ԿՈՂՈՍԱՑԻՍ 2:2 - Western Armenian New Translation - Armenian Catholicosate of Cilicia - New Testament

² Ասիկա կ՚ըսեմ՝ որպէսզի անոնց սիրտերը մխիթարուին ու սիրով շաղկապուին, եւ ամբողջական հասկացողութեամբ կատարեալ համոզումի հասնին, ճանչնալով Հօր Աստուծոյ ծրագիրը՝ Քրիստոս Յիսուսով յայտնուած։

Արեւմտահայերէն Նոր Կտակարան հարմարցուած․ 2017

² որպէս զի անոնց սրտերը մխիթարուին՝ սիրով միացած ու կատարեալ իմաստութեան բոլոր ճոխութեանը հասնին, այսինքն Հօր Աստուծոյ եւ Քրիստոսին խորհուրդին գիտութեանը.

Western Armenian Bible 1853

² Որպէս զի անոնց սրտերը մխիթարուին՝ սիրով միացած ու կատարեալ իմաստութեան բոլոր ճոխութեանը հասնին, այսինքն Հօր Աստուծոյ եւ Քրիստոսին խորհուրդին գիտութեանը.

ԿՈՂՈՍԱՑԻՍ 2:2 Iomraidhean Croise

ՄԱՏԹԷՈՍ 11:25

Այն ատեն Յիսուս այսպէս աղօթեց. – Հա՜ յր, երկինքի եւ երկրի Տէր, շնորհակալ եմ քեզի, որ իմաստուններէն եւ գիտուններէն ծածկեցիր այն՝ ինչ որ յայտնեցիր պարզ ու համեստ մարդոց։

ՄԱՏԹԷՈՍ 11:27

Հայրս ամէն ինչ տուած է ինծի, եւ ոչ ոք կը ճանչնայ Որդին՝ բացի Հօրմէն, եւ ոչ ոք կը ճանչնայ Հայրը՝ բացի Որդիէն, կամ բացի անկէ՝ որուն յայտնել ուզէ Որդին։

ՄԱՏԹԷՈՍ 13:11

Յիսուս պատասխանեց անոնց. – Դուք պէտք է գիտնաք Աստուծոյ արքայութեան գաղտնիքները, բայց ոչ՝ անոնք։

ՂՈԻԿԱՍ 1:1

Ո՜վ պատուական Թէոփիլոս, Շատեր ձեռնարկեցին պատմելու եւ դասաւորելու այն բոլոր դէպքերը, որոնք մեր մէջ տեղի ունեցան

ՅՈՎՀԱՆՆՈԻ 10:30

Ես եւ Հայրս մէկ ենք։

ՅՈՎՀԱՆՆՈԻ 10:38

իսկ եթէ կը կատարեմ՝ նոյնիսկ եթէ ինծի չէք հաւատար, բայց գործերուս հաւատացէք, որպէսզի գիտնաք ու ճանչնաք թէ Հայրը իմ մէջս է եւ ես՝ Հօրս մէջ։

ՅՈՎՀԱՆՆՈԻ 16:15

Ինչ որ Հայրս ունի՝ իմս է. ասոր համար է որ ըսի ձեզի, թէ ինչ որ առնէ ինձմէ՝ պիտի յայտնէ ձեզի։ –

ՅՈՎՀԱՆՆՈԻ 17:3

Եւ յաւիտենական կեանքը քեզ ճանչնա՛լն է՝ որպէս ճշմարիտ միակ Աստուած եւ ճանչնալ Յիսուս Քրիստոսը՝ որ դուն ղրկեցիր։

ՅՈՎՀԱՆՆՈԻ 5:17

Յիսուս պատասխանեց անոնց. – Իմ Հայրս մինչեւ հիմա կը գործէ, ես ալ կը գործեմ։

ՅՈՎՀԱՆՆՈԻ 5:23

որպէսզի բոլորն ալ պատուեն Որդին, ինչպէս որ Հայրը կը պատուեն։ Ան որ չի պատուեր Որդին, չի պատուեր Հայրը որ զայն ղրկած է։

ՅՈՎՀԱՆՆՈԻ 6:69

Մենք հաւատացինք ու գիտցանք թէ դո՛ւն ես Քրիստոսը, Աստուծոյ Սուրբը։

ԳՈՐԾՔ ԱՌԱՔԵԼՈՑ 4:32

Հաւատացեալներու ամբողջ բազմութիւնը մէկ սիրտ մէկ հոգի էր։ Ոեւէ մէկը իր ինչքերուն համար չէր ըսեր թէ իրն են, այլ՝ ամէն ինչ հասարակաց էր իրենց միջեւ։

ՀՌՈՎՄԱՅԵՑԻՍ 15:13

Արդ, յոյսի պարգեւիչ Աստուածը թող ձեզ ամբողջական ուրախութեամբ եւ խաղաղութեամբ լեցնէ՝ իրեն հանդէպ ունեցած ձեր հաւատքովը, որպէսզի Սուրբ Հոգիին զօրութեամբ յոյսով առատանաք։

ՀՌՈՎՄԱՅԵՑԻՍ 16:25

Փա՜ռք տանք Աստուծոյ, որ կրնայ ձեզ ձեր հաւատքին մէջ հաստատուն պահել այն Աւետարանով՝ որ ձեզի բերի Յիսուս Քրիստոսը քարոզելով։ Այդ Աւետարանը յայտնութիւնն է Աստուծոյ փրկութեան ծրագիրին, որ անցեալ բոլոր ժամանակներուն մէջ ծածուկ մնացած էր։

ՀՌՈՎՄԱՅԵՑԻՍ 2:4

Կամ կ՚արհամարհե՞ս անոր անչափքաղցրութիւնը, ներողամտութիւնը եւ համբերատարութիւնը, երբ գիտես որ Աստուծոյ քաղցրութիւնն է որ քեզ ապաշխարութեան կը բերէ։

ԱՌԱՋԻՆ ԿՈՐՆԹԱՑԻՍ 14:31

Բոլորդ ալ կրնաք մէկ առ մէկ Աստուծոյ պատգամախօսը ըլլալ, որպէսզի ամէնքն ալ սորվին եւ բոլորն ալ քաջալերուին։

ԱՌԱՋԻՆ ԿՈՐՆԹԱՑԻՍ 2:12

Արդ, մենք այս աշխարհի հոգին չէր որ առինք, այլ՝ Աստուծմէ ղրկուած Հոգին, որպէսզի ճանչնանք Աստուծմէ մեզի շնորհուած պարգեւները։

ԳԱՂԱՏԱՑԻՍ 3:28

Ալ ո՛չ Հրեայի եւ հեթանոսի խտրութիւն կայ, ո՛չ ստրուկի եւ ազատ մարդու, ո՛չ ալ արուի եւ էգի, որովհետեւ Քրիստոսի միանալով՝ բոլորդ ալ մէկ եղաք։

ԵՓԵՍԱՑԻՍ 1:7

Արդարեւ, անով փրկուեցանք եւ անոր արիւնով մեր մեղքերուն թողութիւն գտանք։ Որքա՜ն մեծ է իր շնորհքը,

ԵՓԵՍԱՑԻՍ 3:16

որպէսզի իր ճոխ փառքին համաձայն ձեզի զօրութիւն տայ՝ որ իր Հոգիովը ամրապնդուիք ներքնապէս,

ԵՓԵՍԱՑԻՍ 3:3

Եւ յայտնութեամբ մը ինծի ցոյց տուաւ իր ծածուկ ծրագիրը, ինչպէս վերը համառօտակի գրեցի։

ԵՓԵՍԱՑԻՍ 6:22

Ճիշդ ատոր համար զինք ղրկեցի ձեզի, որպէսզի մեր մասին պէտք եղածը իմացնէ եւ ձեր սիրտերը հանգստացնէ։

ՓԻԼԻՊՊԵՑԻՍ 2:1

Արդ, եթէ երբեք Քրիստոսի միացած ըլլալը մխիթարութիւն է, եթէ իր սէրը կը սփոփէ, եթէ Սուրբ Հոգին մարդիկը իրարու հաղորդակից կ՚ընէ՝ զանոնք իրարու հանդէպ գթած ու ողորմած դարձնելով,

ՓԻԼԻՊՊԵՑԻՍ 3:8

Եւ իրաւ, ամէն ինչ վնաս կը համարեմ՝ համեմատած այն գերազանց շահին հետ, որ մեր Տէրը՝ Յիսուս Քրիստոսը ճանչնալն է։ Այդ գիտութիւնը ունենալու համար՝ ամէն ինչ թողուցի, ոչնչութիւն սեպելով, որպէսզի Քրիստոսը շահիմ,

ԿՈՂՈՍԱՑԻՍ 1:26

փրկութեան այն ծրագիրը՝ որ Աստուած անցեալ բոլոր դարերուն մարդկութեան բոլոր սերունդներէն ծածուկ պահած էր, եւ որ հիմա յայտնեց իր ընտրեալներուն։

ԿՈՂՈՍԱՑԻՍ 1:27

Աստուած ուզեց անոնց ցոյց տալ՝ թէ ի՜նչ հարուստ ու փառաւոր է իր ծրագիրը, որ կը վերաբերի բոլոր ազգերուն. եւ այդ ծրագիրն է՝ Քրիստոսը ճանչցնել ձեզի, գալիք փառքին յոյսով։

ԿՈՂՈՍԱՑԻՍ 1:9

Ահա թէ ինչու՝ մենք, այն օրէն որ լսեցինք, անդադար կ՚աղօթենք ձեզի համար եւ Աստուծմէ կը խնդրենք որ իր կամքին կատարեալ գիտութիւնը տայ ձեզի, եւ լեցուիք ամբողջական իմաստութեամբ եւ հոգեւոր իմացականութեամբ,

ԿՈՂՈՍԱՑԻՍ 2:19

Անոնք կապ չունին Գլուխին՝ Քրիստոսի հետ. մինչդեռ մարմինը՝ Քրիստոսի եկեղեցին, իր բոլոր յօդերով ու կապերով Գլուխին կապուած ու միացած, անկէ՛ կ՚առնէ իր աճումը, Աստուծոյ կամքին համաձայն։

ԿՈՂՈՍԱՑԻՍ 3:14

Եւ այս բոլորին վրայ՝ աւելի սէր ունեցէք, որովհետեւ սէրը ամէն ինչի ամբողջացուցիչ շաղախն է։

ԿՈՂՈՍԱՑԻՍ 4:3

Միեւնոյն ատեն աղօթեցէք նաեւ մեզի համար, որպէսզի Աստուած իր խօսքը քարոզե— լու լայն պատեհութիւն տայ մեզի, եւ կարենանք պարզել Քրիստոսի ծածուկ ծրագիրը, որուն համար բանտը կը գտնուիմ։

ԿՈՂՈՍԱՑԻՍ 4:8

Ճիշդ ատոր համար զինք ղրկեցի ձեզի, որպէսզի մեր մասին պէտք եղածը գիտնաք եւ ձեր սիրտերը հանգստանան։

ԱՌԱՋԻՆ ԹԵՍԱՂՈՆԻԿԵՑԻՍ 1:5

որովհետեւ մեր քարոզութեամբ Աստուած իր Աւետարանը յայտնեց ձեզի՝ ո՛չ միայն խօսքով, այլ նաեւ զօրութեամբ, այսինքն՝ Սուրբ Հոգիին ներգործութեամբ, եւ կատարեալ վստահութիւն ներշնչեց ձեզի։ Դուք լաւ գիտէք, թէ ձեր մէջ ի՛նչպէս ապրեցանք, ձեզի օրինակ ըլլալու համար։

ԱՌԱՋԻՆ ԹԵՍԱՂՈՆԻԿԵՑԻՍ 3:2

իսկ Տիմոթէոսը, որ մեր եղբայրն է եւ միաժամանակ Աստուծոյ պաշտօնեան եւ Քրիստոսի Աւետարանին մէջ մեր գործակիցը, ղրկեցինք ձեզի՝ որպէսզի ձեզ ամրապնդէ եւ քաջալերէ ձեր հաւատքին մէջ,

ԱՌԱՋԻՆ ԹԵՍԱՂՈՆԻԿԵՑԻՍ 5:14

Կը խնդրենք, եղբայրներ, խրատեցէ՛ք անկարգութեամբ ապրողները, յուսադրեցէ՛ք վհատածները, պաշտպան եղէք տկարներուն, համբերատար եղէք բոլորին հանդէպ։

ԱՌԱՋԻՆ ՏԻՄՈԹԷՈՍ 3:16

Եւ անհերքելիօրէն մեծ է աստուածպաշտութեան խորհուրդը, որովհետեւ Աստուած մարմինով երեւցաւ, եւ հոգիով արդարացաւ, հրեշտակներուն յայտնուեցաւ, ազգերուն մէջ քարոզուեցաւ, աշխարհի մէջ հաւատացուեցաւ, փառքով երկինք բարձրացուեցաւ։

ԵԲՐԱՅԵՑԻՍ 10:22

Ուստի անկեղծ սրտով եւ վստահութեամբ լեցուն հաւատքով մօտենանք Աստուծոյ, մեր սիրտերը մաքրած՝ խղճմտանքը ծանրացնող յանցանքներէն եւ մեր մարմինները մաքուր ջուրով լուացած։

ԵԲՐԱՅԵՑԻՍ 6:11

Եւ մենք կը փափաքինք որ ձեզմէ իւրաքանչիւրը մինչեւ վերջ շարունակէ նոյն փութաջանութիւնը ցուցաբերել, որպէսզի ձեր յոյսը միշտ հաստատուն մնայ։

ԵՐԿՐՈՐԴ ՊԵՏՐՈՍԻ 1:10

Հետեւաբար, եղբայրնե՛ր, ջանացէք աւելիո՛վ կառչիլ այն կոչումին, որուն ձեզ հրաւիրեց Աստուած՝ ընտրելով ձեզ։ Եթէ այդպէս վարուիք՝ բնաւ մեղքի մէջ չէք իյնար,

ԵՐԿՐՈՐԴ ՊԵՏՐՈՍԻ 1:3

Քրիստոս իր աստուածային զօրութեամբ մեզի պարգեւեց ամէն ինչ որ անհրաժեշտ է աստուածապաշտ կեանքի մը համար, մեզի ճանչցնելով ան՝ որ իր փառքովն ու զօրութեամբը մեզ իրեն կանչեց։

ԵՐԿՐՈՐԴ ՊԵՏՐՈՍԻ 3:18

Այլ, մեր Տիրոջ եւ Փրկչին՝ Յիսուս Քրիստոսի շնորհքովն ու գիտութեամբը աճեցէք։ Անոր փառք, թէ՛ այժմ եւ թէ՛ յաւիտենական օրը։ Ամէն։

ԱՌԱՋԻՆ ՅՈՎՀԱՆՆՈՒ 3:19

Ահա այսպէ՛ս կը գիտնանք՝ թէ ճշմարտութեան հետեւող կը մնանք։ Այսպէս նաեւ մեր սիրտերը վստահութիւն կ՚ունենան Աստուծոյ առջեւ կանգնելու։

ԱՌԱՋԻՆ ՅՈՎՀԱՆՆՈՒ 5:7

Եւ Սուրբ Հոգին ինք կը վկայէ ատոր ճշմարտութեան, որովհետեւ Հոգին ինք ճշմարտութիւնն իսկ է։