ԳՈՐԾՔ ԱՌԱՔԵԼՈՑ 26:3 - Western Armenian New Translation - Armenian Catholicosate of Cilicia - New Testament

³ Մանաւանդ անոր համար՝ որ Հրեաներու բոլոր կրօնական սովորութիւններուն ու խնդիրներուն լաւ տեղեակ ես։ Հետեւաբար կ՚աղաչեմ որ համբերութեամբ լսես զիս։

Արեւմտահայերէն Նոր Կտակարան հարմարցուած․ 2017

³ մանաւանդ որ դուն Հրեաներուն բոլոր սովորութիւնները եւ խնդիրները աղէկ գիտես, անոր համար կ’աղաչեմ որ երկայնամտութեամբ ինծի մտիկ ընես։

Western Armenian Bible 1853

³ Մանաւանդ որ դուն Հրեաներուն բոլոր սովորութիւնները եւ խնդիրները աղէկ գիտես, անոր համար կ’աղաչեմ որ երկայնամտութեամբ ինծի մտիկ ընես։

ԳՈՐԾՔ ԱՌԱՔԵԼՈՑ 26:3 Iomraidhean Croise

ԳՈՐԾՔ ԱՌԱՔԵԼՈՑ 21:21

Բայց քու մասիդ իմացեր են, որ հեթանոսներուն մէջ ապրող բոլոր Հրեաներուն կը սորվեցնես՝ որ Մովսէսի Օրէնքը թողուն. այսինքն կ՚ըսես՝ որ իրենց տղաքը չթլփատեն եւ իրենց սովորութիւնները չպահեն։

ԳՈՐԾՔ ԱՌԱՔԵԼՈՑ 24:10

Երբ կառավարիչը գլուխով նշան ըրաւ, Պօղոս հետեւեալ ձեւով պատասխանեց. –Գիտեմ որ երկար տարիներէ ի վեր դատաւոր եղած ես այս ազգին, ատոր համար ալ յօժարութեամբ կը պատասխանեմ ինծի դէմ եղած ամբաստանութիւններուն։

ԳՈՐԾՔ ԱՌԱՔԵԼՈՑ 24:4

Բայց որպէսզի շատ չձանձրացնեմ քեզ, կը խնդրեմ որ քու ազնուութեամբդ լսես ինչ որ համառօտ կերպով պիտի ըսենք։

ԳՈՐԾՔ ԱՌԱՔԵԼՈՑ 25:26

Միայն թէ տակաւին յստակ չեմ գիտեր այս մասին ի՛նչ գրեմ օգոստափառ տիրոջս։ Ահա թէ ինչու՝ զայն բերի ձեր առջեւ, եւ յատկապէս քու առջեւդ, Ագրիպպաս արքայ, որպէսզի վերստին հարցաքննելով՝ գրելիք մը ունենամ։

ԳՈՐԾՔ ԱՌԱՔԵԼՈՑ 26:2

Ինքզինքս շատ բախտաւոր կը համարեմ, Ագրիպպա՛ս արքայ, որ քու առջեւդ է որ այսօր ինքզինքս կը պաշտպանեմ այն բոլորին համար՝ որոնցմով Հրեաներ զիս կ՚ամբաստանեն։

ԳՈՐԾՔ ԱՌԱՔԵԼՈՑ 26:26

Այս իրողութիւններուն տեղեակ է Ագրիպպաս արքան. ատոր համար ալ համարձակօրէն կը խօսիմ իրեն։ Չեմ կարծեր որ այս բաներէն ոեւէ մէկը իր ուշադրութենէն վրիպած ըլլայ, քանի որ այս բաները խուլ անկիւնի մը մէջ չէր որ պատահեցան։

ԳՈՐԾՔ ԱՌԱՔԵԼՈՑ 26:7

եւ որուն հասնելու համար մեր տասներկու ցեղերը գիշեր–ցերեկ անդադար յոյսով կ՚աղօթեն։ Այդ յոյսին համար է որ Հրեաներուն կողմէ կ՚ամբաստանուիմ, ո՛վ արքայ։

ԳՈՐԾՔ ԱՌԱՔԵԼՈՑ 28:17

Երեք օր ետք, Պօղոս Հրեաներու գլխաւորները կանչել տուաւ։ Եւ երբ եկան, ըսաւ անոնց. –Եղբայրնե՛ր, ես առանց մեր ժողովուրդին դէմ կամ մեր հայրենի սովորութիւններուն դէմ բան մը գործած ըլլալու՝ Երուսաղէմի մէջ ձերբակալուեցայ եւ յանձնուեցայ Հռոմայեցիներու ձեռքը,

ԳՈՐԾՔ ԱՌԱՔԵԼՈՑ 6:14

Անձամբ լսեցինք որ կ՚ըսէր՝ թէ Նազովրեցի Յիսուսը պիտի քանդէ այս տաճարը եւ պիտի փոխէ այն աւանդութիւնները որ Մովսէս մեզի տուաւ։

ԱՌԱՋԻՆ ԿՈՐՆԹԱՑԻՍ 13:2

Եթէ մարգարէութեան պարգեւը ունենամ, կարենամ բոլոր խորհուրդներու խորքը թափանցել եւ հասնիմ ամբողջական գիտութեան, եւ նոյնիսկ լեռները տեղափոխելու չափ զօրաւոր հաւատք ունենամ, բայց սէր չունենամ, ոչինչ կ՚արժեմ։