ԳՈՐԾՔ ԱՌԱՔԵԼՈՑ 5:12 - Western Armenian New Translation - Armenian Catholicosate of Cilicia - New Testament

^12-14 Երբհաւատացեալներըբոլորըմէկկըխմբուէին Սողոմոնի սիւնագաւիթին մէջ, ուրիշ ոեւէ մէկը չէր համարձակեր իրենց մօտենալ։ Բայց եւ այնպէս, ամբողջ ժողովուրդը կը յարգէր զիրենք, եւ հետզհետէ կ՚աւելնար անոնց թիւը, որովհետեւ բազմաթիւ այրեր ու կիներ կը հաւատային Տիրոջ։ Առաքեալներուն ձեռքով բազմաթիւ նշաններ ու հրաշքներ կը կատարուէին ժողովուրդին մէջ.

Արեւմտահայերէն Նոր Կտակարան հարմարցուած․ 2017

¹² Առաքեալներուն ձեռքով շատ նշաններ ու հրաշքներ կ’ըլլային ժողովուրդին մէջ եւ ամէնքը միաբանութեամբ Սողոմոնին Սրահին մէջ էին։

Western Armenian Bible 1853

¹² Առաքեալներուն ձեռքով շատ նշաններ ու հրաշքներ կ’ըլլային ժողովուրդին մէջ եւ ամէնքը միաբանութեամբ Սողոմոնին Սրահին մէջ էին։

ԳՈՐԾՔ ԱՌԱՔԵԼՈՑ 5:12 Iomraidhean Croise

ՄԱՐԿՈՍ 16:20

Իսկ անոնք աշխարհի բոլոր կողմերը երթալով՝ Տիրոջ գործակցութեամբ Աւետարանը կը քարոզէին, եւ իրենց քարոզութիւնը կը հաստատուէր իրենց տրուած բոլոր նշաններով։

ՅՈՎՀԱՆՆՈԻ 10:23

Յիսուս տաճարին Սողոմոնի սիւնագաւիթին մէջ կ՚երթեւեկէր,

ՅՈՎՀԱՆՆՈԻ 4:48

Յիսուս ըսաւ անոր. – Մինչեւ որ նշաններ եւ հրաշքներ չտեսնէք՝ պիտի չհաւատաք։

ԳՈՐԾՔ ԱՌԱՔԵԼՈՑ 1:14

Բոլորը միասնաբար յարատեւ աղօթքով կ՚անցընէին օրերը, շատ մը կիներու, Յիսուսի մօր՝ Մարիամի եւ Յիսուսի եղբայրներուն հետ միասին։

ԳՈՐԾՔ ԱՌԱՔԵԼՈՑ 14:3

Այսուհանդերձ առաքեալները բաւական ատեն մնացին այնտեղ։ Համարձակութեամբ կը քարոզէին՝ վստահելով Տիրոջ, որ իր շնորհքին քարոզութեան վկայութիւն կու տար՝ անոնց ձեռքով նշաններ ու հրաշքներ կատարելով։

ԳՈՐԾՔ ԱՌԱՔԵԼՈՑ 16:18

Երբ օրեր շարունակ ասիկա կրկնեց, Պօղոսի համբերութիւնը հատաւ, եւ դառնալով՝ ըսաւ ոգիին. –Յիսուս Քրիստոսի անունով կը հրամայեմ քեզի՝ ե՛լ ատկէ։ Նոյն վայրկեանին ոգին դուրս ելաւ անկէ։

ԳՈՐԾՔ ԱՌԱՔԵԼՈՑ 19:11

Աստուած Պօղոսի ձեռքով արտասովոր հրաշքներ կը գործէր։

ԳՈՐԾՔ ԱՌԱՔԵԼՈՑ 2:46

Կանոնաւոր կերպով ամէն օր միասնաբար տաճար կ՚երթային, իսկ իրենց տուներէն ներս կը կատարէին հացի բեկումը, որմէ ետք ուրախութեամբ ու մաքուր սրտով իրենց կերակուրը կ՚ուտէին

ԳՈՐԾՔ ԱՌԱՔԵԼՈՑ 28:9

Ասոր վրայ՝ կղզիին միւս հիւանդները եւս սկսան գալ, եւ բժշկուեցան։

ԳՈՐԾՔ ԱՌԱՔԵԼՈՑ 3:11

Մինչ բժշկուած կաղը Պետրոսի եւ Յովհաննէսի կը հետեւէր, ներկայ ամբողջ ժողովուրդը զարմացած՝ վազեց անոնց քով, այն սիւնագաւիթը, որ Սողոմոնի անունով կը կոչուէր։

ԳՈՐԾՔ ԱՌԱՔԵԼՈՑ 4:30

Զօրութիւն տուր մեզի, որպէսզի բժշկութիւններ, նշաններ ու հրաշքներ կատարուին քու Սուրբ Որդիիդ՝ Յիսուսի անունով։

ԳՈՐԾՔ ԱՌԱՔԵԼՈՑ 9:33

Այնտեղ հանդիպեցաւ Ենէաս անունով մէկու մը, որ ութը տարիներէ ի վեր անկողին կը մնար անդամալոյծ վիճակով։

ԳՈՐԾՔ ԱՌԱՔԵԼՈՑ 9:40

Պետրոս զանոնք բոլորը դուրս հանեց, ծունկի եկաւ, աղօթեց, եւ ապա դէպի մարմինը դառնալով՝ ըսաւ. –Տաբիթա՛, Տէր Յիսուս Քրիստոսի անունով կ՚ըսեմ՝ ոտքի՛ ել։ Տաբիթա աչքերը բացաւ եւ Պետրոսը տեսնելով՝ շտկուեցաւ նստաւ։

ՀՌՈՎՄԱՅԵՑԻՍ 15:19

զօրաւոր նշաններով ու հրաշքներով, Սուրբ Հոգիին զօրութեամբ։ Այնպէս որ Երուսաղէմէն սկսեալ մինչեւ Իլլիրիկում՝ ամէն կողմ Քրիստոսի Աւետարանը տարածեցի։

ԵՐԿՐՈՐԴ ԿՈՐՆԹԱՑԻՍ 12:12

Իմ առաքեալ ըլլալուս նշանները Աստուած ցոյց տուաւ այն գործերով՝ նշաններով, սքանչելիքներով ու զօրաւոր հրաշքներով, որ ես մեծ համբերութեամբ կատարեցի ձեր մէջ։

ԵԲՐԱՅԵՑԻՍ 2:4

Աստուած ինք ալ այդ փրկութեան իր վկայութիւնը տուաւ՝ նշաններով ու հրաշքներով, բազմատեսակ սքանչելիքներով եւ Սուրբ Հոգիին պարգեւներովը, ինչպէս որ ինք կամեցաւ։