ԳՈՐԾՔ ԱՌԱՔԵԼՈՑ 6:3 - Western Armenian New Translation - Armenian Catholicosate of Cilicia - New Testament

³ Հետեւաբար, եղբայրնե՛ր, ձեր կողմէ վկայուած եօթը հոգի ընտրեցէք, որոնք Սուրբ Հոգիով եւ իմաստութեամբ լեցուն ըլլան։ Զանոնք այս անհրաժեշտ գործին համար կարգենք,

Արեւմտահայերէն Նոր Կտակարան հարմարցուած․ 2017

³ Ուստի, եղբա՛յրներ, ձեզմէ եօթը հոգի ընտրեցէք՝ բարի վկայուած, Սուրբ Հոգիով եւ իմաստութիւնով լեցուն, որպէս զի զանոնք այս գործին վրայ դնենք

Western Armenian Bible 1853

³ Ուստի, եղբա՛յրներ, ձեզմէ եօթը հոգի ընտրեցէք՝ բարի վկայուած, Սուրբ Հոգիով եւ իմաստութիւնով լեցուն, որպէս զի զանոնք այս գործին վրայ դնենք

ԳՈՐԾՔ ԱՌԱՔԵԼՈՑ 6:3 Iomraidhean Croise

ՄԱՏԹԷՈՍ 23:8

Բայց դուք ոեւէ մէկը «վարդապետ» մի՛ կոչէք, որովհետեւ դուք բոլորդ եղբայրներ էք եւ մէկ ուսուցիչ ունիք։

ՅՈՎՀԱՆՆՈԻ 21:23

Այս խօսքէն Յիսուսի հետեւորդներուն մէջ այն կարծիքը տարածուեցաւ՝ թէ այդ աշակերտը պիտի չմեռնի։ Բայց Յիսուս չըսա՛ւ թէ «Պիտի չմեռնի», այլ՝ «Եթէ ես կ՚ուզեմ որ ասիկա ապրի մինչեւ ես գամ, քու ի՞նչ հոգդ է»։

ԳՈՐԾՔ ԱՌԱՔԵԼՈՑ 1:15

Համբարձումէն քանի մը օրեր ետք, երբ շուրջ հարիւր քսանհաւատացեալներ մէկտեղուած էին, Պետրոս ոտքի ելլելով ըսաւ. –

ԳՈՐԾՔ ԱՌԱՔԵԼՈՑ 1:21

Այստեղ կան մարդիկ, որոնք միշտ մեր հետը եղած են Տէր Յիսուսի երկրաւոր առաքելութեան ամբողջ տեւողութեան,

ԳՈՐԾՔ ԱՌԱՔԵԼՈՑ 10:22

Անոնք պատասխանեցին. –Մեզ ղրկողը Կոռնելիոս հարիւրապետն է, արդար եւ աստուածավախ մարդ մը, որուն մասին ամբողջ Հրեայ ժողովուրդը կը վկայէ։ Անիկա սուրբ հրեշտակէն հրաման ստացաւ՝ քեզ իր տունը կանչելու եւ քեզմէ լսելու ինչ որ պիտի ըսես։

ԳՈՐԾՔ ԱՌԱՔԵԼՈՑ 15:23

Անոնց ձեռքով նաեւ հետեւեալ նամակը ղրկեցին Անտիոքի եղբայրներուն.– «Առաքեալներէն, երէցներէն ու եղբայրներէն՝ ողջոյն ձեզի, հեթանոսութենէ դարձի եկած եղբայրներուդ, որ Անտիոքի, Սուրիայի եւ Կիլիկիայի մէջ կը գտնուիք»։

ԳՈՐԾՔ ԱՌԱՔԵԼՈՑ 16:2

եւ շատ յարգուած էր Լիստրայի եւ Իկոնիոնի եղբայրներուն կողմէ։

ԳՈՐԾՔ ԱՌԱՔԵԼՈՑ 2:4

Բոլոր ներկաները Սուրբ Հոգիով լեցուեցան եւ սկսան տարբեր լեզուներովխօսիլ, ինչպէս որ Հոգին խօսիլ կու տար։

ԳՈՐԾՔ ԱՌԱՔԵԼՈՑ 22:12

Այնտեղ Օրէնքը պահող բարեպաշտ մարդ մը կար, Անանիա անունով, որուն մասին հոն բնակող բոլոր Հրեաներն ալ լաւ կը վկայէին։

ԳՈՐԾՔ ԱՌԱՔԵԼՈՑ 28:14

ուր քրիստոնեայ եղբայրներ գտանք, եւ անոնց խնդրանքին վրայ շաբաթ մը հոն մնացինք։ Այսպէս, ի վերջոյ, ուղղուեցանք Հռոմ։

ԳՈՐԾՔ ԱՌԱՔԵԼՈՑ 6:2

Այն ատեն, տասներկու առաքեալները կանչեցին բոլոր հաւատացեալները եւ ըսին. –Մենք չենք ուզեր Աստուծոյ խօսքին քարոզութիւնը ձգել եւ ուտելիք մատակարարելով զբաղիլ։

ԳՈՐԾՔ ԱՌԱՔԵԼՈՑ 6:5

Հաւատացեալները ուղիղ գտան առաջարկը եւ հետեւեալները ընտրեցին.– Ստեփանոսը, որ հաւատքով եւ Սուրբ Հոգիով լեցուն մարդ մըն էր, Փիլիպպոսը, Պրոքորոնը, Նիկանորը, Տիմոնը, Պարմենասը եւ Նիկողայոսը, որ հրէութեան դարձած Անտիոքացի մըն էր։

ԳՈՐԾՔ ԱՌԱՔԵԼՈՑ 6:6

Ապա զանոնք բերին առաքեալներուն առջեւ, որոնք աղօթեցին եւ իրենց ձեռքը դրին անոնց վրայ։

ԳՈՐԾՔ ԱՌԱՔԵԼՈՑ 9:30

Հաւատացեալ եղբայրները երբ իմացան, Կեսարիա փախցուցին Սօղոսը, եւ հոնկէ ալ Տարսոն ղրկեցին։

ԱՌԱՋԻՆ ԿՈՐՆԹԱՑԻՍ 12:8

Այսպէս, Սուրբ Հոգին մէկուն կարողութիւն կու տայ իմաստութեամբ յորդորելու, միւսին՝ նոյն Հոգին կարողութիւն կու տայ հոգեւոր գիտութեան հասնելու եւ ուսուցանելու։

ԱՌԱՋԻՆ ԿՈՐՆԹԱՑԻՍ 16:3

այլ երբ գամ՝ յանձնարարական նամակներ տամ եւ Երուսաղէմ ղրկեմ ձեր ընտրած մարդիկը, որպէսզի ձեր նուէրները տանին։

ԵՓԵՍԱՑԻՍ 5:18

Գերին մի՛ դառնաք գինիին, որ անառակութեան կը տանի. այլ մասնաւորաբար Սուրբ Հոգիով լեցուեցէք,

ԱՌԱՋԻՆ ՏԻՄՈԹԷՈՍ 5:10

եւ բարի գործերով վկայուած են, այսինքն՝ զաւակներ մեծցուցած, հիւրասէր եղած, ճամբորդ հաւատացեալներուն խոնարհաբար ծառայած, նեղութեան մէջ եղողներուն օգնած, եւ իրենք զիրենք ամբողջութեամբ բարեգործութեան տուած են։

ՅԱԿՈԲՈՒ 1:17

Միայն բարի նուէրները եւ կատարեալ պարգեւներն են որ կու գան երկինքէն, Հօր Աստուծմէ, որ լոյսի արարիչն է, որուն կամքը անփոփոխ է, անդառնալի եւ անստուեր։

ԵՐՐՈՐԴ ՅՈՎՀԱՆՆՈՒ 1:12

Գալով Դեմետրիոսին, ամէնքն ալ լաւ վկայութիւն կու տան իր մասին, թէ՛ եկեղեցին եւ թէ՛ ճշմարտութիւնը ինք։ Մենք ալ կը վկայենք իր մասին, եւ գիտես թէ մեր վկայութիւնը ճշմարիտ է։