ԳՈՐԾՔ ԱՌԱՔԵԼՈՑ 5:5 - Western Armenian New Translation - Armenian Catholicosate of Cilicia - New Testament

⁵ Անանիա այս խօսքերը լսելով՝ գետին ինկաւ եւ շունչը փչեց։ Մեծ վախ մը պատեց բոլոր անոնք՝ որոնք ներկայ էին ու լսեցին ասիկա։

Արեւմտահայերէն Նոր Կտակարան հարմարցուած․ 2017

⁵ Եւ Անանիա այս խօսքերը լսելով՝ ինկաւ ու հոգի տուաւ եւ մեծ վախ ինկաւ ամենուն վրայ, որոնք ասիկա լսեցին։

Western Armenian Bible 1853

⁵ Եւ Անանիա այս խօսքերը լսելով՝ ինկաւ ու հոգի տուաւ եւ մեծ վախ ինկաւ ամենուն վրայ, որոնք ասիկա լսեցին։

ԳՈՐԾՔ ԱՌԱՔԵԼՈՑ 5:5 Iomraidhean Croise

ԳՈՐԾՔ ԱՌԱՔԵԼՈՑ 13:11

Ահա հիմա Տէրը պիտի հարուածէ քեզ. պիտի կուրնաս եւ ժամանակուան մը համար արեւուն երեսը պիտի չտեսնես։ Նոյն վայրկեանին Եղիմասի աչքերը մշուշուեցան ու խաւարեցան։ Կը խարխափէր եւ կը փնտռէր մէկը՝ որ իր ձեռքէն բռնելով առաջնորդէր զինք։

ԳՈՐԾՔ ԱՌԱՔԵԼՈՑ 2:43

Երուսաղէմի մէջ ամէն մարդ վախով լեցուած էր, որովհետեւ առաքեալներուն ձեռքով բազմաթիւ հրաշքներ ու նշաններ կը կատարուէին։

ԱՌԱՋԻՆ ԿՈՐՆԹԱՑԻՍ 4:21

Արդ, ի՞նչպէս կ՚ուզէք, գաւազանո՞վ գամ ձեզի, թէ սիրով եւ ազնուութեամբ։

ԵՐԿՐՈՐԴ ԿՈՐՆԹԱՑԻՍ 13:10

Ասիկա հեռուէն կը գրեմ ձեզի, որպէսզի երբ գամ՝ պէտք չունենամ խստութեամբ վարուելու ձեզի հետ այն իշխանութեամբ՝ որ Տէրը ինծի տուաւ ուղղելու համար, եւ ո՛չ թէ պատժելու։

ԵՐԿՐՈՐԴ ԿՈՐՆԹԱՑԻՍ 13:2

Ինչ որ երկրորդ այցելութեանս առիթով անձամբ ըսի, հիմա եւս, հեռուէն, իբրեւ ազդարարութիւն կ՚ըսեմ անոնց՝ որոնք սկիզբէն մեղանչեցին, ինչպէս նաեւ միւս բոլորին, թէ՝ յաջորդ գալուս անոնցմէ ոեւէ մէկուն պիտի չխնայեմ։

ԵՐԿՐՈՐԴ ԿՈՐՆԹԱՑԻՍ 7:11

Արդ, տեսէք թէ Աստուծոյ պատճառած ցաւը ի՛նչպէս անտարբերութենէն դուրս բերաւ ձեզ եւ մղեց՝ որ դուք ձեզ արդարացնէք։ Զայրացաք, տագնապեցաք, անձկութեամբ լեցուեցաք։ Բայց յետոյ նախանձախնդրութեամբ վառեցաք եւ սխալը մէջտեղէն վերցուցիք, եւ ամէն կերպով ցոյց տուիք, թէ դուք յանցանք չունիք այդ խնդրին մէջ։

ՅԱՅՏՆՈՒԹԻՒՆ 11:13

Նոյն պահուն զօրաւոր երկրաշարժ մը տեղի ունեցաւ եւ քաղաքին մէկ տասներորդ մասը կործանեցաւ. այս երկրաշարժէն մահացան եօթը հազար հոգի։ Մեծ սարսափ մը պատեց մնացեալները, որոնք երկնաւոր Աստուծոյ փառք կու տային։

ՅԱՅՏՆՈՒԹԻՒՆ 11:5

Եթէ ոեւէ մէկը ուզէ անոնց վնասել, կրակ պիտի ելլէ անոնց բերանէն ու ոչնչացնէ իրենց թշնամիները. եւ այսպէս պիտի սպաննուին բոլոր անոնք՝ որոնք կ՚ուզեն վնաս հասցնել անոնց։