ԳՈՐԾՔ ԱՌԱՔԵԼՈՑ 26:5 - Western Armenian New Translation - Armenian Catholicosate of Cilicia - New Testament

⁵ Դարձեալ հինէն ի վեր գիտեն, եթէ ուզեն այդ մասին վկայել, թէ շատ կանուխէն պատկանած եմ մեր կրօնքին խստագոյն գործադրութիւնը պահանջող խմբակցութեան, Փարիսեցի մը ըլլալով։

Արեւմտահայերէն Նոր Կտակարան հարմարցուած․ 2017

⁵ Քանզի շատ կանուխէն զիս կը ճանչնան, (եթէ ուզեն վկայել), թէ մեր կրօնքին ամենէն խիստ օրէնքին համաձայն՝ Փարիսեցի ապրեր եմ.

Western Armenian Bible 1853

⁵ Քանզի շատ կանուխէն զիս կը ճանչնան, (եթէ ուզեն վկայել,) թէ մեր կրօնքին ամենէն խիստ օրէնքին համաձայն՝ Փարիսեցի ապրեր եմ.

ԳՈՐԾՔ ԱՌԱՔԵԼՈՑ 26:5 Iomraidhean Croise

ԳՈՐԾՔ ԱՌԱՔԵԼՈՑ 15:5

Փարիսեցիներու աղանդէն եկող հաւատացեալներէն ոմանք ելան եւ ըսին. –Պէտք է թլփատել զանոնք, եւ պատուիրել՝ որ Մովսէսի Օրէնքը գործադրեն։

ԳՈՐԾՔ ԱՌԱՔԵԼՈՑ 22:3

Ես Հրեայ մարդ մըն եմ՝ Կիլիկիայի Տարսոն քաղաքը ծնած, բայց սնած այս քաղաքին մէջ, Գամաղիէլի ձեռքին տակ եւ մեր հայրենի ճշգրիտ Օրէնքով դաստիարակուած։ Ես նոյնքան նախանձախնդրութեամբ նուիրուած էի Աստուծոյ՝ որքան դուք բոլորդ այսօր։

ԳՈՐԾՔ ԱՌԱՔԵԼՈՑ 22:5

ինչպէս քահանայապետը եւ ամբողջ ծերակոյտը կրնան վկայել, որովհետեւ իրենցմէ նամակներ առած էի՝ Դամասկոսի մեր եղբայրներուն ուղղուած, եւ հոն կ՚երթայի՝ Դամասկոս եղողներն ալ ձերբակալելու եւ Երուսաղէմ բերելու համար, որպէսզի պատժուին։

ԳՈՐԾՔ ԱՌԱՔԵԼՈՑ 23:6

Երբ Պօղոս գիտցաւ, որ Ատեանին մէկ կողմը Սադուկեցիներն են, իսկ միւս կողմը՝ Փարիսեցիները, սկսաւ աղաղակել. –Եղբայրնե՛ր, ես Փարիսեցի եմ եւ Փարիսեցիներու զաւակ. եւ եթէ կը դատուիմ ահա՝ մեռելներու յարութեան յոյսը ունենալուս համար է։

ԳՈՐԾՔ ԱՌԱՔԵԼՈՑ 24:14

Կը վստահեցնեմ քեզ, որ ես ալ մեր հայրենի Աստուածը կը պաշտեմ, բայց նոր ուղղութեամբ մը՝ որ իրենք «աղանդ» կը կոչեն։ Կը հաւատամ այն բոլորին որ գրուած են Օրէնքին եւ մարգարէութեանց մէջ,

ԳՈՐԾՔ ԱՌԱՔԵԼՈՑ 24:5

Մեզի համար այս մարդը աղէտ մըն է։ Ապստամբութիւն կը հրահրէ ամբողջ աշխարհի Հրեաներուն մէջ եւ Նազովրեցիներու աղանդին պարագլուխն է։