ԳՈՐԾՔ ԱՌԱՔԵԼՈՑ 8:5 - Western Armenian New Translation - Armenian Catholicosate of Cilicia - New Testament

⁵ Այսպէս, Փիլիպպոս Սամարիա քաղաքը գնաց եւ խոստացուած Փրկիչը քարոզեց անոնց։

Արեւմտահայերէն Նոր Կտակարան հարմարցուած․ 2017

⁵ Փիլիպպոս ալ Սամարիայի մէկ քաղաքը իջնելով՝ Քրիստոսը կը քարոզէր անոնց։

Western Armenian Bible 1853

⁵ Փիլիպպոս ալ Սամարիայի մէկ քաղաքը իջնելով՝ Քրիստոսը կը քարոզէր անոնց։

ԳՈՐԾՔ ԱՌԱՔԵԼՈՑ 8:5 Iomraidhean Croise

ԳՈՐԾՔ ԱՌԱՔԵԼՈՑ 1:8

Բայց երբ Սուրբ Հոգին իջնէ ձեր վրայ, զօրութեամբ պիտի լեցուիք եւ իմ վկաներս պիտի ըլլաք՝ Երուսաղէմի, ամբողջ Հրէաստանի եւ Սամարիայի մէջ, եւ մինչեւ աշխարհի ծայրամասերը։

ԳՈՐԾՔ ԱՌԱՔԵԼՈՑ 21:8

Իսկ յաջորդ օր հոնկէ ելլելով եկանք Կեսարիա, մտանք Փիլիպպոս աւետարանիչին տունը, որ եօթը սարկաւագներէն մէկն էր, եւ հոն մնացինք։

ԳՈՐԾՔ ԱՌԱՔԵԼՈՑ 5:42

Ամէն օր, թէ՛ տաճարին եւ թէ՛ իրենց տուներուն մէջ, անդադար կը սորվեցնէին՝ Յիսուս Քրիստոսը քարոզելով։

ԳՈՐԾՔ ԱՌԱՔԵԼՈՑ 6:5

Հաւատացեալները ուղիղ գտան առաջարկը եւ հետեւեալները ընտրեցին.– Ստեփանոսը, որ հաւատքով եւ Սուրբ Հոգիով լեցուն մարդ մըն էր, Փիլիպպոսը, Պրոքորոնը, Նիկանորը, Տիմոնը, Պարմենասը եւ Նիկողայոսը, որ հրէութեան դարձած Անտիոքացի մըն էր։

ԳՈՐԾՔ ԱՌԱՔԵԼՈՑ 8:1

Ստեփանոսի քարկոծումը պահանջողներէն մէկն ալ Սօղոսն էր։ Նոյն օրը Երուսպղէմի եկեղեցւոյ դէմ մեծ հալածանք սկսաւ, որուն հետեւանքով՝ բացի առաքեալներէն բոլոր միւսները ցրուեցան Հրէաստանի եւ Սամարիայի գիւղերը։

ԳՈՐԾՔ ԱՌԱՔԵԼՈՑ 8:26

Տիրոջ հրեշտակը Փիլիպպոսի խօսեցաւ, ըսելով. –Ե՛լ, հարաւ գնա, այն ճամբան՝ որ Երուսաղէմէն Կազա կ՚իջնէ եւ ամայի է։

ԳՈՐԾՔ ԱՌԱՔԵԼՈՑ 8:30

Երբ Փիլիպպոս վազելով հասաւ կառքին, լսեց որ անիկա Եսայի մարգարէն կը կարդար բարձրաձայն։ Հարցուց. –Կը հասկնա՞ս ինչ որ կը կարդաս։

ԳՈՐԾՔ ԱՌԱՔԵԼՈՑ 8:40

Իսկ Փիլիպպոս ինքզինք Ազոտոսի մէջ գտաւ։ Կը շրջէր ու կ՚աւետարանէր բոլոր քաղաքներուն մէջ, մինչեւ եկաւ Կեսարիա։

ԳՈՐԾՔ ԱՌԱՔԵԼՈՑ 8:6

Մեծ բազմութիւններ ականջ կու տային անոր քարոզութեան, որովհետեւ թէ՛ կը լսէին եւ թէ՛ կը տեսնէին անոր կատարած հրաշքները։

ԳՈՐԾՔ ԱՌԱՔԵԼՈՑ 9:20

Անմիջապէս ժողովարանները երթալով Յիսուսը կը քարոզէր, ըսելով. –Աստուծոյ Որդին է ան։

ԱՌԱՋԻՆ ԿՈՐՆԹԱՑԻՍ 1:23

մենք խաչուած Քրիստոսը կը քարոզենք, որ գայթակղութիւն է Հրեաներուն համար եւ յիմարութիւն՝ հեթանոսներուն համար,

ԱՌԱՋԻՆ ԿՈՐՆԹԱՑԻՍ 2:2

որովհետեւ միակ նպատակ դրած էի՝ ձեզի ճանչցնել Յիսուսը՝ Քրիստոսը, այսինքն նոյնիքն խաչուած Փրկիչը։

ԱՌԱՋԻՆ ԿՈՐՆԹԱՑԻՍ 3:11

Որովհետեւ ոեւէ մէկը չի կրնար ուրիշ հիմ դնել, քան Աստուծոյ դրած միակ հիմը, որ Յիսուս Քրիստոս է։