ԵՓԵՍԱՑԻՍ 1:1 - Western Armenian New Translation - Armenian Catholicosate of Cilicia - New Testament

¹ Ես, Պօղոս, Աստուծոյ կամքով Քրիստոս Յիսուսի առաքեալը, կը գրեմ Եփեսոս բնակող եղբայրներուդ, Քրիստոս Յիսուսի հաւատացողներուդ։

Արեւմտահայերէն Նոր Կտակարան հարմարցուած․ 2017

¹ Պօղոս՝ Յիսուս Քրիստոսի առաքեալը Աստուծոյ կամքովը՝ Եփեսոսի մէջ եղած սուրբերուն եւ Յիսուս Քրիստոսին հաւատացողներուն.

Western Armenian Bible 1853

¹ Պօղոս՝ Յիսուս Քրիստոսի առաքեալը Աստուծոյ կամքովը՝ Եփեսոսի մէջ եղած սուրբերուն եւ Յիսուս Քրիստոսին հաւատացողներուն.

ԵՓԵՍԱՑԻՍ 1:1 Iomraidhean Croise

ՂՈԻԿԱՍ 16:10

Ով որ փոքր ծառայութեան մէջ հաւատարիմ է՝ մեծին մէջ ալ հաւատարիմ է, իսկ ով որ փոքր ծառայութեան մէջ անհաւատարիմ է՝ մեծին մէջ ալ անհաւատարիմ է։

ԳՈՐԾՔ ԱՌԱՔԵԼՈՑ 16:15

Երբ ինք եւ իր ընտանիքը մկրտուեցան, աղաչեց մեզի, ըսելով. – Եթէ զիս Տիրոջ հաւատացող կը նկատէք՝ եկէք իմ տունս մնացէք։ Եւ ստիպեց, տարաւ մեզ։

ԳՈՐԾՔ ԱՌԱՔԵԼՈՑ 18:19

Երբ Եփեսոս հասան, զանոնք քաղաք ձգելով՝ ինք գնաց տեղւոյն ժողովարանը եւ խօսեցաւ Հրեաներուն:

ԳՈՐԾՔ ԱՌԱՔԵԼՈՑ 18:21

այլ՝ հրաժեշտ առաւ անոնցմէ, ըսելով. –Յառաջիկայ տօնը անպայման Երուսաղէմի մէջ պէտք է կատարեմ. բայց եթէ Աստուած կամենայ՝ դարձեալ կու գամ ձեզի։

ԳՈՐԾՔ ԱՌԱՔԵԼՈՑ 9:13

Տէ՛ր,– պատասխանեց Անանիա,– շատերէն լսեցի այդ մարդուն մասին եւ Երուսաղէմի մէջ քու հաւատացեալ ժողովուրդիդ դէմ անոր գործած բազմաթիւ չարիքներուն մասին։

ՀՌՈՎՄԱՅԵՑԻՍ 1:1

Ես, Պօղոս, ծառան եմ Քրիստոս Յիսուսի, որ զիս կանչեց իր առաքեալը ըլլալու եւ պաշտօն տուաւ Աստուծոյ Աւետարանը քարոզելու։

ՀՌՈՎՄԱՅԵՑԻՍ 1:7

Ողջո՜յն բոլորիդ որ Հռոմ կը բնակիք. ձեզի՝ որ Աստուած սիրեց եւ իր սուրբ ժողովուրդը ըլլալու կանչեց։ Թող Աստուած մեր Հայրը եւ Տէր Յիսուս Քրիստոս շնորհք եւ խաղաղութիւն պարգեւեն ձեզի։

ՀՌՈՎՄԱՅԵՑԻՍ 8:1

Եթէ այդպէս է, կը նշանակէ թէ անոնք որ Քրիստոս Յիսուսի միացած են՝ դատապարտութեան ենթակայ չեն, քանի մարմնաւորապէս չեն ապրիր, այլ՝ հոգեւորապէս։

ԱՌԱՋԻՆ ԿՈՐՆԹԱՑԻՍ 4:12

եւ մեր հացն ալ սեփական աշխատանքով կը ճարենք։ Մարդիկ կը հայհոյե՞ն մեզի, մենք կ՚օրհնենք։ Կը հալածե՞ն մեզ, կը համբերենք։

ԱՌԱՋԻՆ ԿՈՐՆԹԱՑԻՍ 4:17

Ատոր համար ալ ձեզի ղրկեցի Տիրոջմով իմ սիրելի եւ հաւատարիմ որդիս՝ Տիմոթէոսը, որպէսզի ձեզի յիշեցնէ իմ սորվեցուցած սկզբունքներս, որոնք Քրիստոս Յիսուսի պատկանողներունը պէտք է ըլլան, ինչպէս ամէն տեղ բոլոր եկեղեցիներուն կը սորվեցնեմ։

ԵՐԿՐՈՐԴ ԿՈՐՆԹԱՑԻՍ 1:1

Ես, Պօղոս, Աստուծոյ կամքով Յիսուս Քրիստոսի առաքեալը, եւ Տիմոթէոս՝ մեր եղբայրը, կը գրենք ձեզի՝ Կորնթոսի մէջ հաստատուած Աստուծոյ եկեղեցիին եւ ամբողջ Աքայիայի մէջ գտնուող քրիստոնեաներուդ։

ԳԱՂԱՏԱՑԻՍ 1:1

Ես՝ Պօղոս, առաքեալ եղած՝ ո՛չ թէ մարդոց կողմէ, ո՛չ ալ ոեւէ մէկուն միջոցաւ, այլ Յիսուս Քրիստոսէ եւ Հօր Աստուծմէ՝ որ զայն մեռելներէն յարուցանեց,

ԳԱՂԱՏԱՑԻՍ 3:26

որովհետեւ Յիսուս Քրիստոսի հաւատալով՝ բոլորդ ալ Աստուծոյ որդիներ եղաք։

ԳԱՂԱՏԱՑԻՍ 3:28

Ալ ո՛չ Հրեայի եւ հեթանոսի խտրութիւն կայ, ո՛չ ստրուկի եւ ազատ մարդու, ո՛չ ալ արուի եւ էգի, որովհետեւ Քրիստոսի միանալով՝ բոլորդ ալ մէկ եղաք։

ԳԱՂԱՏԱՑԻՍ 3:9

Այնպէս որ, հաւատքին ապաւինողները կ՚օրհնուին Աբրահամի հետ, որ ի՛նք եւս հաւատքին ապաւինեցաւ։

ԵՓԵՍԱՑԻՍ 1:15

Ահա թէ ինչո՛ւ, Տէր Յիսուսի վրայ ձեր հաւատքին եւ Աստուծոյ բոլոր ընտրեալներուն հանդէպ ձեր սիրոյն մասին լսելէս ի վեր՝

ԵՓԵՍԱՑԻՍ 2:10

Աստուծոյ նոր ստեղծագործութիւնն ենք մենք, քանի Քրիստոս Յիսուսի միացած ենք. ստեղծուած՝ կատարելու համար այն բարի գործերը, որոնց համար Աստուած սկիզբէն մեզ պատրաստեց, որպէսզի անոնցմով լեցնենք մեր կեանքը։

ԵՓԵՍԱՑԻՍ 2:13

Բայց հիմա որ Յիսուս Քրիստոսի միացաք, դուք՝ որ ժամանակ մը խորթ էիք Աստուծոյ՝ հարազատ դարձաք Քրիստոսիզոհագործումովը։

ԵՓԵՍԱՑԻՍ 2:6

Քրիստոսի հետ յարուցանեց եւ անոր հետ միասին ալ երկինքի մէջ նստեցուց մեզ, որ Քրիստոս Յիսուսի միացած ենք,

ԵՓԵՍԱՑԻՍ 6:21

Որպէսզի դուք ալ գիտնաք թէ ի՛նչ կ՚ընեմ, թող ամէն ինչ ձեզի պատմէ Տիքիկոսը, որ Տիրոջ միացած մեր սիրելի եղբայրն է եւ հաւատարիմ օգնականը։

ԿՈՂՈՍԱՑԻՍ 1:2

կը գրենք ձեզի՝ Կողոսա գտնուող ընտրեալներուդ, Քրիստոսի միացած հաւատացեալ եղբայրներուդ։ Թող Աստուած մեր Հայրը եւ Տէր Յիսուս Քրիստոս շնորհք եւ խաղաղութիւն պարգեւեն ձեզի։

ՅԱՅՏՆՈՒԹԻՒՆ 17:14

Անոնք Գառնուկին դէմ պիտի պատերազմին, բայց Գառնուկը պիտի յաղթէ անոնց, որովհետեւ ի՛նքն է տէրերուն Տէրը եւ թագաւորներուն Թագաւորը. իր կողքին պատերազմողները կանչուածներն են, ընտրեալները եւ հաւատարիմները։

ՅԱՅՏՆՈՒԹԻՒՆ 2:10

Մի՛ վախնար այն չարչարանքներուն համար, որ պիտի կրես։ Ահա Բանսարկուն ձեզմէ ոմանք բանտ պիտի նետէ՝ ձեզ փորձելու համար, եւ ձեր նեղութիւնը տասը օր պիտի տեւէ։ Հաւատարիմ եղիր ինծի, նոյնիսկ եթէ մեռնիլ պէտք է, եւ ես քեզի կեանքի պսակը պիտի տամ»։

ՅԱՅՏՆՈՒԹԻՒՆ 2:13

Գիտեմ գործերդ եւ գիտեմ որ կը բնակիս հոն՝ ուր Սատանան իր աթոռըունի։ Բայց դուն իմ անունս պահեցիր եւ ինծի հանդէպ ունեցած հաւատքդ չուրացար՝ նոյնիսկ երբ իմ հաւատարիմ վկաս, Անտիպաս, ձեր դիմաց սպաննուեցաւ հոն՝ ուր Սատանան կը բնակի։