ԿՈՂՈՍԱՑԻՍ 4:10 - Western Armenian New Translation - Armenian Catholicosate of Cilicia - New Testament

¹⁰ Ձեզի բարեւ ունի Արիստարքոսը, իմ բանտակիցս, ինչպէս նաեւ՝ Մարկոսը, Բառնաբասի եղբօրորդին, որուն մասին լուր ղրկած էի՝ որ երբ ձեր մօտ գայ՝ ընդունիք զինք։

Արեւմտահայերէն Նոր Կտակարան հարմարցուած․ 2017

¹⁰ Բարեւ կ’ընէ ձեզի Արիստարքոսը, իմ գերութեան ընկերս եւ Մարկոս՝ Բառնաբասի եղբօրորդին, (որուն համար պատուէր առիք. եթէ ձեզի գալու ըլլայ, ընդունեցէ՛ք զանիկա),

Western Armenian Bible 1853

¹⁰ Բարեւ կ’ընէ ձեզի Արիստարքոսը, իմ գերութեան ընկերս եւ Մարկոս՝ Բառնաբասի եղբօրորդին, (որուն համար պատուէր առիք. եթէ ձեզի գալու ըլլայ, ընդունեցէ՛ք զանիկա,)

ԿՈՂՈՍԱՑԻՍ 4:10 Iomraidhean Croise

ԳՈՐԾՔ ԱՌԱՔԵԼՈՑ 12:12

Սթափելով, դիմեց դէպի Մարիամի տունը։ Այս Մարիամը մայրն էր Յովհաննէսի, որ Մարկոս վերակոչուեցաւ։ Շատեր հաւաքուած էին այնտեղ եւ կ՚աղօթէին։

ԳՈՐԾՔ ԱՌԱՔԵԼՈՑ 12:25

Երբ Բառնաբաս ու Սօղոս իրենց յանձնուած պաշտօնը աւարտեցին, Երուսաղէմէն Անտիոք վերադարձան, իրենց հետ ունենալով նաեւ Յովհաննէսը, որ Մարկոս վերակոչուած էր։

ԳՈՐԾՔ ԱՌԱՔԵԼՈՑ 13:13

Պօղոս եւ ընկերակիցները Պաֆոսէն նաւելով եկան Պամփիւլիայի Պերգէ քաղաքը. իսկ Յովհաննէս Մարկոս իրենցմէ բաժնուելով Երուսաղէմ վերադարձաւ։

ԳՈՐԾՔ ԱՌԱՔԵԼՈՑ 13:5

Սալամինա հասնելով, Աստուծոյ խօսքը կը քարոզէին Հրեաներու ժողովարաններուն մէջ։ Իրենց օգնական ունէին Յովհաննէս Մարկոսը։

ԳՈՐԾՔ ԱՌԱՔԵԼՈՑ 19:29

Ամբողջ քաղաքը իրար անցաւ։ Բոլորը միասին թատրոն խուժեցին, իրենց հետ քաշկռտելով Պօղոսի ուղեկիցները՝ Գայիոսն ու Մակեդոնացի Արիստարքոսը։

ԳՈՐԾՔ ԱՌԱՔԵԼՈՑ 20:4

Իրեն կ՚ընկերանային՝ Բերիացի Պիռոսի որդի Սոպատրոսը, Թեսաղոնիկեցի Արիստարքոսն ու Սեկունդոսը, Դերբեցի Գայիոսը, Տիմոթէոսը եւ Ասիացի Տիքիկոսն ու Տրոֆիմոսը։

ԳՈՐԾՔ ԱՌԱՔԵԼՈՑ 27:2

Բարձրացանք Ատրամիդդական նաւ մը, որ Ասիա նահանգին կողմերէն պիտի անցնէր, ու ճամբայ ելանք։ Մեզի հետ էր նաեւ Արիստարքոս Մակեդոնացին, Թեսաղոնիկէէն։

ԳՈՐԾՔ ԱՌԱՔԵԼՈՑ 4:36

Այդպիսիներէն մէկն էր, օրինակ, այն Յովսէփը որ առաքեալներուն կողմէ կոչուեցաւ Բառնաբաս, որ կը նշանակէ՝ մէկը որ կը քաջալերէ։ Ասիկա Կիպրոս ծնած Ղեւտացի մըն էր,

ՀՌՈՎՄԱՅԵՑԻՍ 16:2

որպէսզի Տիրոջ անունով ընդունիք զայն՝ ինչպէս որ հաւատացեալներուն կը վայելէ, եւ տէր ըլլաք իրեն՝ երբ ոեւէ բանի պէտք ունենալով դիմէ ձեզի. որովհետեւ ինքն ալ շատերուն տէր եղաւ եւ ամենէն աւելի՝ ինծի։

ՀՌՈՎՄԱՅԵՑԻՍ 16:7

Բարեւ ըրէք Անդրոնիկոսին եւ Յունիասին, իմ ազգակիցներուս եւ բանտակիցներուս, որոնք քաջածանօթ են իրենց առաքելական գործով եւ ինձմէ առաջ ալ քրիստոնեայ դարձած։

ԵՐԿՐՈՐԴ ՏԻՄՈԹԷՈՍ 4:11

Միայն Ղուկասը կայ քովս։ Մարկոսը ա՛ռ հետդ բեր, որովհետեւ ինծի օգտակար է Աստուծոյ ծառայութեան մէջ։

ՓԻԼԻՄՈՆ 1:23

Քեզի բարեւ ունի Եպաֆրասը, որ Քրիստոս Յիսուսի համար բանտարկուած է ինծի հետ։

ՓԻԼԻՄՈՆ 1:24

Նոյնպէս քեզի բարեւներ ունին միւս գործակիցներս՝ Մարկոսը, Արիստարքոսը, Դեմասը եւ Ղուկասը։

ԱՌԱՋԻՆ ՊԵՏՐՈՍԻ 5:13

Այստեղ, Բաբելոնի մէջ գտնուող եկեղեցին, որ ձեր ընտրելակիցն է, կ՚ողջունէ ձեզ։ Նոյնպէս բարեւներ Մարկոսէն, իմ որդիէս։