպէսզի գիտնաք՝ թէ ի՛նչ է այն յոյսը որուն հրաւիրեց ձեզ, եւ ի՜նչ ճոխ ու փառաւոր է խոստումը՝ որ իր ընտրեալները պիտի ժառանգեն,

Արեւմտահայերէն Նոր Կտակարան հարմարցուած․ 2017

¹⁸ Որպէս զի սրտերնուդ աչքերը լուսաւորուելով՝ գիտնաք թէ ի՞նչ է անոր ձեզ կանչելուն յոյսը ու ի՞նչ է անոր ժառանգութեանը փառքին ճոխութիւնը սուրբերուն մէջ

Western Armenian Bible 1853

¹⁸ Որպէս զի սրտերնուդ աչքերը լուսաւորուելով՝ գիտնաք թէ ի՞նչ է անոր ձեզ կանչելուն յոյսը ու ի՞նչ է անոր ժառանգութեանը փառքին ճոխութիւնը սուրբերուն մէջ

ԵՓԵՍԱՑԻՍ 1:18 Iomraidhean Croise

ՄԱՏԹԷՈՍ 13:15

որովհետեւ այս ժողովուրդին միտքը թանձրացած է. իրենց ականջները խցած են, եւ իրենց աչքերը փակած, որպէսզի չըլլայ որ իրենց աչքերը տեսնեն ու ականջները լսեն եւ միտքերը հասկնան ու դարձի գան, եւ ես զանոնք բժշկեմ»։

ՄԱՐԿՈՍ 10:17

Հազիւ Յիսուս հոնկէ ճամբայ կ՚ելլէր, ահա մեծահարուստ մարդ մը վազելով եկաւ իր մօտ, ծունկի եկաւ եւ հարցուց. – Բարի՛ Վարդապետ, ի՞նչ պէտք է ընեմ յաւիտենական կեանքը ժառանգելու համար։

ՂՈԻԿԱՍ 24:45

Յետոյ անոնց միտքերը բացաւ, որպէսզի հասկնան Սուրբ գիրքերը,

ԳՈՐԾՔ ԱՌԱՔԵԼՈՑ 16:14

Թիւատիր քաղաքէն ծիրանի զգեստներ ծախող աստուածավախ կին մը կար, Լիդիա անունով, որ մտիկ կ՚ընէր։ Տէրը ինք բացաւ անոր միտքը, որ Պօղոսի խօսքերուն մտիկ ընէ։

ԳՈՐԾՔ ԱՌԱՔԵԼՈՑ 26:18

որպէսզի անոնց աչքերը բանաս, զանոնք խաւարէն դէպի լոյս եւ Սատանայի իշխանութենէն դէպի Աստուած դարձնես, որպէսզի իրենց մեղքերուն թողութիւն գտնեն եւ ինծի հաւատալով՝ Աստուծոյ ժողովուրդին հետ բաժին ունենան»։ –

ՀՌՈՎՄԱՅԵՑԻՍ 11:29

Որովհետեւ Աստուծոյ պարգեւներն ու կոչումը անդառնալի են։

ՀՌՈՎՄԱՅԵՑԻՍ 2:4

Կամ կ՚արհամարհե՞ս անոր անչափքաղցրութիւնը, ներողամտութիւնը եւ համբերատարութիւնը, երբ գիտես որ Աստուծոյ քաղցրութիւնն է որ քեզ ապաշխարութեան կը բերէ։

ԵՐԿՐՈՐԴ ԿՈՐՆԹԱՑԻՍ 4:4

Այս աշխարհի “աստուած” ը նկատուած Սատանան կուրցուցած է այդ անհաւատներուն միտքը, որպէսզի չըլլայ որ Աւետարանին բերած լոյսը ծագի անոնց մէջ, այսինքն՝ տեսնեն փառքը Քրիստոսի, որ անտեսանելի Աստուծոյ պատկերն է։

ԵՐԿՐՈՐԴ ԿՈՐՆԹԱՑԻՍ 4:6

Որովհետեւ Աստուած ինք, որ ըսաւ՝ «Խաւարին մէջ լոյս թող ծագի», ինք մեր սիրտերուն մէջ ծագեցաւ, որպէսզի լուսաւորուինք եւ Աստուծոյ փառքը ճանչնանք Յիսուս Քրիստոսի անձին մէջ։

ԳԱՂԱՏԱՑԻՍ 5:5

Մինչդեռ մենք Սուրբ Հոգիին զօրութեամբ կը սպասենք՝ մեր հաւատքովը արդարանալու յոյսով։

ԵՓԵՍԱՑԻՍ 1:11

Քրիստոսի միջոցաւ է որ ժառանգորդ դարձանք փրկութեան։ Աստուած, որ ամէն ինչ կը յաջողցնէ ըստ իր առաջադրած ծրագրին ու կամքին,

ԵՓԵՍԱՑԻՍ 1:7

Արդարեւ, անով փրկուեցանք եւ անոր արիւնով մեր մեղքերուն թողութիւն գտանք։ Որքա՜ն մեծ է իր շնորհքը,

ԵՓԵՍԱՑԻՍ 2:12

Ըսել կ՚ուզեմ, թէ այն ատեն դեռ չէիք ճանչնար Քրիստոսը, մաս չէիք կազմեր Աստուծոյ ընտրեալ ժողովուրդին, եւ հետեւաբար օտար էիք, կտրուած էիք Աստուծոյ խոստումով կնքուած ուխտերէն, եւ այս աշխարհի մէջ կ՚ապրէիք առանց յոյսի եւ առանց Աստուծոյ։

ԵՓԵՍԱՑԻՍ 3:16

որպէսզի իր ճոխ փառքին համաձայն ձեզի զօրութիւն տայ՝ որ իր Հոգիովը ամրապնդուիք ներքնապէս,

ԵՓԵՍԱՑԻՍ 3:8

Այո՛, ինծի՝ որ Աստուծոյ ժողովուրդին մէջ յետիններուն յետինն եմ՝ Աստուած այս շնորհքը տուաւ, որպէսզի բոլոր ազգերուն աւետիս տամ՝ թէ ի՛նչպիսի աներեւակայելի գանձ մըն է Քրիստոս,

ԵՓԵՍԱՑԻՍ 4:1

Արդ, ես՝ որ Տիրոջ համար բանտը կը գտնուիմ՝ կ՚աղաչեմ, ապրեցէք այնպէս՝ ինչպէս կը վայելէ ձեր կոչումին, որուն հրաւիրեց ձեզ Աստուած։

ԵՓԵՍԱՑԻՍ 4:4

Մէկ է Մարմինը եւ մէկ՝ Սուրբ Հոգին, ինչպէս մէկ է յոյսը՝ որուն հրաւիրեց ձեզ Աստուած։

ԵՓԵՍԱՑԻՍ 5:8

որովհետեւ թէպէտ ժամանակ մը խաւար էիք, սակայն հիմա որ Տիրոջ միացաք՝ լոյս էք։ Հետեւաբար լոյսի որդիներուն վայել ձեւով ապրեցէք.

ՓԻԼԻՊՊԵՑԻՍ 3:14

եւ ուշադիր կերպով կը վազեմ դէպի նպատակակէտը, իբրեւ մրցանակ ստանալու համար յաւիտենական կեանքը, որուն կը հրաւիրէ մեզ Աստուած, Քրիստոս Յիսուսով։

ԿՈՂՈՍԱՑԻՍ 1:12

Շնորհակալութիւն յայտնեցէք Հօր Աստուծոյ, որ մեզ արժանի ըրաւ լոյսի թագաւորութեան մէջ բնակող իր ընտրեալներուն վիճակին մասնակից դառնալու։

ԿՈՂՈՍԱՑԻՍ 1:23

Ուստի յարատեւեցէ՛ք ձեր հաւատքին մէջ, զայն ամուր հիմերու վրայ հաստատելով, անխախտ պահելով այն յոյսը՝ որ ունեցաք Աւետարանի քարոզութիւնը լսելով։ Ես՝Պօղոսս, ինքս ալ ծառայ մըն եմ այդ Աւետարանին, որ երկինքի տակ գտնուող բոլոր արարածներուն կը քարոզուի։

ԿՈՂՈՍԱՑԻՍ 1:27

Աստուած ուզեց անոնց ցոյց տալ՝ թէ ի՜նչ հարուստ ու փառաւոր է իր ծրագիրը, որ կը վերաբերի բոլոր ազգերուն. եւ այդ ծրագիրն է՝ Քրիստոսը ճանչցնել ձեզի, գալիք փառքին յոյսով։

ԿՈՂՈՍԱՑԻՍ 1:5

Այդ հաւատքն ու սէրը կը ցուցաբերէք՝ յաւիտենական կեանքին յոյսով, որ ձեզի վերապահուած է երկինքի մէջ։ Այս մասին լսեցինք սկիզբէն իսկ, Աւետարանի ճշմարիտ պատգամին ընդմէջէն,

ԿՈՂՈՍԱՑԻՍ 2:2

Ասիկա կ՚ըսեմ՝ որպէսզի անոնց սիրտերը մխիթարուին ու սիրով շաղկապուին, եւ ամբողջական հասկացողութեամբ կատարեալ համոզումի հասնին, ճանչնալով Հօր Աստուծոյ ծրագիրը՝ Քրիստոս Յիսուսով յայտնուած։

ԿՈՂՈՍԱՑԻՍ 3:15

Ձեր սիրտերուն մէջ Քրիստոսի խաղաղութիւնը թող թագաւորէ, որովհետեւ Աստուած այդ խաղաղութեան կանչեց ձեզ՝ մէկ մարմինի մէջ, որ Քրիստոսի եկեղեցին է։ Ուստի շնորհակալ եղէք Աստուծոյ։

ԱՌԱՋԻՆ ԹԵՍԱՂՈՆԻԿԵՑԻՍ 2:12

քաջալերեցինք ու մխիթարեցինք, թախանձագին խնդրելով՝ որ ապրիք այնպիսի՛ կեանք մը, որ վայել ըլլայ Աստուծոյ. անոր՝ որ ձեզ հրաւիրեց իր արքայութեան եւ փառքին։

ԱՌԱՋԻՆ ԹԵՍԱՂՈՆԻԿԵՑԻՍ 5:8

Բայց մենք, քանի ցերեկին կը պատկանինք՝ պատրաստ ըլլանք, հաւատքի եւ սիրոյ զրահը հագած, եւ փրկութեան յոյսի սաղաւարտը դրած մեր գլխուն։

ԵՐԿՐՈՐԴ ԹԵՍԱՂՈՆԻԿԵՑԻՍ 1:11

Ահա թէ ինչու՝ միշտ կ՚աղօթենք ձեզի համար, որպէսզի Աստուած ձեզ արժանի ընէ այդ կոչումին, իր զօրութեամբ կատարէ ձեր բոլոր բարի փափաքները եւ արդիւնաւորէ ձեր հաւատքը,

ԵՐԿՐՈՐԴ ԹԵՍԱՂՈՆԻԿԵՑԻՍ 2:16

Եւ մեր Տէրը ինք՝ Յիսուս Քրիստոս, եւ Աստուած՝ մեր Հայրը, որ մեզ սիրեց եւ իբրեւ շնորհք՝ մնայուն մխիթարութիւն մը եւ հաստատուն յոյս մը տուաւ մեզի,

ԱՌԱՋԻՆ ՏԻՄՈԹԷՈՍ 6:12

Հաւատքի բարի պատերազմը մղէ, ամուր կառչէ յաւիտենական կեանքին, որուն քեզ հրաւիրեց Աստուած, եւ որ դուն դաւանեցար գեղեցիկ դաւանութեամբ մը, բազմաթիւ վկաներու ներկայութեան։

ՏԻՏՈՍԻՆ 2:13

եւ յոյսով սպասենք այն երջանիկ օրուան, երբ մեր մեծ Աստուածն ու փրկիչը՝ Յիսուս Քրիստոս իր փառքով պիտի յայտնուի։

ՏԻՏՈՍԻՆ 3:7

որպէսզի Քրիստոսի շնորհքովը արդարացած՝ ժառանգենք յաւիտենական կեանքը, որուն կը յուսանք։

ԵԲՐԱՅԵՑԻՍ 10:32

Արդ, յիշեցէք այն առաջին օրերը, երբ դեռ նոր լուսաւորուած՝ բազմաթիւ ծանր չարչարանքներու տոկացիք։

ԵԲՐԱՅԵՑԻՍ 6:4

Արդ, անոնք՝ որ անգամ մը լուսաւորուելով մկրտուելէ, երկնային պարգեւները վայելելէ, Սուրբ Հոգիին հաղորդակից դառնալէ,

ԱՌԱՋԻՆ ՊԵՏՐՈՍԻ 1:3

Օրհնեալ է Աստուած, մեր Տիրոջ Յիսուս Քրիստոսի Հայրը, որ իր առատ ողորմութեամբ մեզ վերստին ծնաւ, որպէսզի Յիսուս Քրիստոսի մեռելներէն յարութիւն առնելովը ունենանք այն կենդանի յոյսը՝

ԱՌԱՋԻՆ ՊԵՏՐՈՍԻ 3:9

Չարին փոխարէն չար մի՛ հատուցանէք, ոչ ալ նախատինքի փոխարէն՝ նախատինք. ընդհակառակը՝ օրհնեցէ՛ք. Աստուած ատոր համար կանչեց ձեզ, որպէսզի դուք ալ օրհնութիւն ժառանգէք։

ԱՌԱՋԻՆ ՊԵՏՐՈՍԻ 5:10

Եւ բոլոր շնորհքներուն պարգեւիչը՝ Աստուած, որ Քրիստոս Յիսուսի միջոցաւ իր յաւիտենական փառքին կանչեց ձեզ, նկատի ունենալով որ չափով մը մասնակից եղաք Յիսուսի չարչարանքներուն՝ պիտի կազդուրէ, զօրացնէ եւ ամուր հիմերու վրայ հաստատէ ձեզ։