ԵՓԵՍԱՑԻՍ 1:15 - Western Armenian New Translation - Armenian Catholicosate of Cilicia - New Testament

¹⁵ Ահա թէ ինչո՛ւ, Տէր Յիսուսի վրայ ձեր հաւատքին եւ Աստուծոյ բոլոր ընտրեալներուն հանդէպ ձեր սիրոյն մասին լսելէս ի վեր՝

Արեւմտահայերէն Նոր Կտակարան հարմարցուած․ 2017

¹⁵ Ուստի ես ալ, երբ լսեցի Տէր Յիսուսին վրայ ունեցած հաւատքնիդ ու բոլոր սուրբերուն վրայ ձեր ունեցած սէրը,

Western Armenian Bible 1853

¹⁵ Ուստի ես ալ, երբ լսեցի Տէր Յիսուսին վրայ ունեցած հաւատքնիդ ու բոլոր սուրբերուն վրայ ձեր ունեցած սէրը,

ԵՓԵՍԱՑԻՍ 1:15 Iomraidhean Croise

ԳՈՐԾՔ ԱՌԱՔԵԼՈՑ 20:21

Թէ՛ Հրեաներուն եւ թէ՛՛ հեթանոսներուն տուի նոյն վկայութիւնը եւ պատգամը՝ ապաշխարութեամբ Աստուծոյ դառնալու եւ մեր Տիրոջ Յիսուս Քրիստոսի հաւատալու։

ՀՌՈՎՄԱՅԵՑԻՍ 1:8

Նախ Յիսուս Քրիստոսի միջոցաւ իմ Աստուծոյս շնորհակալութիւն կը յայտնեմ ձեր բոլորին համար, որովհետեւ ամբողջ աշխարհի մէջ կը խօսուի ձեր հաւատքին մասին։

ԳԱՂԱՏԱՑԻՍ 5:6

Որովհետեւ Քրիստոս Յիսուսի միանալէ ետք՝ ո՛չ թլփատուած ըլլալը արժէք մը ունի, ո՛չ ալ թլփատուած չըլլալը, այլ՝ սիրով գործի դրուած հաւատքը։

ԵՓԵՍԱՑԻՍ 1:1

Ես, Պօղոս, Աստուծոյ կամքով Քրիստոս Յիսուսի առաքեալը, կը գրեմ Եփեսոս բնակող եղբայրներուդ, Քրիստոս Յիսուսի հաւատացողներուդ։

ԵՓԵՍԱՑԻՍ 3:18

որպէսզի կարենաք հասկնալ, Աստուծոյ բոլոր ընտրեալներուն հետ միասին, Քրիստոսի սիրոյն ամբողջական տարողութիւնը՝ իր լայնութեամբ ու երկարութեամբ, իր բարձրութեամբ ու խորութեամբ։

ԱՌԱՋԻՆ ԹԵՍԱՂՈՆԻԿԵՑԻՍ 1:3

Հօր Աստուծոյ առջեւ միշտ կը յիշենք՝ թէ ի՛նչպէս կեանքի կը վերածէք ձեր հաւատքը, սէրէն մղուած կը ծառայէք ուրիշներուն, եւ մեր Տիրոջ Յիսուս Քրիստոսի յուսալով՝ նեղութիւններու կը համբերէք։

ԱՌԱՋԻՆ ԹԵՍԱՂՈՆԻԿԵՑԻՍ 4:9

Գալով եղբայրսիրութեան, մեր գրելուն պէտք չունիք, որովհետեւ ինքնին դուք Աստուծմէ սորված էք իրար սիրել,

ԵՐԿՐՈՐԴ ԹԵՍԱՂՈՆԻԿԵՑԻՍ 1:3

Եղբայրնե՛ր, պարտք կը զգանք եւ արդար կը գտնենք ձեզի համար միշտ գոհութիւն յայտնել Աստուծոյ, որովհետեւ ձեր հաւատքը հետզհետէ աւելի կ՚աճի եւ ձեզմէ իւրաքանչիւրին սէրը իրարու հանդէպ աւելի կը խորանայ։

ԱՌԱՋԻՆ ՏԻՄՈԹԷՈՍ 1:14

Մեր Տէրը իր շնորհքով ողողեց զիս, տալով այն հաւատքն ու սէրը որ մենք՝ Քրիստոս Յիսուսի միացածներս ունինք։

ԱՌԱՋԻՆ ՏԻՄՈԹԷՈՍ 1:5

Գերագոյն պատուիրանը սէրն է. անարատ սրտէ, մաքուր խղճմտանքէ եւ անկեղծ հաւատքէն բղխած սէրը։

ՓԻԼԻՄՈՆ 1:5

լսելով քու հաւատքիդ եւ սիրոյդ մասին՝ որ ունիս Տէր Յիսուսի եւ Աստուծոյ բոլոր ընտրեալներուն հանդէպ։

ԵԲՐԱՅԵՑԻՍ 6:10

Աստուած անարդար չէ. չի մոռնար ձեր գործերը եւ այն սէրը՝ որ իր անունով ցուցաբերեցիք՝ ձեր քրիստոնեայ եղբայրներուն օգտակար ըլլալով, ինչպէս կը շարունակէք մինչեւ հիմա։

ԱՌԱՋԻՆ ՊԵՏՐՈՍԻ 1:22

Արդ, դուք որ ճշմարտութեան հնազանդելով սրբեցիք ձեր անձերը, որպէսզի անկեղծ եղբայրսիրութեամբ ապրիք, սրտանց սիրեցէ՛ք իրար, մաքուր սրտով։

ԱՌԱՋԻՆ ՅՈՎՀԱՆՆՈՒ 3:17

Այն մարդը, որ նիւթական ամէն բարիք ունի, եւ տեսնելով հանդերձ թէ իր մէկ եղբայրը օգնութեան կարօտ է՝ իր գութը չի շարժիր, ի՞նչպէս կրնայ ըսել՝թէ Աստուծոյ սէրը ունի իր մէջ։

ԱՌԱՋԻՆ ՅՈՎՀԱՆՆՈՒ 4:21

Մինչդեռ Քրիստոսի մեզի տուած պատուէրը սա է.– Ով որ զԱստուած կը սիրէ, պէտք է իր եղբայրն ալ սիրէ։