ԳՈՐԾՔ ԱՌԱՔԵԼՈՑ 4:1 - Western Armenian New Translation - Armenian Catholicosate of Cilicia - New Testament

¹ Մինչ անոնքժողովուրդին կըխօսէին, քահանաներ, տաճարին զօրապետը եւ Սադուկեցիներ վրայ հասան։

Արեւմտահայերէն Նոր Կտակարան հարմարցուած․ 2017

¹ Երբ անոնք ժողովուրդին կը խօսէին, քահանաները ու տաճարին իշխանը եւ Սադուկեցիները անոնց վրայ հասան,

Western Armenian Bible 1853

¹ Երբ անոնք ժողովուրդին կը խօսէին, քահանաները ու տաճարին իշխանը եւ Սադուկեցիները անոնց վրայ հասան,

ԳՈՐԾՔ ԱՌԱՔԵԼՈՑ 4:1 Iomraidhean Croise

ՄԱՏԹԷՈՍ 16:12

Այն ատեն աշակերտները հասկցան, թէ հացի խմորի մասին չէր խօսեր, այլ կը զգուշացնէր Փարիսեցիներու եւ Սադուկեցիներու ուսուցումներէն։

ՄԱՏԹԷՈՍ 22:16

Եւ Յիսուսի ղրկեցին իրենց աշակերտներէն ոմանք, Հերովդէսի կողմնակիցներուն հետ միասին։ Ասոնք ըսին Յիսուսի. – Վարդապե՛տ, գիտենք որ ճշմարտախօս ես եւ ճշմարտութեամբ Աստուծոյ կամքը կ՚ուսուցանես՝ առանց հոգ ընելու թէ ուրիշներ ինչ կ՚ըսեն, որովհետեւ աչառութիւն չես ըներ։

ՄԱՏԹԷՈՍ 27:20

Սակայն աւագ քահանաները եւ երէցները ժողովուրդը համոզեցին որ խնդրեն Բարաբբան ազատ արձակել եւ Յիսուսը՝ մահուան դատապարտել։

ՄԱՏԹԷՈՍ 27:41

Նոյնպէս աւագ քահանաները Օրէնքի ուսուցիչներուն եւ երէցներուն հետ կը ծաղրէին զինք ու կ՚ըսէին. –

ՄԱՏԹԷՈՍ 3:7

Երբ Յովհաննէս տեսաւ շատ մը Սադուկեցիներ եւ Փարիսեցիներ, որոնք իրմէ մկրտուելու եկած էին, ըսաւ անոնց. – Իժերո՛ւ ծնունդներ, ո՞վ ըսաւ ձեզի թէ կրնաք Աստուծոյ տալիք պատիժէն փախչիլ։

ՂՈԻԿԱՍ 20:1

Նոյն այդ օրերուն, մինչ Յիսուս տաճարին մէջ ժողովուրդին կ՚ուսուցանէր եւ Աւետարանը կը քարոզէր, աւագ քահանաները եւ Օրէնքի ուսուցիչները երէցներուն հետ վրայ հասան

ՂՈԻԿԱՍ 22:4

Ասիկա գնաց եւ խօսեցաւ աւագ քահանաներուն, Օրէնքի ուսուցիչներուն եւ տաճարի պահակապետներուն հետ, որպէսզի Յիսուսը անոնց յանձնէ։

ՅՈՎՀԱՆՆՈԻ 15:20

Յիշեցէ՛ք այն խօսքը որ ըսի ձեզի, թէ «Ծառան իր տիրոջմէ աւելի մեծ չէ»։ Եթէ զիս հալածեցին, ձեզ ալ պիտի հալածեն. եթէ իմ խօսքերս գործադրեցին, ապա ձերն ալ պիտի գործադրեն։

ՅՈՎՀԱՆՆՈԻ 18:3

Ուստի, Յուդա իր հետ առնելով զինուորներու գունդ մը եւ աւագ քահանաներուն ու Փարիսեցիներուն կողմէ ղրկուած սպասաւորները, եկաւ պարտէզ։ Անոնք զինուած էին եւ ունէին ջահեր եւ լապտերներ։

ԳՈՐԾՔ ԱՌԱՔԵԼՈՑ 4:6

Եկան նաեւ Հաննա եւ Կայիափա քահանայապետները, Յովհաննէսն ու Աղեքսանդրոսը եւ քահանայապետական ընտանիքի միւս անդամները։

ԳՈՐԾՔ ԱՌԱՔԵԼՈՑ 5:17

Քահանայապետը եւ իր մարդիկը, որոնք Սադուկեցիներու կրօնական կուսակցութեան անդամներ էին, առաքեալներուն դէմ նախանձով լեցուեցան։

ԳՈՐԾՔ ԱՌԱՔԵԼՈՑ 5:24

Տաճարին պահակապետն ու աւագ քահանաները այս զեկոյցը իմանալով՝ ապշած մնացին, որովհետեւ չէին գիտեր թէ ինչպէ՛ս բացատրեն առաքեալներուն անհետացումը։

ԳՈՐԾՔ ԱՌԱՔԵԼՈՑ 5:26

Այն ատեն պահակապետը եւ իր մարդիկը գացին եւ զանոնք բերին առանց բռնութեան, որովհետեւ ժողովուրդին կողմէ քարկոծուելէ կը վախնային։

ԳՈՐԾՔ ԱՌԱՔԵԼՈՑ 6:12

Այս ձեւով գրգռեցին ժողովուրդը, երէցները եւ Օրէնքի ուսուցիչները, եւ Ստեփանոսի վրայ յարձակելով՝ զայն բռնեցին Ատեան բերին։

ԳՈՐԾՔ ԱՌԱՔԵԼՈՑ 6:7

Ահա այսպէս, Աստուծոյ խօսքը կը տարածուէր եւ Երուսաղէմի մէջ հաւատացեալներու թիւը մեծապէս կը շատնար։ Նոյնիսկ քահանաներէն շատ–շատեր հաւատքը կ՚ընդունէին։